Esekelo 16:11 - Baibo Busansulushi Bwa Libuku Ili

¹¹ Ndakakufwalika shintu shakulibotesha sha makwebo. Ncakwiila ndakakufwalika makosa alimwi abulungu bwa munshingo.

Esekelo 16:11 Marejeleo ya Msalaba

Matalikilo 24:22

Labeka ndyaakamanisha, musankwa uyo wakabwesa ninga ya golodi ilema magilamu ali 5.5 akwiisomeka panshono yakwe, alimwi wakamufwalika makosa obilo a golodi alema magilamu ali 110 pamikono yakwe.

Matalikilo 24:47

Mpomunyaawo ndamwiipusha ayi, ‘Baiso mbaani?’ Lakwe wankumbula ayi, ‘Bata mba Betiwelo bana babo ba Nawoli abaMilika.’ Mpomunyaawo ndakamubika ninga munshono amakosa kumikono yakwe.

Matalikilo 24:53

Kuswawaawo wakakusha makosa ashimwi sha mushobo uyo sha golodi asha silifa, alimwi ashisani ashakufwala sha mushobo amushobo akupa Labeka. Nandumi shakwe abanyina wakabapa aabalo shipo shamakwebo.

Matalikilo 35:4

Aboobo bakapa Jakobo balesa beensu boonse amasikiyo ngobakalinga kufwete. Mpeeke lakwe wakashifukila muunshi lya mubanga pafwaafwi andabala ya Shekemu.

Matalikilo 41:42

Mwaami wakafuula ninga yakalinga kucite keshibilo ka bwaami akufwalika Josefu kumunwe. Wakamufwalika cakufwala ca peculu cibotu alimwi akancetani kaniini ka golodi munshingo.

Esita 2:17

Mpeeke mwaami wakasuna Esita kwiinda bamyooye bamwi boonse. Wakamunyumfwila nkumbu kwiinda bamwi boonse alimwi moyo wakwe wakaya pali nguwe. Aboobo wakamufwalika mushini wa bwaami kumutwi ayi abe uyoosha wakwe pamusena wakwe Fashiti.

Jobo 42:11

Lyalo bamakwabo, bamanankashi shakwe abaabo mbaakalinga kunyumfwanaabo kalekale bakaya mukulita kuŋanda yakwe mukumuumbulusha akumusangalasha pamapensho ayo Mwaami Lesa ngaakaleta pali nguwe. Womwi awomwi wakamupa maali a silifa alimwi aninga ya golodi.

Kulonga 32:2

Alakwe aloni wakabaambila ayi, “Amufuule masikiyo a golodi ayo afwete bamakaanu, bana banu basankwa alimwi abanakashi, mundetele.”

Kulonga 35:22

Basankwa abanakashi boonse abo bakasuna kuleta cipo, bakaleta mapiini akulibotesha, masikiyo, ninga, shakufwala munshingo alimwi amishobo ipusenepusene ya makosa a golodi akushibenga ayi ncipo cakutambeeka kuMwaami Lesa.

Tushimpi 1:9

Ceebo kwiisha kwabo kulaakubotesha mibo yako bweenka cisoti mbocikubotesha kumutwi akancetani munshingo.

Tushimpi 25:12

Kukalalila kwa musongo kumuntu usuni kunyumfwa, kuleenda masikiyo nabi cakulibotesha cimwi ca golodi wiine wiine.

Tushimpi 4:9

Bulaakukufwalika ngala ibotu abuumbi pamutwi wako akukupa mushini wa bulemu.”

Lwiimbo lwakwe Solomoni 1:10

Macili ako alabota na wafwala masikiyo, ayalo nshiingo yako na wafwaala bulungu bwa mabwe amakwebo.

Lwiimbo lwakwe Solomoni 4:9

Omweensuma, onabwiinga wangu, wanjipila moyo. Wanjipila moyo ndiwanangilishabo linkanda lyomwi akalo kancetani kako nkoofwete munshingo bweenka.

Isaya 28:5

Pabushiku ubo Mwaami Lesa Shinkusu shoonse ulaakuba anga ngumushini wa bulemu, ulaakuba anga ningala ya maluba yeebeleka, kubantu bakwe beshi bakacaaleewo.

Isaya 3:19

masikiyo, makosa, tusani ntobalifweka pameenso,

Isaya 3:21

ninga sha kuminwe asha munshono,

Malilo 5:16

Shintu nshetwakalinga kulisumpwitaawo shamana. Mapensho kuli ndiswe mukwiinga twakabisha.

Esekelo 16:17

Wakabwesa shakulibotesha sha silifa agolodi isho nshendakakupa, wapangaamo shibumbwabumbwa shisankwa isho nshewakatalika kulambila.

Esekelo 23:40

“Bakalinga kutuma beshinkombe kuya mukwiita basankwa baswa kulaamfu. Ono na besa banakashi abo bakalinga kubasambila, banana shakunanika kunkoye shabo akufwala shakulibotesha.

Esekelo 23:42

Lyalo kwakalinga kunyumfwika coongo ca likoto lya bantu batacite cakulisukama nabi comwi, bacakolwa, abo bakalinga kwiitwa kuswa muluyanga pantu pomwi abasankwa bamwi. Basankwa abo bakalinga kufwalika banakashi abo makosa kumaansa amishini ibotu kumitwi.

Danyelo 5:16

Ono ndanyumfwa kwaamba ayi webo inga wakonsha kunyumfwisha shintu shoonse akusansulula shishisitwe. Ncakwiila na ukonshe kundwiita malembo aya ncaamba, utoofwalikwa shakufwala shifubelafubela alimwi ancetani ya golodi munshingo. Peculu lya waawo ulaakusumpulwa kuba muleli watatu mubwaami bwangu.”

Danyelo 5:29

Mpomunyaawo Beloshasa wakaamba ayi Danyelo afwalikwe shakufwala shilya shifubelafubela sha bwaami akufwalikwa ncetani ya golodi munshingo. Lyalo wakaambilishikwa ayi ngumuleli watatu mubwaami ubo.

Danyelo 5:7

Lyalo wakoolobesha ayi kwiitwe beshimampelampela, basongo ba shintu shili mwiculu alimwi abamukamwaami. Ono ndibakesa mwaami wakabaambila ayi, “Uli woonse weshi abelenge ishi shilembetwe palubumbu apa akundwiita mboshaamba, ntoomupa shakufwala shibotu shifubelafubela shabwaami akufwalikwa ncetani ya golodi munshingo. Peculu lya waawo utoosumpulwa kuba muleli watatu mubwaami bwangu.”

Osiya 2:13

Ndaakubapa mulandu ceebo ca shiindi nshebakatentela Baali tununkila kabotu. Bakalifwalika ninga abulungu bwamakwebo akuya cikonkela basunikwi babo, sombi nebo bakandubaako. Nebo neMwaami Lesa ndaamba.

Bene Lefi 8:9

Wakamufwalika cisani cakumutwi, kunembo wakabikako keela ka golodi ako kakalinga keshibilo kasalalite kakubengwa, kweelana aMwaami Lesa mbwaakaambila Mose.

Shakubelenga 31:50

Paceebo ceeci, twaleta shintu shakulibotesha sha golodi nkokwaamba ayi shakufwala kumaansa, makosa, ninga, masikiyo alimwi ashakufwala munshingo, isho womwi awomwi pakati kesu nshaakabwesa. Ono tutooshipa Mwaami Lesa ayi tulisalashe kweelana aMilawo pameenso akwe.”

Ciyubululo 2:10

Utaloondi mapensho eshi akakucitikile. Nyumfwa! Mubiibi ulaakumusunka kwiinda mukulengesha bamwi ba mulikoto lyako ayi bawaalwe muntolongo alimwi ulaakupenshekwa abuumbi kwanshiku shili likumi. Koshomeka kuli ndime, nabi bakakucaileewo, lyalo ndaakukupa mushini wa buumi butamaani.’

Ciyubululo 4:10

bamaloba abo bali makumi obilo abone balafukama kunembo lya wooyo ushiite pacuuna muumi lyoonse alyoonse akumulambila. Balatula mishini yabo kunembo lya cuuna ico akwaamba ayi,

Ciyubululo 4:4

Cuuna ca bwaami ico cakalinga kushingulukitwe ashuuna shimwi sha bwaami shili makumi obilo ashone apo pakalinga kushiite bamaloba bali makumi obilo abone. Bakalinga kufwete shisani shituba alimwi amishini ya golodi kumitwi.

Boomboloshi 8:24

Wakatolelela akwaamba ayi, “Ntoomusengabo cintu comwi. Womwi awomwi alete masikiyo ngwaakabwesa kubalwani besu.” Ono munshiku isho bene Ishimaeli bakalinga kufwala masikiyo a golodi bweenka mbuli bantu bamwi bakalinga kwikala muluyanga.