Esekelo 20:1 - Baibo Busansulushi Bwa Libuku Ili

¹ Pabushiku bwalikumi bwa mweenshi wasanu wa mwaaka wasanu ayobilo wa busha bwesu, bamaloba ba bene Isilaeli bamwi bakesa kuli ndime ayi banjipushe kuyanda kwa Mwaami Lesa. Mpeeke bakekala kunembo lyangu.

Esekelo 20:1 Marejeleo ya Msalaba

2 Baami 3:13

Mpeeke Elisha wakaambila mwaami wa bene Isilaeli ayi, “Ceebonshi mwesa kuli ndime? Tamukwe kuyitanshi kubalaluki ba baishiwanu abanyinawanu?” Jolamu wakakumbula ayi, “Sobwe, Mwaami Lesa ngoweeta swebo sobamaami sotatwe ayi atwaabe mumaansa a bene Moabu.”

2 Baami 6:32

Mpomunyaawo wakatuma muntu ayi alete Elisha. Muciindi ico, Elisha wakalinga kuŋanda abamaloba abo bakalinga bamufwakashila. Shinkombe wa mwaami kaatana kushika, Elisha wakaambila bamaloba ayi, “Mucayi ulya watuma muntu kwisa mukunsutula mutwi! Ono na apole, mucalisheeko kumulyango kwaamba ayi atenjili. Lakwe mwaami unanooli kwisule lya muntu uyo, keesa.”

Isaya 29:13

Mwaami Lesa ulaamba ayi, “Aba bantu balaba pafwaafwi anebo mukwaamba, balandemekabo pamulomo, sombi myoyo yabo ili kulaale anebo. Kupaila nkobampaila, taaku mbokubete mukwiinga baleeisha milawo ipangabo bantu anga njemilawo yakwe Lesa.

Isaya 58:2

Balanambila mashiku amalumwi, balaboneka anga balisunishi kwishiba nshila shangu. Balalibonesha anga ngumushobo ucita shiluleme uyo utana kufutatilaawo milawo yangu neLesa wabo. Ee, balalibonesha anga balisuminite kukonkela milawo yangu. Balaamba ayi balisuni koombolosha kululeme alimwi ayi balisunishi kwaamba ayi nsene pafwaafwi ambabo.

Jelemiya 21:2

“Twaambilileko kuMwaami Lesa ceebo Nebukadinesa mwaami wa kuBabiloni utootulwana. Mpashi Mwaami Lesa inga watucitilawo shaankamiko mbuli mbwaakalinga kucita kale kale kwaamba ayi Nebukadinesa atuleeke.”

Jelemiya 37:17

Mpeeke mwaami Sedekiya wakatuma bantu kwisa mukumbwesa ayi bantole kuŋanda yakwe ya bwaami. Lyalo mwaami wakanjipusha kweela ayi, “Sa kuliwo maswi aswa kuMwaami Lesa?” Nebo ndakamukumbula ayi, “Ee, nkwaali. Mwebo mulaakwaabwa mumaansa a mwaami wa bene Babiloni.”

Esekelo 1:2

Pabushiku bwasanu bwa mweenshi, mumwaaka wasanu kuswa ciindi mwaami Jeoiyakini ndyaakatolwa mubusha,

Esekelo 20:2

Mpeeke Mwaami Lesa wakaŋambila ayi,

Esekelo 24:1

Mumwaaka wasanu ayone wa busha bwesu mumweenshi walikumi pabushiku bwalikumi Mwaami Lesa wakandwiita ayi,

Esekelo 26:1

Mumwaaka walikumi awomwi wa busha bwesu pabushiku butaanshi bwa mweenshi, Mwaami Lesa wakaŋambila ayi,

Esekelo 29:1

Mumwaaka walikumi wa busha bwesu, mumweenshi walikumi, pabushiku bwalikumi ashobilo, Mwaami Lesa wakaŋambila ayi,

Esekelo 29:17

Mumwaaka wamakumi obilo amyaaka yosanwe ayobilo wa busha bwesu, pabushiku bwakutaanguna bwa mweenshi wakutaanguna, Mwaami Lesa wakaŋambila ayi,

Esekelo 30:20

Mumwaaka walikumi awomwi wa busha bwesu, pabushiku bwasanu ashobilo bwa mweenshi wakutaanguna, Mwaami Lesa wakaŋambila ayi,

Esekelo 31:1

Mumwaaka walikumi awomwi wa busha bwesu, pabushiku bwakutaanguna bwa mweenshi watatu, Mwaami Lesa wakaŋambila ayi,

Esekelo 32:1

Mumwaaka walikumi ayobilo, pabushiku bwakutaanguna bwa mweenshi walikumi ayobilo, Mwaami Lesa Shinkusu shoonse wakaŋambila ayi,

Esekelo 40:1

Mumwaaka wamakumi obilo amyaaka yosanwe wa busha bwesu, pabushiku bwalikumi bwa mweenshi wakutaanguna mumwaaka, mumwaaka walikumi ayone ndabala ya Jelusalemu ndiyakawa, nkusu sha Mwaami Lesa shakanselukila akuntola.

Esekelo 8:1

Pabushiku bwasanu, mumweenshi wasanu awomwi, mumwaaka wasanu awomwi, ndakalinga kushiite muŋanda yangu abamaloba ba bene Juda. Cakuteengashila, nkusu sha Mwaami Lesa Shinkusu shoonse shakanselukila.

Esekelo 8:11

Kunembo lya nshisho kwakalinga kwiimfwi bamaloba ba bene Isilaeli bali 70, kubikaawo aJaasaniya mwanaakwe Shafani. Womwi awomwi wakalinga kucite cakutentelawo tununkila kabotu mulyaansa lyakwe, kakusuntabo bwiishi bwa tununkila kabotu.

Mateyo 22:16

Lyalo bakatuma bashikwiiya babo abantu bamwi bakwe Elodi kuli Jesu mukumwiipusha ayi, “Bafundishi, tulishi kwaamba ayi mwebo mulashomeka alimwi muleeisha maswi akwe Lesa calushinisho, bweenka mbuli mbwaabete. Tamulisukami amiyeeyo ya muntu mukwiinga tamusalululi.

Luka 10:39

Malita wakalinga kucite mukwabo mwanakashi wiitwa ayi Maliya, uyo wakekala pafwaafwi aMwaami Jesu, kaakutika kwiisha kwakwe.

Luka 2:46

Bakesa mukumucana ndipakeenda nshiku shotatwe muŋanda yakwe Lesa kaashite pakati ka bafundishi ba Milawo, kaabakutika akunoobeepusha miipusho.

Luka 8:35

Lyalo bantu bakesa mukubona cakacitika. Ndibakashika bakacana musankwa Jesu ngwaakakusha bashikaswa ulishiite muliimfwa lyakwe, kaafwete, amaano kaakwenebo kabotu. Lyalo bantu bakaloonda.

Milimo ya Batumwi 22:3

“Nebo ndi muJuda, ndakashalilwa mundabala ya Tasasi mucishi ca Silisiya, sombi ndakakulila momuno mundabala inene ya Jelusalemu. Gamalyelo ngowakalinga kunjiisha. Wakanjiisha kabotu kabotu bwakukonkela Milawo yakapekwa bamashali besu bakulukulu alimwi ndakalinga ndalibenga kusebensela Lesa bweenka mbuli mbomubete noonse nomuli waano.