Esekelo 2:8 - Baibo Busansulushi Bwa Libuku Ili

⁸ “Sombi webo omuntu, kutika nsheshi nkulwiite. Utaashuki mbuli bwakaashuka bantu aba. Cenama ulye nceshi nkupe.”

Esekelo 2:8 Marejeleo ya Msalaba

Kulumbaisha 105:28

Wakaleta munshinshe pali mbabo akubalubya. Nakubi boobo bene Ijipiti tabakwe kucita kweelana amaswi akwe.

Isaya 50:5

Mwaami Lesa wakampa busongo bwakunyumfwishisha shintu. Nshikwe kumwaashukilaawo nabi kumufutatilaawo.

Isaya 8:11

Mwaami Lesa wakancenjesha munkusu shakwe shiinji ayi nsheelete kukonkela shitoocita bantu aba. Wakaamba ayi,

Jelemiya 13:2

Mpeeke ndakoola laamba kweelana abwakaamba Mwaami Lesa akuufwala mubukome.

Jelemiya 15:16

Ndindakanyumfwa maswi anu, ndakaatambula camoyo woonse. Akansangalasha akulengesha moyo wangu kukondwa ceebo ndi muntu wanu, mwebo Nobaami baLesa, baLesa beShinkusu shoonse.

Esekelo 12:2

“Webo omuntu, ulishiite pakati ka bantu baashu. Balicite meenso akuboneshaako, sombi tababoneshi, balicite matwi akunyumfwishaako, sombi tabanyumfwishi ceebo mbantu baashu.

Esekelo 12:7

Aboobo ndakacita kweelana ambondakaambilwa. Malumwi, ndakalongela shintu shangu anga ngumuntu utooya mubusha. Ono macolesha ndakatulula lubumbu amaansaangu. Mpeeke ndakaswita mpapo pantu pomwi ashintu shangu akushinyamwita pacifushi ciindi camumuntu ngulya boonse kabambwene.

Esekelo 3:10

Lyalo wakaŋambila ayi, “Webo omuntu, nyumfwisha kabotu akubika maano kumaswi oonse ngweshi nkulwiite.

Esekelo 33:7

“Webo omuntu, ndaakubika kuba shikulindilila mushobo wa bene Isilaeli. Paceebo ceeco unoonyumfwa maswi ngweshi nokwaamba, awebo unooya mukubacenjesha kweelana amaswi angu.

Esekelo 40:4

Mpomunyaawo muntu uyo wakandwiita ayi, “Webo omuntu, langilisha kabotu, ukutike akubikaako maano kushoonse nsheshi nkutondeshe ceebo ncewaletelwa kokuno. Wamana uye ulwiite bene Isilaeli shoonse nsheshi ubone.”

Bene Lefi 10:3

Mpomunyaawo Mose wakaambila Aloni ayi, “Nceceeci Mwaami Lesa ncaakalinga kwaambawo, ndyaakaamba ayi, ‘Basebensela ndime boonse balyeelete kundemeka ceebo ndisalalite. Ndaakuyubulula bulemu bwangu kubantu bangu.’ ” Sombi Aloni wakoomunabo bwii.

Jona 1:3

Sombi Jona wakanyamuka ayi alobokele kuTashishi kuswa pameenso a Mwaami Lesa. Lyalo wakakunkuluka kuya kuJopa, uko nkwaakacana bwaato bunene bwakalinga kuya nkuko. Aboobo wakalipila akutanta kuya kuTashishi pantu pomwi abeshikweensha bwaato ubo, kwaamba ayi aswe pameenso a Mwaami Lesa.

Shakubelenga 20:24

“Aloni teshi akenjile mucishi ico ncendakalasha kupa bene Isilaeli. Ulaakufwa mukwiinga mwebo nobilo tamukwe kunyumfwila mulawo wangu kuMeliba.

1 Pita 5:3

Mutabi anga mbamaami pabantu abo mbomutoolama, sombi mube abuumi bweenka mbomusuni ayi babaabo.

Ciyubululo 10:9

Aboobo ndakaya kumunjelo uyo, akumusenga ayi ampe libuku liniini lilya. Lakwe wakaŋambila ayi, “Libwese ulilye. Mulifumo litoolula, sombi mukanwa litoobotabo anga mbuuci.”