Esekelo 15:7 - Baibo Busansulushi Bwa Libuku Ili

⁷ Ndaakubapa mulandu. Nabi bakapuluka kuswa kumulilo womwi, mulilo umwi ulaakubatenta. Ndaakumana kubapa mulandu, ndyeshi mukeshibe ayi nebo ndi Mwaami Lesa.

Esekelo 15:7 Marejeleo ya Msalaba

Esekelo 14:8

Muntu uyo ndaakumupata akumusandula kuba citondesho kubamwi alimwi akuba kashimi. Ndaakumukusha pakati ka bantu bangu. Lyalo ndyeshi mukeshibe ayi nebo ndi Mwaami Lesa.

Isaya 24:18

Uyo woonse weshi akeeleshe kucica shiyoosha, ulaakuwita mucilindi. Uyo weshi akeeleshe kuloboka kuswa mucilindi, ulaakucatwa mukoose. Kulaakuloka mfula inene abuumbi kuswa kwiculu alimwi lwiimbi lwa cishi ca panshi lulaakutenkaana.

Kulumbaisha 34:16

sombi ulipatite bantu bacita bubi kwaamba ayi kukabule ubeebaluka baakufwa pacishi ca panshi coonse.

Esekelo 6:7

Bantu balaakucaikwa pakati kabo kumbasu shoonse sha cishi. Abo beshibakacaaleewo balaakusumina ayi nebo ndi Mwaami Lesa.

Jelemiya 21:10

Ndabala iyi ndiipingite kwiinyonyoola kuteshi kwiicitila shibotu. Ilaakupekwa mumaansa a mwaami wa kuBabiloni uyo weshi akeenyonyoole amulilo. Nebo neMwaami Lesa ndaamba.”

1 Baami 19:17

Woonse weshi akaloboke kucaikwa kuli Asayelo, ulaakucaikwa aJewu alimwi woonse weshi akaloboke kucaikwa kuli Jewu, ulaakucaikwa aElisha.

Bene Lefi 26:17

Ndaakumufutatila ayi mukakomwe alimwi abo bamupatite balaakumweendelesha. Mulaakuloonda cakwaamba ayi mulaakucica nabi taaku utoomutandaanya.

Amosi 5:19

Cilaakuba anga ngumuntu utoocica nkalamu, nakubi boobo wakumana abeya. Ono ayi enjile muŋanda yakwe akuyaamina kulubumbu, walumwa nsoka.

Esekelo 20:44

Mulaakwishiba ayi anu ndi Mwaami Lesa ciindi ndaakumucitila shintu ceebo ca liina lyangu kuteshi kweelana anshila shanu shibiibi alimwi amicito yanu ibiibi, mwebo nobene Isilaeli. Nebo neMwaami Lesa Shinkusu shoonse ndaamba.’ ”

Esekelo 20:42

Mulaakwishiba ayi anu ndi Mwaami Lesa na nkamubooshe mucishi ca Isilaeli, cishi ico ncendakashomesha cakulumbila kaantambikite lyaansa mwiculu ayi ndaakucipa bamashali banu bakulukulu.

Esekelo 20:38

Abo boonse baashu batanyumfwili ndaakubakusha pakati kanu. Nakubi kwaamba ayi ndaakubakusha mucishi mobekala, sombi teshi bakenjileemo mucishi ca Isilaeli. Lyalo ndyeshi mukeshibe ayi ndi Mwaami Lesa.’

Esekelo 11:10

Mulaakufwa kunkondo mweenka mucishi canu. Lyalo ndyeshi mukeshibe ayi nebo ndi Mwaami Lesa.

Kulumbaisha 9:16

Mwaami Lesa weshibwa ceebo cakoombolosha kwakwe kululeme. Amubone bamucita shibi bacatwa kumilimo njebacita amaansaabo.

Bene Lefi 17:10

“ ‘Na mwine Isilaeli nabi muswamashi umwi woonse ushiite mulikoto lyabo walya nyama icite bulowa, nebo neMwaami Lesa ndaakumufutatila alimwi teshi akanoociyeeyelwa kuba mulikoto lya bantu bangu.

Esekelo 7:4

Teshi nkamufwite nkumbu nabi kumulangabo, sobwe. Ndushinisho ndaakumupa mulandu kweelana amicito yanu alimwi ashintu shilensha bunya nshemwakacita. Lyalo ndyeshi mukeshibe ayi nebo ndi Mwaami Lesa.’

Esekelo 5:8

“Aboobo nebo neMwaami Lesa Shinkusu shoonse waamba ayi, ‘Nebo nemwiine ntoomulwana mwebo nobene Jelusalemu alimwi ndaakukupa mulandu bamumishobo imwi kababweneeko.

Esekelo 15:6

“Paceebo ceeco, nebo neMwaami Lesa Shinkusu shoonse ndaamba ayi, ‘Bweenka mbuli mbondakapa musampi wa munyansa pashisamu shoonse sha muluundu kuba nkuni mbweeke ubo mbweshi nkacite abantu bekala muJelusalemu.

Esekelo 19:12

Nakubi boobo cakashulwa mubukali buyoosha alimwi akuciwishisha panshi. Awalo muuwo wakwicwe wakalengesha shisepo sha ncico kunyana. Misampi ya ncico yakayuma akumana kupya kumulilo.

Esekelo 33:29

Ndaakunyonyoola cishi akucilengesha kuba luyanga ceebo ca shintu shilensha bunya shoonse shakacita bantu. Lyalo ndyeshi bakeshibe ayi nebo ndi Mwaami Lesa.’ ”