Esekelo 16:4 - Baibo Busansulushi Bwa Libuku Ili

⁴ Bushiku mbowakashalwa taaku wakatimbulawo lukowa lwako, nabi kukusanshaawo amaanshi ayi ukushikwe matombe, nabi wakakunanikawo mwiinyo, nabi kukupetelesha mushisani.

Esekelo 16:4 Marejeleo ya Msalaba

Matalikilo 15:13

Lyalo Mwaami Lesa wakamwaambila ayi, “Bamulunyungu lwako balaakuba beensu mucishi citeshi cabo. Balaakuba basha uko akweendeleshekwa calunkutwe kwamyaaka ili 400.

Malilo 2:20

NoBaami baLesa, amubone akuyeeya. Anu ngani ngomwakapenshawo kale camushobo uyu? Sa ncibotu banakashi kulya bana babo? Sa ncibotu kulya baana abo mbobakalela? Sa bapailishi abalaluki balyeelete kucailwa muŊanda yanu isalalite?

Malilo 2:22

Bweenka mbuli mbomutamba bantu pabushiku bwakusekelela, mbweeke ubo mbomwakantambila balwani kwisa mukunoondesha kuswa kumbasu shoonse shoonse. Mubushiku bwa bukali bwanu, taaku nabi womwi wakaloboka nabi kupuluka. Abo mbondakalela akulama balwani bangu babanyonyoola.

Esekelo 16:3

akwiilwiita ayi nebo neMwaami Lesa Shinkusu shoonse ntokwaamba ayi, ‘Ondabala ya Jelusalemu, wakashalilwa mucishi ca Kenani. Baiso bakalinga bene amoli, banyoko bakalinga bene Iti.

Esekelo 20:13

“ ‘Nakubi boobo bene Isilaeli bakangashukila muluyanga. Tabakwe kukonkela milasho yangu akukaka milawo yangu iyo ipa buumi kumuntu uyo wiinyumfwila. Bakabisha bushiku bomwi abomwi bwakookesha bwa Cibelu. Aboobo ndakalinga kulibambite kubalengesha kunyumfwa cilemeneshi ca bukali bwangu muluyanga.

Esekelo 20:8

“ ‘Sombi balo bakangashukila akukaka kunyumfwila. Tabakwe kusowa shibumbwabumbwa shilensha bunya isho nshebakalinga kusuni nabi kusuula balesa ba bene Ijipiti. Aboobo ndakalinga kulibambite kubalengesha kunyumfwa cilemeneshi ca bukali bwangu muIjipiti.

Osiya 2:3

Na babule kucita boobo, ndaakubafuula akubashiyabo matakosha mbobakalinga pakushalwa. Ndaakubalengesha kuba anga nduyanga, ee, ndaakubasandula kuba anga ncishi citacite maanshi. Lyalo ndaakubacaya kunyotwa.

Osiya 2:5

Banyinawanu tebakalinga kushomeka alimwi bakalinga kuliletela musebaanyo. Balo bakaamba ayi, ‘Ntooya kubasunikwi bangu, abo beshi bakampe shakulya, shakunwa, shakufwala sha booya bwa mbelele, nsalu shiteshimite, mafuta a olifi alimwi awaini.’

Luka 2:12

Ono nceeci citondesho, mutooya mucane kateta upeteleshetwe mushisani alimwi ulilete mulinkubala mulita ŋombe.”

Luka 2:7

Wakapulukaamo mwaana wakwiiya musankwa. Wakamupetelesha mushisani akumooneka mulinkubala lyakalinga kulitaamo ŋombe mukwiinga temwakalinga musena muŋanda ya beensu.

Dutolonomi 15:15

Kamwiibaluka ayi amwebo mwakalinga basha mucishi ca Ijipiti, ono Mwaami Lesa, Lesa wanu ngowakamwaangulula. Nceceeco ncentoomupeta mulawo uyu sunu.

Dutolonomi 5:6

‘Ndime Mwaami Lesa, Lesa wanu nendakamukusha mucishi ca Ijipiti umo momwakalinga basha.

Joshuwa 24:2

Joshuwa wakaambila bantu boonse ayi, “Mwaami Lesa, Lesa wa bene Isilaeli waamba ayi, ‘Kalekale bamashali banu bakulukulu bakalinga kwikala kwitala lya Mulonga wa Yufuletisi kabalambila balesa bamwi. Womwi wa bamashali banu abo nguTela, ishi Abulaamu aNawoli.