Biblia Todo Logo
Biblia ya mtandaoni

- Matangazo -




Esekelo 20:7 - Baibo Busansulushi Bwa Libuku Ili

7 Kuswawaawo ndakabalwiita kusowa shibumbwabumbwa shabo shilensha nsoni isho nshebakalinga kusuni. Ndakabakasha kulilengesha kutanoosalalite mukulambila balesa babubeshi ba bene Ijipiti ceebo ndime Mwaami Lesa, Lesa wabo.

Tazama sura Nakili




Esekelo 20:7
26 Marejeleo ya Msalaba  

Tamweelete kukonkela shicita bene Ijipiti uko nkomwakalinga kwikala, nabi shicita bantu ba mucishi ca Kenani umo moontoomutola bulya.


“ ‘Sombi balo bakangashukila akukaka kunyumfwila. Tabakwe kusowa shibumbwabumbwa shilensha bunya isho nshebakalinga kusuni nabi kusuula balesa ba bene Ijipiti. Aboobo ndakalinga kulibambite kubalengesha kunyumfwa cilemeneshi ca bukali bwangu muIjipiti.


Amuleke shilubo shoonse nshemwakacita, mube amoyo upya alimwi atulango tupya. Ceebonshi mutooyanda kufwa mwebo nobene Isilaeli?


Nebo ndime Mwaami Lesa, Lesa wanu, aboobo mulyeelete kunoosalalite, mukwiinga nebo ndisalalite.


Mwanakashi uyu taakwe kucileka bufuule ubu mbwaakatalikila muIjipiti basankwa ndibakalinga kukumanaakwe abo bakamulya cisungu akumulengesha kuba mufuule.


Banakashi abo bakatalika kucita bufuule muIjipiti kabacilibo bamyooye. Mucishi umo mobakalitwa shisungu shabo.


Nebo ndime Mwaami Lesa, Lesa wanu, amukonkele milasho yangu alimwi akubona kwaamba ayi mutoolama kabotu milawo yangu.


Kaatali milambu yakabengwa kumisena yakulambililako balesa beensu nabi kulambila shibumbwabumbwa sha mushobo wa bene Isilaeli. Taabishi muka shikamukobonyina.


Muntu uyo kaatali milambu yakabengwa kumisena yakulambililako balesa beensu nabi kulambila shibumbwabumbwa sha mushobo wa bene Isilaeli. Taabishi muka shikamukobonyina nabi kukumana amwanakashi wakubala.


“Paceebo ceeco ambila mushobo wa bene Isilaeli ayi Mwaami Lesa waamba ayi, ‘Amusanduke kuswa kushibiibi! Amusanduke kuswa kushibumbwabumbwa shanu akufutatila micito yanu yoonse ilensha bunya.


Lyalo mumishobo iyo mweshi bakatolwe busha, balaakunjeeya akwishiba kwaamba ayi ndime ndabapa mulandu akubalensha nsoni. Ndaakucita boobo ceebo myoyo yabo itashomeki yamfutatila akusandukila kushibumbwabumbwa. Balaakulipata beene ceebo ca bubi bwabo ashintu shilensha bunya isho nshebacita.


Ono ciindi cilaakushikila ndyeshi mukasowe shibumbwabumbwa shanu sha silifa asha golodi isho maansaanu acita shibiibi nshaakapanga.


Asa ndyaakanyumfwa kulaluka kwakwe Asaliya mwanaakwe Odedi, wakayuminishikwa. Wakanyonyoola shibumbwabumbwa shoonse sha mucishi ca Juda aca Benjameni kubikaawo ashibumbwabumbwa isho shakalinga mumandabala ayo ngwaakakoma mucishi ca tulundu ca Efuleemu. Wakayakulula cipaililo ca Mwaami Lesa ico cakalinga kunembo lya mwinjililo wa Ŋanda yakwe Lesa.


Lyalo Joshuwa wakatolelela ayi, “Anu ono kamulemeka Mwaami Lesa akumusebensela cakushomeka munshila shoonse. Amusowe balesa bakalinga kulambila bamashali banu bakulukulu muMesopotamya amuIjipiti. Lyalo musebenselebo Mwaami Lesa.


Anu bene Isilaeli tabeelete kutolelela kutashomeka kuli ndime neMwaami Lesa kwiinda mukucaya banyama babo muluundu ayi njimilambu kushibumbwabumbwa shili anga nimpongo. Balyeelete kunoolama mulawo uyu.


“Utalipangili shibumbwabumbwa shikoshanya ashintu sha kwiculu, mucishi ca panshi, nabi shili mumaanshi panshi lya cishi.


“Ndime Mwaami Lesa, Lesa wanu nendakamukusha mucishi ca Ijipiti umo momwakalinga basha.


“Matongooshi a bene Isilaeli ndaanyumfwa. Ubalwiite ayi macolesha batoolya nyama alimwi macuunsa balaakulya shinkwa kweelana ambobasuni. Lyalo ndyeshi bakeshibe ayi nebo neMwaami Lesa, ndime Lesa wabo.”


“Amube bantu basalalite mukwiinga nebo ndime Mwaami Lesa, Lesa wanu.


Utafukamini cibumbwabumbwa cili coonse nabi kucilambila, mukwiinga nebo neMwaami Lesa, Lesa wanu, ndi shibusuba. Ndapa mulandu bantu abo bampatite, alimwi akubamulunyungu lwabo kushikila akulishalane lyatatu alyane.


“Alakwe uyo woonse ubenga milambu kubalesa bamwi bali boonse, kukushako ndime neMwaami Lesa, ulyeelete kucaikwa.


Wakalinga ngumufuule wa bacinenenene boonse ba bene Asilya. Wakalibisha mukulambila shibumbwabumbwa sha boonse abo mbwaakalinga kukumbwa.


“Lwiita bene Isilaeli ayi nebo ndime Mwaami Lesa wanu.


Nebo neMwaami Lesa ndaakuba Lesa wa nshisho alimwi mwaami wamulunyungu lwakwe Defedi musebenshi wangu ulaakunooshilela. Nebo neMwaami Lesa ndaamba.


Tufuate:

Matangazo


Matangazo