Esekelo 16:16 - Baibo Busansulushi Bwa Libuku Ili

¹⁶ Wakabwesa ashisani shako shimwi akuya mukubotesha misena yako yakulambililaako. Kumisena iyo nkowakalinga kucitila bufuule. Shintu sha mushobo uyo tasheelete kucitika.

Esekelo 16:16 Marejeleo ya Msalaba

2 Baami 23:7

Wakanyonyoola maanda muŊanda yakwe Lesa umo mwakalinga kwikala basankwa bakalinga kucitana bufuule amoomo banakashi mobakalinga kutungila shakufwala shakulambilisha Ashela lesa mwanakashi.

Osiya 2:8

“Tabakwe kwishiba kwaamba ayi ndime ndakabapa shili anga ngamaila, waini amafuta a olifi. Ncakwiila ndime ndakabapa silifa agolodi isho nshaakalinga kusebensesha kulambila Baali.

Esekelo 7:20

Bakalinga kulisumpula pashakulibotesha shabo shibotu akushisebensesha kupanga shibumbwabumbwa shabo shileensha bunya ashikoshanyo shifundoosha kumoyo. Paceebo ceeco Mwaami Lesa ulaakulengesha bubile bwabo kuba anga ngamatombe kuli mbabo.

2 Makani 28:24

Peculu lya waawo wakabwesa shintu shoonse sha muŊanda yakwe Lesa akushipwayoola. Lyalo kuŊanda yakwe Lesa wakacalaako akuyaka shipaililo mumisena moonse mwakalinga kupetukila nshila sha muJelusalemu.

Isaya 57:7

Mwakalipangila amalo patulundu tulaamfu apo mpomucitila bulale. Apo mpomunya mpomuya mukubengela milambu.

Esekelo 16:15

“ ‘Sombi webo wakacinka manungo mububotu bwako akuba mufuule ceebo ca mpuwo yako. Ncakwiila wakalinga kukumana amusankwa uli woonse utokwiinda.

Esekelo 16:17

Wakabwesa shakulibotesha sha silifa agolodi isho nshendakakupa, wapangaamo shibumbwabumbwa shisankwa isho nshewakatalika kulambila.

Jelemiya 2:10

Amusubukile kwitala lya Mulonga wa Kitimu mubone. Amutume muntu kuKeda aye abonesheshe na camushobo uyu cakacitikawo kale.

Esekelo 23:1

Mpeeke Mwaami Lesa wakaŋambila ayi,

Osiya 2:10

Ndushinisho ndaakubafuula pameenso abasunikwi babo alimwi taaku weshi akakonshe kubafuna kuswa mumaansaangu.