Esekelo 18:5 - Baibo Busansulushi Bwa Libuku Ili

⁵ “Twaambe ayi kuli muntu ululeme uyo ucitabo shintu shakutanyengelela alimwi ashilulemebo.

Esekelo 18:5 Marejeleo ya Msalaba

Esekelo 33:14

Inga ndaambila mucita shibi ayi, ‘Ndushinisho webo ulaakufwa,’ ono lakwe wasanduka kuswa kushibiibi shakwe akucita shintu shakutanyengelela alimwi shiluleme,

1 Joni 3:7

Nobana bangu, kutabi muntu nabi womwi weshi amucenjeeke. Uyo ucita shiluleme, uliluleme bweenka mbuli Klistu mbwaaluleme.

1 Joni 2:29

Ono mukwiinga mulishi ayi Klistu uliluleme, mulyeelete kwishiba alimwi ayi uyo woonse ucita shiluleme ngumwanaakwe Lesa.

1 Joni 2:3

Na tulakonkela milawo yakwe Lesa, anu inga tweshiba kwaamba ayi tulimwishi.

Tushimpi 21:3

Kucita shintu shiluleme akoombolosha cakutanyengelela kulakondelesha Mwaami Lesa kwiinda apakubenga mulambu.

Matalikilo 18:19

Ndamusala kwaamba ayi aambile bana bakwe abamulunyungu lwakwe ayi banyumfwile akucita shiluleme. Mukucita boobo, ndaakumucitila shoonse nshindakamulasha.”

Ciyubululo 22:14

Balicite coolwe abo bacapa shakufwala shabo kwaamba ayi bakasuminishikwe kulya shisepo sha kucisamu cipa buumi alimwi akwinjila mundabala inene iyo.

Jelemiya 22:15

“Sa shisamu sha sida shiinji nsheenga shakulengesha kuba mwaami? Bona, iso wakalinga kutileelabo shakulya ashakunwa? Lakwe wakalinga kucita shintu shiluleme alimwi shakutanyengelela. Aboobo shintu shoonse shakalinga kumweendela kabotu.

Esekelo 18:4

Ceebo buumi bwa bantu boonse mbwaangu, nkokwaamba ayi buumi bwa mushali abwa mwaana boonsebo mbwaangu. Anu muntu uyo ubisha ngweshi akafwe.’

Esekelo 18:6

Muntu uyo kaatali milambu yakabengwa kumisena yakulambililako balesa beensu nabi kulambila shibumbwabumbwa sha mushobo wa bene Isilaeli. Taabishi muka shikamukobonyina nabi kukumana amwanakashi wakubala.

Jelemiya 7:5

Amuleke nshila shanu amicito yanu ibiibi. Kamucitilana shintu cakutanyengelela.