Esekelo 16:7 - Baibo Busansulushi Bwa Libuku Ili

⁷ Ndakakulengesha kukomena kabotu anga cishango ca mumuunda. Wakakomena waba ankusu akuba mooye wiindaawo kubota. Wakamena nkolo amisusu yakalaampa, nakubi boobo wakalinga kweendabo matakosha.

Esekelo 16:7 Marejeleo ya Msalaba

Matalikilo 22:17

Ndashomesha ayi ndaakukupa bamulunyungu lwako baanji anga ninyenyeenshi mwiculu nabi museese wa muloombe lwa lweenge. Bamulunyungu lwako balaakukoma beshinkondonyinaabo.

Jobo 1:21

“Ndakaswa maansabo kuswa mumala muli bama alimwi ndaakuya maansabo ndaakufwa. Mwaami Lesa ngowakampa shoonse ono bulya wanyaya shoonse. Liina lya Mwaami Lesa alilumbaishikwe!”

Kulumbaisha 135:4

Mwaami Lesa wakasala Jakobo kuba wakwe, wakasala Isilaeli ayi mbuboni bwakwe mbwaasunishi.

Kulumbaisha 147:20

Taaku mushobo umwi ngwaakacitila boobo, ceebo bamumishobo imwi tabeshi milawo yakwe. Amulumbaishe Mwaami Lesa!

Kulumbaisha 148:14

Wakasumpula bantu bakwe mukubapa nkusu ayi bantu bakwe boonse basalalite, ee, bene Isilaeli abo mbwaasuni bamulumbaishe. Amulumbaishe Mwaami Lesa!

Kulonga 1:7

Sombi bamulunyungu lwabo abo beetwa ayi bene Isilaeli bakashala baana baanji. Mpeeke bakafula abuumbi alimwi akuba ankusu, lyalo bakakumanabo cishi coonse.

Kulonga 12:37

Kuswawaawo bene Isilaeli bakanyamuka akutalika lweendo lwabo panshi, kuswa ku Lamesesi kuya kuSakoti. Bene Isilaeli basankwa bakalinga mpashi shuulu shili myaanda yosanwe alimwi awomwi, kutabelengelaako banakashi abanike.

Kulonga 3:22

Woonse mwanakashi mwine Isilaeli ulaakuya kumwanakashi shikamukobonyina mwine Ijipiti alimwi kumwanakashi mwine Ijipiti ukala muŋanda yakwe, akusenga shintu sha silifa asha golodi, alimwi ashakufwala. Mpeeke bene Isilaeli balaakufwalika bana babo basankwa alimwi abanakashi. Aboobo balaakutola bubile bwa bene Ijipiti.”

Lwiimbo lwakwe Solomoni 4:5

Inkolo shako shili anga ninsefu, ee, bana ba nsefu bampundu batoolya pakati ka maluba.

Lwiimbo lwakwe Solomoni 8:10

Nebo ndi lubumbu, nkolo shangu shili anga ngamaanda alaamfu. Ncakwiila mumeenso a usunikwi wangu, ndaboneka anga ngushikuleta luumuno.

Lwiimbo lwakwe Solomoni 8:8

Tulicite mwanike wesu mulindu, nkolo shakwe tashina kuswa. Ino tulaakucita buyani pamwanike wesu uyu bushiku bwakumamikilwa bwaakushika?

Isaya 61:10

Ndasangalala cankusu muMwaami Lesa. Moyo wangu ulisangalete abuumbi muli Lesa. Ceebo wamfwalika lupulusho anga ncakufwala ca peculu akumfwalika bululami anga ngumungaanjo. Wamfwalikabo bweenka shibwiinga nabi mupailishi mbwaalibotesha kumutwi, nabibo shibwiinga mbwaalibotesha ashakulibotesha sha makwebo.

Isaya 62:3

Ulaakuba anga ngumushini wabulemu mulyaansa lya Mwaami Lesa, ncakwiila anga ngumushini wa bwaami mulyaansa lya Lesa wako.

Esekelo 16:16

Wakabwesa ashisani shako shimwi akuya mukubotesha misena yako yakulambililaako. Kumisena iyo nkowakalinga kucitila bufuule. Shintu sha mushobo uyo tasheelete kucitika.

Esekelo 16:22

Ndiwakalinga kucita shintu ishi shilensha bunya abufuule bwako tookwe kwiibaluka nshiku shako sha kubwanike, ndiwakalinga kweendabo matakosha, kooalabanganabo mumalowa.’ ”

Esekelo 16:6

“ ‘Mpeeke nebo ndakeendila kufwaafwi akukubona kooalabanganabo mumalowa. Ono koocaalabangana mumalowa umo ndakakulengesha ayi ube abuumi.

Osiya 2:3

Na babule kucita boobo, ndaakubafuula akubashiyabo matakosha mbobakalinga pakushalwa. Ndaakubalengesha kuba anga nduyanga, ee, ndaakubasandula kuba anga ncishi citacite maanshi. Lyalo ndaakubacaya kunyotwa.

Milimo ya Batumwi 7:17

“Ono ciindi ndicakasenena kwaamba ayi Lesa acite kweelana ambwaakashomesha Abulaamu, bantu ba mushobo wesu bakafula abuumbi muIjipiti.

Dutolonomi 1:10

Mwaami Lesa, Lesa wanu wamufusha anga ninyenyeenshi shili mwiculu.

Dutolonomi 1:11

Ono Mwaami Lesa wa bamashali banu bakulukulu, aamufuushe mankanda cuulu kwiinda mbomubete akumusumpula kweelana ambwaakashomesha!

Dutolonomi 4:8

Taaku mushobo umwi ucite milasho amilawo iluleme anga njeeyi njindamwiisha sunu.