Esekelo 19:2 - Baibo Busansulushi Bwa Libuku Ili

² “Nyinawanu wakalinga anga ninkalamu ishashi icite mpuwo pakati ka nkalamunyina. Wakalinga koona pantu pomwi ankalamu shisankwa akulela bana bakwe.

Esekelo 19:2 Marejeleo ya Msalaba

Jobo 4:11

Bamucita shibi balaloba bweenka mbuli nkalamu itoobula kuluma banyama ayi ilye, abalo bana babo bamucita shibi balapalangana.

Kulumbaisha 58:6

NoBaami baLesa amutyoloole meeno mumilomo yabo. Nkalamu sha bantu ishi amushisokoole meeno.

Isaya 5:29

Bashilumamba abo balalilabo anga ninkalamu, ee, anga mbaana ba nkalamu abo babuluma na bacata munyama. Balamutolaanya cakubulaawo aukonsha kumufuna.

Esekelo 19:1

Mwaami Lesa wakaŋambila ayi nyimbe lwiimbo lwa buumba kulilila baana ba mwaami bobilo bene Isilaeli.

Esekelo 19:3

Wakalela mwanaakwe womwi uyo wakaba nkalamu icite nkusu. Mwaana uyu wakeeya kucata banyama akutalika kulya bantu.

Esekelo 32:2

“Webo omuntu, imba lwiimbo lwa buumba kulilila Falawo mwaami wa Ijipiti ayi, ‘Webo ulibo anga ninkalamu pakati ka mishobo imwi, ulibo anga ngushinshimwe mulweenge, shinshimwe usamfoola maanshi mutulonga twakwe. Ulafundaanya maanshi amyeendo yako akulengesha tulonga kuba matipa.’

Sekaliya 11:3

Amunyumfwe kooloma kwa beembeshi ceebo mafulo abo abotu anyonyoolwa. Amunyumfwe kubuluma kwa nkalamu, ceebo shisaka nsheshikalaamo sha kuJoodani shanyonyoolwa!

Dutolonomi 33:22

Kumukowa wakwe Dani wakaamba ayi, “Mukowa wakwe Dani ngumwanaankalamu, uloolukila kuswa kuBashani.”