Esekelo 17:9 - Baibo Busansulushi Bwa Libuku Ili

⁹ “Ono nebo neMwaami Lesa Shinkusu shoonse ndeepusha ayi, ‘Sa cisamu ici inga cakomena kabotu? Sa mumbankwashi mutaanshi inga taacitumuni, kupululaako shisepo, kuponsolako misampi alimwi akwiileka ayi iyume? Inga takuyandiki lyaansa lyankusu nabi bantu baanji ayi citumunwe.

Esekelo 17:9 Marejeleo ya Msalaba

2 Makani 13:12

Lesa mwiine ngomutanjilili wesu, anaaba bapailishi mpobali amapeenga. Batookwaalisha kwaamba ayi tumulwaane. Nobene Isilaeli tabalwaani Mwaami Lesa, Lesa wa bamashali banu bakulukulu! Inga tamuswitililiiwo, sobwe!”

2 Makani 20:20

Macuunsacuunsa bushiku bwakaboolaawo bantu bakaya kuLuyanga lwa Tekowa. Ndibakalinga kutalika kweenda, Jeoshafati wakaamba ayi, “Nobene Juda abene Jelusalemu! Amucinke manungo muMwaami Lesa, Lesa wanu, mulaakwiimikanabo nta. Kamushoma shimulwiita balaluki, mulanooswitilila.”

Jelemiya 32:5

Sedekiya ulaakutolwa kubabiloni uko nkweshi akanooshiite kushikila nkamoomboloshe. Nabi akalwane abene Babiloni, teshi akabakomeewo, sobwe. Nebo neMwaami Lesa ndaamba.’ ”

Jelemiya 37:10

Ncakwiila nabi mukakome likoto lyoonse lya bashilumamba bene Babiloni akushiyawobo balicisite mumatente, beenka abo balaakwisa mukutenta ndabala inene ino cakumaninina.’ ”

Esekelo 17:10

Nabi na calimbulwa, sa inga casonsa? Sa inga taciyumini limwi na capuupilwa muuwo wakwicwe? Sa inga taciyuminibo peenka apo mpweshi cikashangwe?’ ”

Esekelo 17:8

Sombi cakashangwa mubulongo bucite mboleshi munshaamaanshi aanji kwaamba ayi cibe amisampi, cikacate shisepo akuba cisamu ca munyansa cinene.’

Amosi 2:9

“Nakubi boobo ndakanyonyoola bene Amoli ceebo cabo. Bene Amoli bakalinga balaamfu anga nshisamu sha sida, alimwi bayumu anga njimibanga. Ndakanyonyoola shisepo shabo akunyonyoola miyanda yabo panshi peene.

Shakubelenga 14:41

Sombi Mose wakaamba ayi, “Ino tamutoonyumfwililanshi Mwaami Lesa bulya? Teshi mubakoome!