Esekelo 16:5 - Baibo Busansulushi Bwa Libuku Ili

⁵ Taaku muntu wakakufwitako nkumbu kwaamba ayi akucitileko shintu ishi, sombi wakasowekwabo muluundu. Ceebo bushiku mbowakashalwa taaku wakalinga kukusuniiwo, sobwe.

Esekelo 16:5 Marejeleo ya Msalaba

Dutolonomi 32:10

“Wakabacana kabeengooka muluyanga, mucishi ciyoosha mutameeni cintu nabi comwi. Wakabafuna akubalama kabotu bweenka muntu mbwaalama liinso,

Malilo 4:3

Nabi bamwaaba balayamwisha bana babo, sombi bantu bangu baba amyoyo ibiibi anga nintibatiba muluyanga.

Shakubelenga 19:16

Na umwi pansengwe lya misumba, wakumya muntu wakacaikwa amupeeni, wakafwabo, cifuwa ca muntu nabi cuumbwe, alakwe teshi akanoosalalite kwanshiku shosanwe ashobilo.

Kulonga 1:22

Kuswawaawo mwaami Falawo wakapa bantu ba mucishi cakwe boonse mulawo wakwaamba ayi, “Mwaana musankwa washalwa woonse wa bene Ebulu mulyeelete kuya mukumuwaala muMulonga wa Nailo. Sombi baana banakashi nkubalekabo ayi bakule.”

Matalikilo 21:10

Saala wakababona akwaambila Abulaamu ayi, “Amutande mwanakashi musha uyu amwanaakwe musankwa. Mwaana wa mwanakashi uyu taeelete kubwesaako buboni ubo mwanaangu mbwaaelete kubwesa.”

Isaya 49:15

Paceebo ceeco Mwaami Lesa wakumbula ayi, “Sa mushali mwanakashi inga waluba mwaana ngwaayamwisha? Sa inga wabula nkumbu kumwaana ngwaakashala mwiine? Ono nabi lakwe inga wamuluba, nebo teshi nkamulubeewo, napaceyi!

Esekelo 2:6

“Ono webo omuntu, utabaloondi nabi kututuma kusheesho nshebaamba. Utaloondi nakubi kwaamba ayi shisonsoonya amyuumfwa shoonse shilikushingulukite alimwi bwikaalo bwako buli anga uli pakati ka ntalaŋongo. Utaloondi nshebaamba nabi kuloonda mbabo nakubi kwaamba ayi mbaashu.

Malilo 4:10

Banakashi beshinkumbu bakateleka bana babo amaansaabo beene ayi cibe cakulya cabo. Bakacita boobo bantu bangu ndibakanyonyoolwa.

Malilo 2:19

Nyamuka ulile mashiku, ulile ciindi beshikulindilila mashiku ndibatalika kusebensa. Lilila Mwaami Lesa amoyo wako woonse. Ee, umulilile akumukombelela ayi bana bako abo batoowisooka kunsala kweela mikwakwa yoonse bapuluke.

Malilo 2:11

Meenso angu acileka kulasha kabotu ceebo cakulila, ndapeenga abuumbi mucaamba. Ndakopoka kubuumba ceebo ca bantu bangu banyonyoolwa, ee, ceebo banike abakateta bamana kuwisooka mumikwakwa ya ndabala inene.

Jelemiya 22:19

Ulaakufukilwabo anga nimbongolo, nkokwaamba ayi ulaakukwelwa akusowelwa pansengwe lya minjililo ya Jelusalemu.”

Esekelo 16:6

“ ‘Mpeeke nebo ndakeendila kufwaafwi akukubona kooalabanganabo mumalowa. Ono koocaalabangana mumalowa umo ndakakulengesha ayi ube abuumi.