Esekelo 20:12 - Baibo Busansulushi Bwa Libuku Ili

¹² Ndakabapa abushiku bwakookesha bwa Cibelu ayi bube keshibilo pakati kesu kwaamba ayi beshibe ayi nebo neMwaami Lesa ndime ndakabasalasha.

Esekelo 20:12 Marejeleo ya Msalaba

Esekelo 20:20

Amulame bushiku bwangu bomwi abomwi bwakookesha bwa Cibelu ayi mbushiku busalalite kwaamba ayi bube keshibilo pakati kesu. Lyalo ndyeshi mukeshibe ayi nebo ndime Mwaami Lesa, Lesa wanu.

Esekelo 37:28

Mishobo yaakubona ayi ndabika Ŋanda yangu pakati kabo kwalyoonse alyoonse, ilaakwishiba ayi nebo neMwaami Lesa ndakasala bene Isilaeli kuba bantu bangu.’ ”

1 Bene Tesalonika 5:23

Ono Lesa uyo utulengesha kwaamba ayi twikale muluumuno, amusalashe cakumaninina akulengesha buumi bwanu boonse kubula kampenda pakwisa Mwaami wesu Jesu Klistu.

Bene Lefi 21:23

Sombi ceebo ca bulema mbwaacite, teelete kushika pafwaafwi acisani cisalalite cakushitilisha nabi kuya kucipaililo. Teelete kulengesha ayi shintu shisalalite ishi shikabule kunoosalalite mukwiinga ndime Mwaami Lesa uyo ushisalasha.”

Neyemiya 9:14

Mwakabeeisha kusalasha bushiku bwakookesha bwa Cibelu. Kwiinda mumusebenshi wanu Mose mwakabapa milawo amilasho yanu.

Bene Lefi 25:4

Sombi mwaaka wasanu ayobilo ngwakookesha kwa cishi, mwaaka wakabikwa palubasu ayi ngwa Mwaami Lesa. Tamweelete kushanga mumyuunda yanu nabi kutimbula misampi yamweela kushisamu sha minyansa.

Bene Lefi 23:39

“Ono na mwamanisha kutebula mumyuunda yanu, mulyeelete kusangalala pakusekelela uku kwa shimpaka inshiku shosanwe ashobilo, kutalikila pabushiku bwalikumi ashosanwe mumweenshi wasanu ayobilo. Bushiku butaanshi mbwakookesha abushiku bwasanu ashotatwe abwalo mbwakookesha.

Bene Lefi 23:32

Kuswa pabushiku bwasanu ashone macolesha mumweenshi uyu, kushikila apabushiku bwalikumi macolesha, mulyeelete kubona ayi mbushiku bwakookesha bupuseneeko, ubo mbomuteelete kulya cintu nabi comwi.”

Bene Lefi 23:24

“Lwiita bene Isilaeli ayi pabushiku butaanshi mumweenshi wasanu ayobilo, balyeelete kookesha kumilimo yoonse akubungana ayi banambile na mapeenga alila.

Bene Lefi 23:3

“Mulicite nshiku shosanwe abomwi umo momweelete kusebensa milimo yanu, sombi mwiingashile bushiku bwasanu ashobilo, mbushiku bwakookesha. Pabushiku ubu tamweelete kusebensa, sombibo kubungana pantu pomwi ayi mulambile. Kuli koonse nkweenga kamwikala ubu mbushiku bwa Mwaami Lesa.

Bene Lefi 21:15

Na wabula kucita boobo, bana bakwe abo beelete kunoosalalite, teshi bakanoosalalite kweelana aMilawo. Nebo ndime Mwaami Lesa nendakamupatula ayi abe mupailishi munene.’ ”

Bene Lefi 21:8

Bantu balyeelete kulanga mupailishi ayi ulisalalite ceebo ulabenga milambu ya cakulya kuli ndime. Nebo ndime Mwaami Lesa, ndisalalite alimwi bantu bangu ndabasalasha.

Bene Lefi 20:8

Kamukonkela milawo yangu ceebo nebo ndime Mwaami Lesa neemusalasha.

Kulonga 35:2

Munshiku shosanwe abomwi mulyeelete kusebensa milimo yanu, sombi bushiku bwasanu ashobilo, mbushiku busalalite bwakookesha, bubengetwe kuli ndime neMwaami Lesa, Lesa wanu. Uyo woonse weenga wasebensa milimo pabushiku ubu, ulyeelete kucaikwa.

Kulonga 16:29

Mulyeelete kwiibaluka ayi nebo neMwaami Lesa ndakamupa bushiku bwakookesha bwa Cibelu, nceceeco nceshi noomupeta shakulya shikumana nshiku shobilo lyoonse pabushiku bwasanu abomwi. Muntu woonse ulyeelete kwikala kweenka nkwaabete pabushiku bwasanu ashobilo, alimwi teelete kushiya musumba wakwe.”

Matalikilo 2:3

Bushiku ubu wakabupa coolwe akubusalasha, mukwiinga mbobushiku mbwaakookesha kuswa kumulimo woonse wakulenga ngwaakacita.

Judi 1:1

Ndime Judi musebenshi wakwe Jesu Klistu alimwi mukwabo Jemusi. Ntoolembela ndimwe nomwakeetwa akusunikwa aLesa Ishiwesu alimwi nomulamwa aJesu Klistu.

Bene Kolose 2:16

Paceebo ceeco kutabi muntu nabi womwi weshi akamupe mulandu ceebo ca sheesho nshemulya nabi kunwa, nshiku nshemusekelela mumwaaka, mweenshi upya, nabi pabushiku bwakookesha bwa Cibelu.

Isaya 56:2

Muntu ucita boobo ulicite coolwe. Ncakwiila uyo ukakatila mukucita boobo, uyo ulama bushiku bwakookesha bwa Cibelu cakutalilengesha kutasalala alimwi utasuminishi maansaakwe kucita bubi, ulicite coolwe.”

Jelemiya 17:22

Tamweelete kukusha mukuli mumaandaanu nabi kusebensa ncito ili yoonse pabushiku bwakookesha bwa Cibelu. Sombi bushiku ubo mulyeelete kubusalasha kweelana ambondakaambila bamashali banu bakulukulu.

Esekelo 20:26

Ndakabaleka ayi balibiishe kwiinda mumilambu yabo, bunene bunene pakubenga bana babo bakwiiya ayi njimilambu. Ndakacita boobo kwaamba ayi bakaloonde akwishiba ayi nebo ndi Mwaami Lesa.’

Esekelo 44:24

“Na kwaba milandu pakati ka bantu, bapailishi mbobeelete koombolosha kweelana amilasho yangu. Balyeelete kulama kusekelela kwakulemeka ndime kweelana amilawo amilasho yangu. Balyeelete kulama bushiku bwangu bwakookesha bwa Cibelu.