Esekelo 16:6 - Baibo Busansulushi Bwa Libuku Ili

⁶ “ ‘Mpeeke nebo ndakeendila kufwaafwi akukubona kooalabanganabo mumalowa. Ono koocaalabangana mumalowa umo ndakakulengesha ayi ube abuumi.

Esekelo 16:6 Marejeleo ya Msalaba

Isaya 14:19

Ono webo wayumbulwabo pantu pomwi abaabo bakacaikwa, ncakwiila abo bakacaikwa kumipeeni. Wawaalwabo ambabo mucuumbwe ca mabwe akulyatoolwa.

Isaya 51:23

Nkomeshi iyo ndaakwiipa baabo balinga kumupensha. Ee, abo bakalinga kumwaambila ayi, ‘Amoone akutandabala apa kwaamba ayi tunooya cilyata peculu.’ Ncakwiila misana yanu njeyakaba nje nshi, ee, yakaba anga ngomukwakwa wakwiindaawo.”

Esekelo 16:22

Ndiwakalinga kucita shintu ishi shilensha bunya abufuule bwako tookwe kwiibaluka nshiku shako sha kubwanike, ndiwakalinga kweendabo matakosha, kooalabanganabo mumalowa.’ ”

Esekelo 16:5

Taaku muntu wakakufwitako nkumbu kwaamba ayi akucitileko shintu ishi, sombi wakasowekwabo muluundu. Ceebo bushiku mbowakashalwa taaku wakalinga kukusuniiwo, sobwe.

Esekelo 16:7

Ndakakulengesha kukomena kabotu anga cishango ca mumuunda. Wakakomena waba ankusu akuba mooye wiindaawo kubota. Wakamena nkolo amisusu yakalaampa, nakubi boobo wakalinga kweendabo matakosha.

Mika 7:10

Balwani besu balaakushibona shoonse ishi akufwa nsoni, ee, balwani abo bakalinga kututonta ayi, “Ino uli kuli Mwaami Lesa, Lesa wanu?” Tulaakubona mbweshi bakakomwe. Balaakulyatoolwa bweenka bulyatoolwa matipa mumikwakwa.

Mateyo 5:13

“Mwebo ndimwe mwiinyo wa cishi, sombi na mwiinyo wasambalala, inga mwacita buyani kwaamba ayi ube kabotu alimwi? Taucite ncito, nkuusowabo abantu kabalyatolaawo.

Joni 5:25

Ntoomulwiita calushinisho ayi ciindi cilaakushikila alimwi cashikila kale, bafu ndyeshi bakanyumfwe liswi lya Mwanaakwe Lesa alimwi abo beshi bakalinyuumfwe balaakuba abuumi butamaani.

Milimo ya Batumwi 7:34

Ncakwiila ndaboona mbuli mbobatoopenshekwa bantu bangu muIjipiti. Paceebo ceeco, ndaanyumfwa matongooshi abo, ono ndesa mukubapulusha. Kwesa ono, nkutume kuIjipiti.’

Bene Loma 9:15

Ceebo Lesa wakaambila Mose ayi, “Na ndasuna kunyumfwila nkumbu muntu umwi, ndaakumunyumfwila. Na ndasuna kuba abuumba pamuntu umwi, ndacita mbomunya ubo.”

Dutolonomi 9:4

“Mwaami Lesa aakumana kumutandilaamo bantu abo, mutakaambi ayi, ‘Wakatuleta mucishi ici mukwiinga ndiswe tweeleteemo,’ sobwe. Mwaami Lesa ulaakubatandaamo ceebo mbamucita shibi.

Bene Ebulu 10:29

Ino cilaakuba buyani kumuntu uyo unyansha Mwanaakwe Lesa. Uyo usuula bulowa bwakalengesha cipangano cakwe Lesa ico cakamusalasha kuswa kushibiibi akucobola Mushimu Usalashi utubonesha luse. Amuyeeye mbuli mbweshi ukeendeewo kubica mulandu ngweshi akapekwe muntu uyu!

Ciyubululo 14:20

Minyansa iyo yakatyanwa momunya umo, pansengwe lya ndabala inene. Mpeeke mucilindi ico cakutyaninamo minyansa mwakaswa bulowa ubo bwakakunka makilomita ali 300 akuya panshi mpashi mamita ali 2.