Esekelo 14:3 - Baibo Busansulushi Bwa Libuku Ili

³ “Webo omuntu, bantu aba batalika kulambila shibumbwabumbwa nabi balishi ayi shilaakuba mfumpu kunembo lyabo. Sa batooyeeya ayi inga ndabakumbula?

Esekelo 14:3 Marejeleo ya Msalaba

2 Baami 3:13

Mpeeke Elisha wakaambila mwaami wa bene Isilaeli ayi, “Ceebonshi mwesa kuli ndime? Tamukwe kuyitanshi kubalaluki ba baishiwanu abanyinawanu?” Jolamu wakakumbula ayi, “Sobwe, Mwaami Lesa ngoweeta swebo sobamaami sotatwe ayi atwaabe mumaansa a bene Moabu.”

Kulumbaisha 101:3

alimwi teshi nkasuminisheewo cintu cibiibi pameenso angu. Ndipatite micito ya bantu bafutatila Lesa. Ncakwiila tatunyumfwani abantu abo.

Kulumbaisha 66:18

Nindalinga kucikondwa shibiibi mumoyo wangu, naakwiinga Mwaami Lesa taakwe kunyumfwa mupailo wangu.

Tushimpi 15:29

Mwaami Lesa uli kulaamfu abamucita shibi, sombi mipailo ya baluleme uleenyumfwa.

Tushimpi 15:8

Mwaami Lesa ulipatite mulambu wa mucita shibi, sombi mupailo wa muntu ululeme ulamusangalasha.

Tushimpi 21:27

Mulambu wa bamucita shibi Lesa tausuniiwo. Ino mbuyani walo uyo ngobabenga amyoyo yobilo?

Tushimpi 28:9

Na muntu kaasuula milawo nabi mupailo wakwe ulalensha bunya kuli Lesa.

Isaya 1:15

“Mwaakunyamuna maansaanu pakupaila, teshi nkamulangilisheewo, sobwe. Teshi nkanyumfwe nabi mukapaile mankanda aanji buyani mukwiinga maansaanu aliswitebo milandu yakutila bulowa.

Isaya 33:15

Ngooyo weenda cakubula kampenda akwaamba shintu shiluleme. Ngooyo ukaka mpindu yabupambi, utasuni kutambula makulo utasuni kuteya matwi kubaabo bapangana shabucayi alimwi utasuni kulansha meenso akwe pabubi.

Jelemiya 11:11

Paceebo ceeco nebo neMwaami Lesa ndaamba ayi, ‘Ndaakubaletela mapensho ayo ngweshi bakaalilwe akwaacica. Nabi bakandilile, teshi nkabakumbuleewo, sobwe.

Jelemiya 17:9

“Moyo wa muntu ngubeshi abuumbi kwiinda pashintu shimwi shoonse alimwi ulicite bulwashi butashilikiki. Anu ngani weenga wakonsha kuushiba?

Jelemiya 21:2

“Twaambilileko kuMwaami Lesa ceebo Nebukadinesa mwaami wa kuBabiloni utootulwana. Mpashi Mwaami Lesa inga watucitilawo shaankamiko mbuli mbwaakalinga kucita kale kale kwaamba ayi Nebukadinesa atuleeke.”

Esekelo 11:21

Sombi abo balyaabite mukulambila shikoshanyo shifundoosha kumoyo ashibumbwabumbwa shilensha bunya, ndaakubapa mulandu kweelana anshebakacita. Nebo neMwaami Lesa Shinkusu shoonse ndaamba.”

Esekelo 14:2

Mpeeke Mwaami Lesa wakaŋambila ayi,

Esekelo 14:4

Paceebo ceeco ubalwiite ayi nebo neMwaami Lesa Shinkusu shoonse waamba ayi, ‘Na mwine Isilaeli watalika kulambila shibumbwabumbwa nakubi kwaamba ayi ulishi ayi shilaakuba mfumpu kunembo lyakwe, ono pesule wesa mukwiipusha kumulaluki, nebo neMwaami Lesa ndimeshi nkamukumbule kweelana akulambila shibumbwabumbwa kwakwe.

Esekelo 14:7

“ ‘Na mwine Isilaeli nabi muswamashi ukala mucishi ca Isilaeli watalika kulambila shibumbwabumbwa nakubi kwaamba ayi ulishi ayi shilaakuba mfumpu kunembo lyakwe, ono pesule wesa mukwiipusha kumulaluki, nebo neMwaami Lesa ndimeshi nkamukumbule.

Esekelo 20:16

Ndakacita boobo ceebo bakaka milawo yangu, tabakwe kukonkela milasho yangu, bakabisha bushiku bwangu bomwi abomwi bwakookesha bwa Cibelu mukwiinga bakabika myoyo yabo kushibumbwabumbwa shabo.

Esekelo 20:3

“Webo omuntu, lwiita bamaloba bene Isilaeli aba ayi nebo neMwaami Lesa Shinkusu shoonse waamba ayi, ‘Sa mwesa mukwiipusha kuyanda kwangu kuli ndime? Kweelana ambocibete lushinisho ayi ndi muumi, teshi musuminisheewo kunjipusha nabi comwi. Nebo neMwaami Lesa Shinkusu shoonse ndaamba.’

Esekelo 20:31

Ono abobulya mucipa shipo nshemunya akulibisha nobeene kushibumbwabumbwa nshemunya mukubenga bana banu kuli nshisho mumulilo. Ino sa inga ndamusuminisha ayi mwise mukunjipusha kuyanda kwangu mwebo nobene Isilaeli? Kweelana ambocibete lushinisho ayi ndi muumi, teshi musuminisheewo kunjipusha nabi comwi. Nebo neMwaami Lesa Shinkusu shoonse ndaamba.

Esekelo 3:20

“Ono na muntu ululeme waswa mubululami bwakwe akutalika kucita shintu shibiibi, lyalo anebo ndamuletela mfumpu, ncakwiila ulaakufwa. Muntu uyo ulaakufwa ceebo ca shibiibi shakwe mukwiinga webo tookwe kumucenjesha. Shiluleme nshaakacita teshi shikayeeyekweewo tubili, Sombi awebo ulaakupekwa mulandu pabulowa bakwe.

Esekelo 33:30

Mpeeke Mwaami Lesa wakaŋambila ayi, “Ono webo omuntu, bene mishaanu batoobandika pali ndiwe kweela lubumbu lwa ndabala alimwi apamilyango ya maanda ayi, ‘Amwise munyumfwe makani aswa kuMwaami Lesa.’

Esekelo 36:25

Ndaakumusanseela maanshi asalalite mukusalasha kuswa kusheesho shoonse shakamubisha alimwi ashibumbwabumbwa shanu.

Esekelo 44:12

Sombi ceebo cakwaamba ayi bakasebensela bantu abo kunembo lya shibumbwabumbwa shabo akulengesha bene Isilaeli kubisha, nebo neMwaami Lesa ndashomesha cakulumbila ayi, ‘Balyeelete kupekwa mulandu kweelana akubisha kwabo.

Esekelo 6:9

Lyalo mumishobo iyo mweshi bakatolwe busha, balaakunjeeya akwishiba kwaamba ayi ndime ndabapa mulandu akubalensha nsoni. Ndaakucita boobo ceebo myoyo yabo itashomeki yamfutatila akusandukila kushibumbwabumbwa. Balaakulipata beene ceebo ca bubi bwabo ashintu shilensha bunya isho nshebacita.

Esekelo 7:19

Balaakusowa silifa agolodi wabo mumikwakwa anga ngamatombe. Silifa a golodi wabo teshi ukabapulusheewo pabushiku bwa bukali buyoosha bwa Mwaami Lesa. Teshi bakashisebenseshewo kumana nsala yabo nabi kubakutisha ceebo ngowakabalengesha kubisha.

Osiya 4:5

Mulawa mashiku amalumwi, abalo balaluki ngumushobo womwibo. Paceebo ceeco ntoonyonyoola nyinawanu, ee, mushobo wa Isilaeli.

Sefaniya 1:3

Ndaakunyonyoola bantu abanyama boonse, tuyuni twa mwiculu answi sha mulweenge. Lyalo bamucita shibi balaakuba ntantaala ndaakumana kulobya bantu pacishi ca panshi. Nebo neMwaami Lesa ndaamba.”

Sekaliya 7:13

Tabakwe kunyumfwa ndindakalinga kubaambila. Aboobo anebo nshikwe kubakumbulaawo ndibakalinga kupaila kuli ndime.

Luka 20:8

Lyalo Jesu wakabaambila ayi, “Anebo anu teshi mulwiite wooyo wakampa nkusu shakucita shintu ishi.”

Bene Efeso 5:5

Mulyeelete kwishiba cancinencine ayi taakuuwo mufuule, uyo ucita shitaluleme, nabi shikukumbwa camunyono shintu sha bamwi (mukwiinga lunkumbwa lwa munyono lulaba ngolesa wabo) weshi akatambuleko Bweene bwakwe Klistu alimwi aLesa.

1 Pita 2:8

Malembo akwe Lesa alaamba alimwi ayi, “Ili ndyelibwe lyeshi likalengeshe bantu kulisuntula ndyelyeelyo lyeshi likalengeshe bantu kuwa.” Bakalisuntula ceebo tabakwe kunyumfwila maswi akwe Lesa. Ici cakacitika kweelana akuyanda kwakwe.

Ciyubululo 2:14

“ ‘Sombi ndicite matongooshi amwi pali ndiwe ceebo mulikoto lyanu muli bamwi bakonkela kwiisha kwakwe Balamu. Lakwe wakeeisha Balaki bwakulengesha bene Isilaeli kubisha kwiinda mukubanyengelela ayi balye shakulya shakabengwa kushibumbwabumbwa alimwi akucita bufuule.

1 Samwelo 28:6

Saulo ndyaakeepusha kuMwaami Lesa cakucita, Mwaami Lesa taakwe kumukumbulaawo muciloto, mucisolo cakwe Ulimu aTumimu nabi mubalaluki.