Esekelo 18:7 - Baibo Busansulushi Bwa Libuku Ili

⁷ Taalyatilili muntu nabi womwi, sombi ulapilusha cintu ncaakacatila kushinkongole. Taaciti bupambi, sombi ulapa shakulya kubaabo bafwite nsala akupa shakufwala abo batacite.

Esekelo 18:7 Marejeleo ya Msalaba

Neyemiya 5:10

Nebo, mbondakalinga kusebensaabo abasebenshi bangu, twakasumina kunoobakweletesha maali ashili anga ngamaila. Ono atucileeke kubasesa shikwelete isho.

Jobo 22:6

Ceebo ca nkongole icite mukwanu, wakacatilaamo cintu cakwe. Wakamunyaya shakufwala akumushiya matakosha.

Jobo 24:3

Balabwesa mbongolo sha bana banshiwa. Balacata musune wa mukalubinje kushikila walipila nkongole njaacite.

Jobo 24:9

“Bamucita shibi balakusha bakateta batacite baishi kunkolo akubatola ceebo ca nkongole shitana kulipilwa.

Kulumbaisha 112:4

Nabi kube munshinshe, lakwe muntu ululeme uleenda mumuni. Ee, kuli baabo beshiluse, beshinkumbu alimwi baluleme kuli mumuni.

Kulumbaisha 112:9

Ulaaba shipo shakwe kubakandu camoyo woonse. Bululami bwakwe mbwalyoonse alyoonse. Ulaakuba ankusu alimwi ulaakulemekwa.

Kulumbaisha 41:1

Ulicite coolwe muntu uyo uyeeyela bakandu. Mwaami Lesa ulaakumufuna muciindi ca mapensho.

Kulonga 22:25

“Na mwakongosha maali muntu wangu mukandu uli woonse, tamweelete kuba anga ngushikukongosha maali akusuna kwaamba ayi eelikeewo maali amwi.

Kulonga 22:26

Na mwacatila muntu umwi cakufwala ca peculu ceebo ulicite nkongole kuli ndimwe, mulyeelete kuciboosha lisuba kalitana kwipila,

Kulonga 23:9

“Mutabi alunkutwe kumuswamashi. Mwebo mulishi buswamashi mbobubete ceebo mwakalinga baswamashi mucishi ca Ijipiti.

Tushimpi 14:31

Muntu uyo useka mubye mukandu, ingayi ulanyansha Mulengi wakwe, sombi uyo woonse ufwita nkumbu mukandu, ulalemeka Lesa.

Tushimpi 28:27

Uyo upako bakandu taaku nceshi akapenge, sombi uyo ushinshibata ababona, ulaakushinganwa ciine.

Tushimpi 28:8

Uyo ubilila mukukomenya mweelo wa cinyona mucila pankongole nshaapa, ulabikilabo babye abo bafwita nkumbu bakandu.

Tushimpi 3:31

Utakumbwi nshila sha muntu shilunkutwe nabi kukonkela mibo yakwe.

Isaya 1:17

Amutalike kucita shibotu. Amusune kucita shiluleme. Ee, amuyumye balyatililwa. Kamufuninina batacite bamashali akwiimikanina bamukalubinje.”

Isaya 33:15

Ngooyo weenda cakubula kampenda akwaamba shintu shiluleme. Ngooyo ukaka mpindu yabupambi, utasuni kutambula makulo utasuni kuteya matwi kubaabo bapangana shabucayi alimwi utasuni kulansha meenso akwe pabubi.

Isaya 5:7

Isilaeli ngomuunda wa minyansa wa Mwaami Lesa Shinkusu shoonse. Ncakwiila bene Juda njeminyansa njaakashanga. Wakalinga kulangila ayi batoocita shiluleme, sombi ncaakabonabo mbucayi. Wakalinga kulangila koombolosha cakutanyengelela, sombi cakapola kumatwi akwe nkulila kwa baabo bakalinga kulyatililwa.

Jelemiya 22:3

Ono bulya ndakwaambila ayi unoocita shintu shakutanyengelela akucita shiluleme. Kofuna muntu uyo utookwiipilwa kuswa mumaansa a wooyo utoomupensha. Mutaciti shibiibi akuba alunkutwe kumuswamashi, mwanaanshiwa amukalubinje. Utatiili bulowa bwa bantu batacite mulandu mucishi cino.

Esekelo 16:49

“ ‘Cibiibi cakacita Sodoma mukwanu mwanakashi nceeci. Lakwe abaana bakwe banakashi wakalinga kulisumpula, kucite shakulya shiinji alimwi bakalinga kunooshiite kwakubula cakulisukama, sombi taakalinga kucafwa bakandu abataaku mbobabete.

Esekelo 18:12

Ulalyatilila bakandu abaabo bataaku mbobabete. Ulacita bupambi alimwi taapilushi cintu ncaakacatila shinkongole. Ulalambila shibumbwabumbwa akucita shintu shilensha bunya.

Esekelo 18:16

Taalyatilili muntu nabi womwi alimwi taacatili cintu pakunkweletesha. Taaciti bupambi, sombi ulapa shakulya kubaabo bafwite nsala akupa shakufwala abo batacite.

Esekelo 18:18

Sombi baishi balaakufwita shibiibi shabo beene ceebo bakalinga kucenjeeka, kupamba akucita shintu shibiibi pakati ka bene mishaabo.

Esekelo 33:15

nkokwaamba ayi na wapilusha cintu ncaakacatila shinkongole, wapilusha nshaakeepa, wakonkela milasho iyo ipa buumi alimwi akuleka kubisha, ndushinisho muntu uyo ulaakuba abuumi. Teshi akafweewo, sobwe.

Esekelo 7:23

“Amubambe ncetani ceebo cishi ciliswitebo beshikutila bulowa aalo mandabala oonse anene aliswitebo shalunkutwe.

Danyelo 4:27

Paceebo ceeco nobaami amukonkele nsheshi mulwiiteeko. Amuleke kucita shibiibi akutalika kucita shiluleme alimwi musanduke kuswa kububi akutalika kuba ankuumbu kubaabo balyatililwa. Lyalo mpashi mulaakutolelela kuya ciswitilila.”

Bene Lefi 19:13

“Mutapenshi muntu nabi womwi, nabi kumwiipila. Tamweelete kucelwa kufolesha musebenshi wanu nabi bushiku bomwibo.

Bene Lefi 19:15

“Mulyeelete kushomeka akululika pakoombolosha. Mutabi akasalulushi kubantu bakandu nabi kuloonda babile.

Bene Lefi 25:14

Aboobo na moolisha nabi kuula muunda kumwine Isilaelinyinaanu, kuteelesha kunyengelela.

Amosi 2:6

Mwaami Lesa waamba ayi, “Bene Isilaeli bakalinga kubisha lyobilo lyobilo, aboobo ndushinisho ndaakubapa mulandu. Bakoolisha bantu baluleme a Silifa, akushintisha bakandu ankwabilo shobilo.

Amosi 2:8

Kumisena yakulambililaako yoonse balo baloonabo pashakufwala nshebacatila bakandu ceebo ca nkongole. MuŊanda yangu neLesa balanwitamo waini uyo ngobanyaya baabo bakakweleta kuli mbabo.

Amosi 3:10

Mwaami Lesa waamba ayi, “Bantu abo balasusha malinga ashintu shakusaala. Tabacishi kucita shintu shiluleme, napaceyi.”

Amosi 6:3

Mwebo mulakaka ayi bushiku bwa mapensho bulaakwisa. Sombi nshemucita shilalengeshabo bushiku ubo kwisa cakufwambaana.

Mika 2:1

Mapensho kuli baabo beshikuyeeya shibiibi, abaabo bapinga kucita shibiibi nabi kabalete! Na bwaca macuunsa balacita shibiibi nshebayeeya mukwiinga balakonsha kushicita.

Mika 3:2

sombi mulipatite shibotu akusuna bubi. Mulafunda bantu bangu kabacili boomi akukusha minyemfu kushifuwa shabo.

Sefaniya 1:9

Pabushiku bweenka ubo ndaakunyonyoola boonse abo balambila anga mbakunsengwe ee, abo beepa akucaya kwaamba ayi basushe shintu muŋanda ya mwaami wabo ngobalambila.”

Malaki 3:5

Mwaami Lesa Shinkusu shoonse utokwaamba ayi, “Ndaakwisa pakati kanu cakutasowa ciindi mukoombolosha. Ndaakushinina beshimampelampela, beshibulale, beshikupa bukamboni bwakubeca, banyengelela beshincito pamaali ngobafola, abaabo banyengelela bamukalubinje banakashi, bana banshiwa alimwi abaswamashi. Nkokwaamba ayi ndaakushinina boonse batandemeki.

Luka 3:11

Lakwe wakabakumbula ayi, “Uyo ucite shakufwala shobilo apeewo comwi mubye utacite. Alakwe ucite shakulya acite bweenka ubo.”

Dutolonomi 24:17

“Kuteelesha kunyengelela baswamashi nabi bana banshiwa mumilandu. Alimwi taaku weelete kubwesa cakufwala ca mukalubinje mwanakashi ayi ncakushomesha kwaamba ayi ulaakuboosha nkongole.