Esekelo 20:9 - Baibo Busansulushi Bwa Libuku Ili

⁹ Sombi nshikwe kucita boobo ceebo ico necakalengesha liina lyangu kumana bulemu mukwiinga pameenso a baswamashi abo mbobakalinga kwikalaabo, ndakabashomesha bene Isilaeli ayi ndaakubakusha muIjipiti.

Esekelo 20:9 Marejeleo ya Msalaba

Kulumbaisha 106:8

Sombi wakabafuna kweelana ambwaakabashomesha, kwaamba ayi aboneshe nkusu shakwe shiindaawo kuli mbabo.

Kulonga 32:11

Sombi Mose wakakombelela Mwaami Lesa, Lesa wakwe akwaamba ayi, “NoBaami baLesa, ino inga mwakalalila buyani boobo bantu banu, abo mbomwakafuna kuswa mucishi ca Ijipiti kwiinda munkusu shanu shiindaawo?

Kulonga 32:12

Ceebonshi mulisuni bene Ijipiti baambe ayi, ‘Wakakusha bantu bakwe kuswa mucishi ca Ijipiti kwaamba ayi abacailebo limwi mutulundu akubanyonyoola cakumaninina.’ Mutakalali, amupilule miyeeyo yanu, mutaleti makatasho pabantu banu.

Isaya 48:11

Ono coonse nceentoocita, ntoocicita ceebo ca bulemu bwa liina lyangu. Teshi nkalekelele liina lyangu kumana bulemu nabi kuleka umwi uli woonse ayi alemekwe mbuli ndime. Bulemu ubo bulyeeletebo ndime neenka.”

Esekelo 20:14

Sombi nshikwe kucita boobo ceebo ico nicakalengesha liina lyangu kumana bulemu mukwiinga pameenso a baswamashi ndakakusha bene Isilaeli muIjipiti.

Esekelo 20:22

Sombi nshikwe kucita boobo ceebo ico necakalengesha liina lyangu kumana bulemu mukwiinga pameenso a baswamashi ndakakusha bene Isilaeli muIjipiti.

Esekelo 39:7

“ ‘Kuswawaawo ndaakulengesha liina lyanu lisalalite kwishibwa pakati ka bantu bangu. Teshi nkasuminishe tubili liina lyangu lisalalite kusebaana. Lyalo mishobo imwi ndyeshi ikeshibe ayi nebo neMwaami Lesa ndi Usalalite wa bene Isilaeli.’

Dutolonomi 9:28

Mwabula kucita boobo bene Ijipiti inga baamba ayi mwaalilwa kushisha bantu mucishi ncemwakabashomesha. Balaakwaamba ayi mwakakusha bantu muIjipiti ayi mubacaaye ceebo mwakalinga kubapatite.

Joshuwa 2:10

Twakanyumfwa mbuli Mwaami Lesa mbwaakayumya Lweenge Lusalala ayi musubuke paciindi ndimwakalinga kuswa mucishi ca Ijipiti. Twakanyumfwa ambomwakacaya Sioni aOgi, bamaami bobilo ba bene Amoli kwicwe lya Mulonga wa Joodani.

Joshuwa 7:9

Bene Kenani alimwi abantu bamwi boonse mucishi cino balaakunyumfwa cikani ici akwisa mukutushinguluka alimwi akutunyonyoola soonse. Ono mwebo mulaakucita buyani ayi liina lyanu likanoocilemekwa?”

1 Samwelo 12:22

Mwaami Lesa wakashomesha cakulumbila ayi teshi akamushiyeewo mukwiinga cakamukonda kwaamba ayi mwebo mube bantu bakwe.

1 Samwelo 4:8

Anu ngani weenga watufuna kubalesa bacite nkusu balya? Mbobalesa bakanyonyoola bene Ijipiti muluyanga!