Esekelo 13:9 - Baibo Busansulushi Bwa Libuku Ili

⁹ Ndaakupa mulandu balaluki beshikubona shili anga nshiloto shabubeshi alimwi akulaluka shintu shakucenjeeka. Teshi bakanoobaako bantu bangu na babungana ayi bapange miyeeyo nabi kulembwa pamundando wa meena a bamumushobo wa bene Isilaeli. Teshi bakapilukewo tubili mucishi ca Isilaeli. Lyalo ndyeshi mukeshibe ayi nebo ndi Mwaami Lesa.’

Esekelo 13:9 Marejeleo ya Msalaba

1 Baami 13:18

Lyalo mulaluki mucembele wa kuBetelo wakamulwiita ayi, “Anebo ndi mulaluki bweenka mbuli ndiwe. Mwaami Lesa wantumina munjelo uyo wesa mukundwiita ayi nkutole kumisheesu akuya mukukubamba kabotu.” Nakubi boobo mulaluki mucembele ulya wakalinga kubecabo.

Esila 2:59

Abamwi bakaswa mundabala ya Telu Mela, Telu Asha, Kelubi, Adani alimwi aya Ima, sombi tabakwe kutondesha kwaamba ayi bakalinga bamulunyungu lwa bene Isilaeli.

Neyemiya 7:62

Bamulunyungu lwakwe Delaya, Tobiya Nekoda bakalinga 642.

Neyemiya 7:64

Aba bakayandoola libuku lya mikowa yabo, sombi tabakwe kulicana, aboobo bakakushikwa kuswa mubupailishi ayi tabasalalite kweelana aMilawo.

Kulumbaisha 101:7

Taaku muntu waamba shabubeshi weshi akekaale muŋanda yangu. Taaku muntu waamba nshaataciti weshi akekaale pafwaafwi anebo.

Kulumbaisha 69:28

Meena abo akakushikwe mulibuku lya boomi. Mutakabaleembiwo tubili mumundando wa baluleme.

Kulumbaisha 69:5

NobaLesa, buluya bwangu buli patuba kuli ndimwe, ncakwiila shibiibi shangu tashiyubiteewo kumeenso anu.

Kulumbaisha 87:6

Mwaami Lesa ulaakulemba mulibuku lya meena a mishobo ayi, “Uyu alakwe wakashalilwa muSiyoni.”

Kulumbaisha 95:11

Ndakakalala akushomesha cakulumbila ayi, “Teshi mukenjileewo mucishi umo mondalinga kweelete kumupa kookesha.”

Isaya 4:3

Bantu boonse beshi bakacaale muSiyoni, ee, muJelusalemu, balaakunokwiitwa ayi balisalalite.

Jelemiya 14:15

Paceebo ceeco Nebo neMwaami Lesa, pabalaluki abo balalukila muliina lyangu, ntokwaamba ayi, ‘Nshikwe kubatumaawo nabi batokwaamba ayi taaku nkondo nabi nsala yeshi ikashike mucishi cino.’ Balaluki mbomunya abo balaakuloba munkondo ansala.

Jelemiya 17:13

Nobaami baLesa mwebo muli lulangilo lwa bene Isilaeli. Boonse abo bamusuula, balaakulenshekwa nsoni. Boonse abo balaakushiminganabo anga ngameena alembwa mubulongo ceebo bakamufutatila mwebo nokantupu ka buumi.

Jelemiya 23:20

Bukali bwangu teshi bukamaneewo kushikila bukacite shoonse nsheensuni. Munshiku shitoosa, bantu bangu balaakunyumfwisha cikani ici.

Jelemiya 4:9

Mwaami Lesa waamba ayi, “Pabushiku ubo mwaami abacinenenene bakwe balaakutyongola. Bapailishi balaakuloonda abalaluki balaakukankamana.”

Esekelo 11:10

Mulaakufwa kunkondo mweenka mucishi canu. Lyalo ndyeshi mukeshibe ayi nebo ndi Mwaami Lesa.

Esekelo 12:20

Mandabala anene ayo aswite bantu, alaakunyonyoolwa. Aboobo cishi cilaakuba luyanga. Lyalo ndyeshi bakeshibe ayi nebo ndi Mwaami Lesa.’ ”

Esekelo 13:14

Ndaakumwaya lubumbu ulo ndomwakashingula abulongo butuba. Ndaakulupalanganya cakwaamba ayi alwiimbi lulaakucaalabo patuba. Na lukawe, amwebo mulaakunyonyoolwa andulo. Lyalo ndyeshi mukeshibe ayi nebo ndi Mwaami Lesa.’

Esekelo 13:23

Paceebo ceeco teshi mukabonewo tubili shili anga nshiloto shanu shabubeshi nabi kulaluka shakucenjeeka. Ndaakupulusha bantu bangu kuswa mumaansaanu. Lyalo ndyeshi mukeshibe ayi nebo ndi Mwaami Lesa.”

Esekelo 20:38

Abo boonse baashu batanyumfwili ndaakubakusha pakati kanu. Nakubi kwaamba ayi ndaakubakusha mucishi mobekala, sombi teshi bakenjileemo mucishi ca Isilaeli. Lyalo ndyeshi mukeshibe ayi ndi Mwaami Lesa.’

Danyelo 12:1

Mpeeke munjelo uyo wakalinga kufwete nsalu iteshimite wakaamba ayi, “Paciindi ico Mikaeli munjelo munene uyo ulama bene mishaanu ulaakunyamuka. Kulaakuba ciindi ca mapensho ico citana kubonekawo kale kuswa kumatalikilo amishobo kushikila asunu. Nakubi boobo paciindi ico, bene mishaanu boonse bacite meena alembetwe mulibuku lyakwe Lesa, balaakupulushikwa.

Osiya 4:5

Mulawa mashiku amalumwi, abalo balaluki ngumushobo womwibo. Paceebo ceeco ntoonyonyoola nyinawanu, ee, mushobo wa Isilaeli.

Osiya 9:3

Mwebo nobene Isilaeli teshi mukanoocishiite mucishi ca Mwaami Lesa. Mwebo nobene Efuleemu mulaakuboolela kucishi ca Ijipiti mubusha. Mulaakuya mukunoolya shakulya shitasalalite kweelana aMilawo kuAsilya.

Mika 3:5

Mwaami Lesa waamba ayi, “Mwebo nobalaluki nomulubya bantu bangu, na umwi wamupa cakulya mulaamba shaluumuno. Na taamupi, mulalaluka shankondo.

Mika 3:6

Paceebo ceeco mashiku alaakwisa alimwi teshi muboneewo cili anga nciloto. Ncakwiila munshinshe ulaakwisa alimwi teshi mukasondeewo napaceyi. Lisuba lilaakwipila kubalaluki abo, ndushinisho kulaakuboolabo mbi kuli mbabo.

Luka 10:20

Sombi mutasangalali kwaamba ayi bashikaswa batoomunyumfwila, anu amusangalale mukwiinga meena anu alilembetwe kwiculu.”

Bene Filipi 4:3

Ndakusenga alimwi webo omweensuma muncito kwaamba ayi ubacaafwe balutundu aba. Bakasebensa camaansa obilo anebo mukushimikila Makani Abotu, kubikaawo aKilementi abamwi boonse mbondakalinga kusebensaabo abo bacite meena alembetwe mulibuku lya buumi.

Bene Ebulu 12:23

Mwesa kulibungano lyakusangalala lya baana basankwa bakwiiya bakwe Lesa, abo bacite meena alembetwe kwiculu. Mwebo mwesa kuli Lesa, moomboloshi wa bantu boonse, kumyuuya ya bantu baluleme abo bakasalashikwa cancinencine.

Ciyubululo 13:8

Bantu boonse bekala mucishi ca panshi balaakulambila munyama uyu, kukushakobo baabo bacite meena akalembwa mulibuku lya boomi cishi kacitana kulengwa, ee, mulibuku lilya lya Mwanaambelele wakacaikwa.

Ciyubululo 19:20

Munyama uyo wakacatwa pantu pomwi amulaluki mubeshi uyo wakalinga kucita shaankamiko ceebo ca nguwe. Kwiinda mushaankamiko nshemunya ishi, wakacenjeeka bantu abo bakalinga kucite keshibilo ka munyama alimwi abaabo balambila cibumbwabumbwa cakwe. Mpeeke munyama uyo alimwi amulaluki mubeshi, bakawaalwa mulweenge lwa mulilo uyo unyaka asalufa, kabalasha.

Ciyubululo 20:12

Lyalo ndakabona bafu, balemekwa abantubo, boonse kabeemfwi kunembo lya cuuna ca bwaami. Lyalo mabuku akacalulwa alimwi libuku limwi lyakacalulwa, ndyelibuku lya boomi. Bafu bakoomboloshekwa kweelana amicito yabo bweenka mbomwakalinga kulembetwe mumabuku.

Ciyubululo 20:15

Uyo woonse utakwe kulembwa liina mulibuku lya boomi, wakawaalwa mulweenge lwa mulilo.