Esekelo 21:11 - Baibo Busansulushi Bwa Libuku Ili

¹¹ Mupeeni wafulwa kwaamba ayi unoolindilabo kusebenseshekwa. Wanonwa akufulwa kwaamba ayi upekwe mumaansa a shikucaya.

Esekelo 21:11 Marejeleo ya Msalaba

Esita 4:1

Ono Modekayi ndyaakanyumfwa shoonse shakacitwa, wakakwamoona shakufwala shakwe ceebo ca buumba, wafwala masaka, wanana milota akwiinda mundabala ya Susa kaalila cakooloma alimwi cakucisa moyo abuumbi.

Isaya 22:4

Paceebo ceeco ndaamba ayi, “Amundeeke ndile bene misheesu abo boonse bakanyonyoolwa. Mutangumushiiwo napaceyi.”

Jelemiya 25:33

Ciindi ico abo boonse beshi bakacaikwe kuMwaami Lesa balaakunoolibo luundu loonse. Nkokwaamba ayi kuswa kweela cishi kuya mukushika ankoceela. Teshi bakabunjikweewo nabi kufukilwa. Sombi balaakubabo anga ngamatombe apantantaala peculu lya nshi.

Jelemiya 25:9

ndaakwiita bantu ba kumatwa amusebenshi wangu Nebukadinesa mwaami wa bene Babiloni. Ndaakubalengesha kulwana cishi ca Juda abantu boonse bekalaamo pantu pomwi amishobo yoonse ibashingulukite. Ndaakubanyonyoola cakumaninina akubalengesha kuba cintu ceelete kuloondwa, kushibulukwa alimwi akunyonyooka kwamuyayaya. Nebo neMwaami Lesa ndaamba.

Esekelo 21:10

Ulinonetwe kwaamba ayi ucaye, ulifulitwe kwaamba ayi unoobekabeka anga nkubeka kwa mfula. Takukoonshi kuba kusangalala mucishi ceebo bantu bangu basuula kucenjesha kwangu koonse.

Esekelo 21:12

Ono ulile cakooloma, webo omuntu, ceebo mupeeni uyo utoosita bantu bangu abamatanjilili boonse ba bene Isilaeli. Lyuume pacaamba ceebo ca buumba!

Esekelo 21:19

“Webo omuntu, bika shitondesho pamikwakwa yobilo umo mweshi mukeende mupeeni wa mwaami wa bene Babiloni. Mikwakwa yoonse ikanooswa mucishi comwi. Ubike cishibilo papansaanina mikwakwa kuya mundabala inene.