Biblia Todo Logo
Biblia ya mtandaoni

- Matangazo -




Esekelo 21:21 - Baibo Busansulushi Bwa Libuku Ili

21 Ceebo mwaami wa bene Babiloni ulaakwiimikana papansaanina mikwakwa apo akuuma cisolo kwaamba ayi eshibe mukwakwa ngweshi atole. Ulaakusebensesha mifwi kuuma cisolo ico, ulaakwiipusha shibumbwabumbwa akulangalanga kulini lya mulambu wakabengwa kuli nshisho.

Tazama sura Nakili




Esekelo 21:21
22 Marejeleo ya Msalaba  

Labani wakalinga waya mukucesa booya mbelele shakwe. Ono ciindi ico ceenka, Lakelo wakeepa balesa bakupanga ba baishi.


Ndishi kwaamba ayi wakanyamuka mukwiinga wakalinga kunyumfwite kalyokolyoko ka kuyanda kuboolela kumishaanu, ono wakeepilanshi balesa ba muŋanda yangu?”


Mwaami Josiya wakakusha beshikwaamba abafu abeshikulotela pantu pomwi abalesa bamumaanda, shibumbwabumbwa ashimwi shoonse shakalinga kulambilwa isho shilensha bunya mucishi ca Juda amundabala ya Jelusalemu. Wakacita boobo mukukonkela milawo yakalinga kulembetwe mulibuku ilyo Ilikiya mupailishi munene ndyaakacana muŊanda yakwe Lesa.


Mulomo wa mwaami ulaamba ankusu shiswa kuli Lesa, aboobo mulomo wakwe toomboloshi cakutalulama.


Cisolo ciloomwa abantu, sombi Mwaami Lesa ngoopa bukumbulo.


Moyo wa mwaami uli mumaansa a Mwaami Lesa. Uloolulamikabo bweenka mbwaalulamika kweenda kwa maanshi a mumulonga.


Munshila njemunya iyo bene Isilaeli balaakwikala ciindi cilaamfu kwakubula bamaami nabi bamatanjilili, milambu nabi mabwe asalalite, shibumbwabumbwa nabi shakusondesha.


Balasenga kuyubulwitwa shintu kucisamu. Lyalo kasamu kalabakumbula. Nebo banshiya anga ngumwanakashi mufuule. Ee, balyaaba kuli lesa mweensu anga ngumwanakashi mufuule.


Mushibumbwabumbwa taamu lushinisho. Beshikusonda balaba ashili anga nshiloto shabubeshi alimwi balasansulula shiloto shiteshi shalushinisho. Ncakwiila baloombulusha citacite mpindu. Paceebo ceeco bantu baleengailabo anga nimbelele shitacite mweembeshi.


Aboobo bamatanjilili ba bene Moabu alimwi abene Midyani bakatolelela ashakulipila pamashingo akuya kuli Balaamu akumulwiita makani akaswa kuli Balaki.


Taaku buloshi kubamulunyungu lwakwe Jakobo, taaku buŋanga bweenga bwasebensa kubene Isilaeli. Ono bantu balaakwaamba pabene Isilaeli ayi, ‘Amubone Lesa nshaacita!’


Aboobo wakatola Balaamu peculu paKalundu ka Peyo, kalangene aluyanga.


Paceebo ceeco, kamuya mumampambanwa anshila mukatambe bantu bali boonse mbeshi mukacane.’


Bushiku bumwi nditwakalinga kuya kumusena wakupaililaako, twakacana mwanakashi musha, wakalinga kucite shikaswa uyo wakalinga kumupa nkusu shakulaluka. Kwiinda mukulaluka kwakwe, wakacanina baami bakwe maali aanji.


Kutabi muntu uli woonse pakati kanu ubenga mwanaakwe musankwa nabi mwanakashi ayi ngumulambu wakutenta. Kutakabi muntu pakati kanu uba muŋanga, shikusonda, mukamwaami,


Ono Mika uyo wakalinga kucite cipaililo cakwe mwiine. Wakatunga acakufwala ca bupailishi ciitwa ayi efodi akupanga shibumbwabumbwa shimwi. Lyalo wakabika mwanaakwe umwi ayi ngumupailishi.


Mpomunyaawo basankwa bosanwe abo bakalinga mukusensa cishi ca Laishi bakaambila babyaabo ayi, “Sa mulishi kwaamba ayi muŋanda imwi pamaanda aya muli efodi, shibumbwabumbwa shimwi acibumbwabumbwa cakubesa cakananikwa silifa? Ono muleshiba cakucita.”


Paciindi ico balo beshikusensa bosanwe balya bakenjila akubwesa cibumbwabumbwa cakubesa cakananikwa silifa, shibumbwabumbwa shimwi alimwi aefodi. Muciindi ico mupailishi wakalinga kwiimfwi kumwinjililo abashilumamba bali 600 abo bakalinga kupakete shakulwanisha.


Ono bantu aba ndibakenjila muŋanda yakwe Mika akubwesa cibumbwabumbwa cakubesa cakananikwa silifa, shibumbwabumbwa shimwi alimwi aefodi, mupailishi uyo wakabeepusha ayi, “Ino mutoocitanshi bulya?”


Ndyaakanyumfwa boobo, mupailishi uyo wakasangalala abuumbi. Mpeeke wabwesa cibumbwabumbwa cakubesa cakananikwa silifa, shibumbwabumbwa shimwi alimwi aefodi akuyaabo.


Mika wakabakumbula ayi, “Mwantolela balesa bangu mbondakalipangila alimwi mwanyaya amupailishi wangu. Nebo taaku ancemwanshiilaawo. Mwamana mutoonjipusha ayi, ‘Ino cakupensha nciinshi?’ ”


Bwaashu bulibo anga ncibiibi cakusonda, akwalo kulisumpula kuli anga mbubi bwakulambila shibumbwabumbwa. Ono mukwiinga wakakaka liswi lya Mwaami Lesa, alakwe wakaka ndiwe kunoocili mwaami.”


Tufuate:

Matangazo


Matangazo