Esekelo 13:5 - Baibo Busansulushi Bwa Libuku Ili

⁵ Bakacileka akuya mukulama pamusena apo lubumbu lwabo mpolwakamwayuluka nabi kuya mukuluyaka alimwi kwaamba ayi lukatabilile bene Isilaeli pabushiku bwa Mwaami Lesa bwa nkondo.

Esekelo 13:5 Marejeleo ya Msalaba

Jobo 40:9

Sa webo inga weelana andime nkusu? Sa liswi lyako lilakonsha kukalooka bweenka mbuli lyangu?

Kulumbaisha 106:23

Aboobo Lesa wakaamba ayi utoobanyonyoola. Sombi Mose, musebenshi wakwe ngwaakasala, wakeemikana pameenso akwe kwaamba ayi atabanyonyooli mubukali bwakwe.

Kulumbaisha 76:7

Mwebo nobaLesa mulayoosha abuumbi. Anu ngani weenga weemikana na mwebo mwakalala?

Isaya 13:6

Amulile mibila ceebo bushiku bwa bukali bwa Mwaami Lesa buli pafwaafwi, bushiku ubo Mwaami Lesa Shinkusu shoonse mbweshi akalete kunyonyoolwa kuyoosha.

Isaya 13:9

Amubone bushiku bwa bukali bwa Mwaami Lesa butoosa, bushiku buyoosha alimwi bufundeene kubukali. Butoosa mukunyonyoola cishi coonse akunyonyoola bamucita shibi boonse baliimo.

Isaya 2:12

Mwaami Lesa Shinkusu shoonse wakabikila limwi bushiku bwa bukali bwakwe, ubo bantu boonse balisumpula abaabo balemekwa beshinkusu ndyeshi bakaceeshekwe.

Isaya 27:4

Nebo nshikalaliteewo pamuunda uyo alimwi nimwalinga myuumfwa ashisonsoonya shitoonshinkilisha, naakwiinga ndeelwana akeembe kangu akwiitenta cakumaninina.

Isaya 34:8

Ndushinisho Mwaami Lesa ulicite bushiku mbwaatooyanda kuboosha cishole, bushiku bwakulambula bubi mukufuna ndabala ya Siyoni kubalwani ba njiyo.

Isaya 58:12

Bantu banu balaakuyakulula shoonse shikulukulu shakalinga kupwayookite. Ncakwiila kuyakulula matongo palwiimbi lweenka lukulukulu. Mulaakunokwiitwa ayi beshikuyakulula mumbu shakakulooka, mikwakwa alimwi amaanda shakanyonyoolwa.”

Jelemiya 15:1

Mpeeke Mwaami Lesa wakaŋambila ayi, “Nabi Mose aSamwelo besa beemikana kunembo lyangu akunkombelela, inga nshibooshiimo moyo pabantu aba napaceyi. Amubatandaanye, baswe pameenso angu! Kabayabo!

Jelemiya 23:22

Nibakeemikanaawo munkuta yangu, naakwiinga bakaambilisha maswi angu kubantu bangu. Munshila iyi naakwiinga bakabasandula kuswa kunshila shabo shibiibi alimwi akumicito yabo ibiibi.”

Jelemiya 27:18

Na mbalaluki abo bacite maswi angu neMwaami Lesa, abakombelele kuli ndime neMwaami Lesa Shinkusu shoonse ayi shisebensesho isho shakacaala muŊanda yangu, muŋanda ya mwaami wa bene Juda amuJelusalemu shitatolwi kuBabiloni.

Esekelo 13:4

Nobene Isilaeli, balaluki banu balibo anga mbamwaaba ba mumatongo.

Esekelo 22:30

“ ‘Mpeeke ndakayandoola muntu pakati kabo uyo weenga wayaka lubumbu akwiimikana kunembo lyangu mumusena apo lubumbu mpolwakamwayuluka ayi afune cishi kwaamba ayi ntakacinyonyooli. Sombi ndakacana kwaamba ayi taakuuwo nabi womwi.

Esekelo 30:3

Bushiku bwashikila, ee, bushiku bwa Mwaami Lesa buli pafwaafwi, mbushiku bwa makumbi amapensho kumishobo yoonse.

Esekelo 7:19

Balaakusowa silifa agolodi wabo mumikwakwa anga ngamatombe. Silifa a golodi wabo teshi ukabapulusheewo pabushiku bwa bukali buyoosha bwa Mwaami Lesa. Teshi bakashisebenseshewo kumana nsala yabo nabi kubakutisha ceebo ngowakabalengesha kubisha.

Jowelo 1:15

Ncakwiila bushiku buyoosha butoosa. Ee, bushiku bwa Mwaami Lesa buli pafwaafwi. Ubo mbobushiku Mwaami Lesa Shinkusu shoonse bweshi akalete lunyonyooko.

Jowelo 2:1

Amulishe mapeenga muSiyoni, Amucenjeshe bantu bangu pakalundu kangu kasalalite. Amututume noonse nobantu nomwikala mucishi ca Juda mukwiinga bushiku bwa Mwaami Lesa butoosa. Ncakwiila bulibo pafwaafwi kwisa.

Jowelo 2:31

Lisuba lilaakuboolabo mbi, awalo mweenshi ulaakusalalabo pyu anga mbulowa, kabutana kushikila bushiku bwangu nebo neMwaami Lesa, bushiku ubo bunene alimwi buyoosha.

Jowelo 3:14

Shuulu ashuulu sha bantu bali muCinyika ca Koombolosheshaamo. Bushiku bwa Mwaami Lesa bulaakufwambaana kwisa mucinyika ico.

Malaki 1:9

“Ono nobapailishi mwebo, mulasenga kuli ndime neLesa ayi mupe coolwe. Na kamubenga milambu yambuli yeeyi, sa inga ndakumbula mupailo wanu?

Malaki 4:5

“Amubone, ndaakumutumina mulaluki Elija bushiku bunene buyoosha bwa Mwaami kabutana kushikila.

1 Bene Tesalonika 5:2

Ceebo mwebo nobeene mulishi kale kabotu kwaamba ayi Bushiku bwakwisa kwa Mwaami Jesu, bulaakushikila cakutabwiingashila bweenka mwiipi mbweesa mashiku.

2 Pita 3:10

Sombi Bushiku bwakwisa kwa Mwaami, bulaakwisa anga ngumwiipi. PaBushiku ubo, liculu lilaakumana acoongo cinene, shintu shoonse sha kwiculu shilaakupya akunyonyoolwa, acalo cishi ca panshi ashintu shoonse shiliimo shilaakupya.

Ciyubululo 16:14

Aba mbobashikaswa bacita shaankamiko. Bashikaswa botatwe aba balaya kubamaami boonse ba mucishi ca panshi mukubayobolola kwaamba ayi bakalwaane pabushiku bunene bwakwe Lesa Shinkusu shoonse.

Ciyubululo 6:17

Mukwinga bushiku bwa bukali bwabo buloondesha bwashikila, ino ngani weenga wacaalaawo?”

1 Samwelo 12:23

Kulubasu lwangu, nshisuni kwaamba ayi mbishishe Mwaami Lesa mukucileka kumupaililaako. Ndaakumwiisha nshila ibotu alimwi iluleme ayi mwiikonkele.