Esekelo 13:10 - Baibo Busansulushi Bwa Libuku Ili

¹⁰ “Balaluki aba balasowa bantu bangu ndibabaambila ayi, ‘Kuli luumuno,’ kakuli taaku luumuno. Bantu bangu bayaka lubumbu lutashimpite abalo balaluki balushingula abulongo butuba.

Esekelo 13:10 Marejeleo ya Msalaba

2 Baami 21:9

Sombi bene Juda tabakwe kunyumfwila Mwaami Lesa. Mpeeke Manase wakabalengesha ayi beendeewo kubisha pabaabo Mwaami Lesa mbwaakatanda mucishi kunembo lyabo.

2 Makani 18:12

Paciindi ceenka ico wacinenenene uyo wakalinga kuya mukwiita Mikaya wakamwaambila ayi, “Balaluki bamwi boonse balaluka kale shakuswitilila kwa mwaami, awebo waambe bweenka ubo.”

Tushimpi 12:26

Muntu ululeme ulatondesha babye nshila ibotu, sombi mucita shibi ulabalubya.

Isaya 30:10

Balaambila beshikubona ayi, ‘Amucileeke kubona shili anga nshiloto!’ Ee, balaambila balaluki ayi, ‘Amucileeke kutulwiita shili anga nshiloto shaamba shintu shiluleme!’ Kamutwaambila shintu sheenga shatusangalasha. Kamulaluka shintu shakuyeeyelabo.

Isaya 57:21

Taaku luumuno kubamucita shibi.” Mwaami Lesa waamba.

Jelemiya 14:13

Lyalo nebo ndakaamba ayi, “Nobaami baLesa beShinkusu shoonse, balaluki balabaambila ayi, ‘Teshi mukabonewo nkondo nabi kufwa kunsala. Ncakwiila mulaakupekwabo luumuno mucishi canu.’ ”

Jelemiya 23:17

Balaambila bantu banyansha ayi, ‘Mwaami Lesa waamba ayi mulaakunooshiite muluumuno.’ Balaambila baabo bakonkela bushicimpamya bwa myoyo yabo ayi, ‘Taaku cibiibi ceshi cikamubonekeleewo.’

Jelemiya 23:32

Ndushinisho ndibapatite balaluka shabubeshi. Balalwiita bantu bangu shiloto isho akubasowa kububeshi bwabo butacite ncito. Sombi nshikwe kubatuma, sobwe. Nebo neMwaami Lesa ndaamba.”

Jelemiya 28:9

Sombi mulaluki ulaluka shaluumuno ulaakubonwa ayi ncakwiila wakatumwa kuMwaami Lesa na isho nshaakaamba shacitika cancinencine.”

Jelemiya 4:10

Mpomunyaawo nebo ndaamba ayi, “Nobaami baLesa beShinkusu shoonse, anu bene Jelusalemu mwakabacenjeekabo mukubaambila ayi, ‘Mulaakuba muluumuno,’ nakubi boobo mupeeni uli panshingo shesu.”

Jelemiya 5:31

Balaluki balalaluka shabubeshi. Bapailishi baleendelesha shintu kweelana ambobasuni beene. Abalo bantu bangu balikondetwe. Ono kumamanino mulaakucita buyani?”

Jelemiya 50:6

“Bantu bangu balibo anga nimbelele shisowekete. Beembeshi babo bakabasowa akubalengesha kwiingooka mutulundu. Bakalinga kuswa mutulundu akunooya mutulundu cakwaamba ayi bakaluba kumishaabo.

Jelemiya 6:14

Balaanga shilonda sha bantu bangu anga teshi shilonda shinene. Balaamba ayi, ‘Kuli luumuno! Kuli luumuno!’ Kakuli taaku aluumuno.

Jelemiya 8:11

Balaanga shilonda sha bantu bangu anga teshi shilonda shinene. Balaamba ayi, ‘Kuli luumuno! Kuli luumuno!’ Kakuli taaku aluumuno.

Jelemiya 8:15

Twakalinga kulangila luumuno, sombi taaku cibotu ncetwakabonawo. Twakalinga kulangila kushilikwa, sombi kwakesa shiloondesha.

Esekelo 13:16

Ncakwiila balaakuloba balaluki bene Isilaeli abo bakaambila bene Jelusalemu ayi, ‘Kuli luumuno,’ kakuli taaku luumuno. Nebo neMwaami Lesa Shinkusu shoonse ndaamba.”

Esekelo 22:28

Balaluki abalo balashisa shibiibi ishi anga ngumuntu utooshingula lubumbu abulongo butuba. Balabona shili anga nshiloto shabubeshi alimwi ashisondo shakubeca akwaambila bantu. Balaamba ayi batokwaamba maswi aMwaami Lesa Shinkusu shoonse, sombi nebo neMwaami Lesa kaantana kwaambaabo.

Esekelo 7:25

Ono shintu shiloondesha shaakumupolela mulaakuyandoola luumuno, sombi teshi mukalucaneewo.

Osiya 9:7

Ciindi cakupekwa mulandu citoosa. Ncakwiila ciindi cakubooshelwa cishole cili pafwaafwi. Ciindi ico nobene Isilaeli mulaakucibona. Mwebo mulaamba mulaluki ayi, “Ngumuluya,” mulaamba muntu ucite Mushimu wakwe Lesa ayi, “Ngumushilu.” Mulaamba boobo ceebo ca shibiibi shanu kufula alimwi aceebo cakwaamba ayi lupato lwanu ndunene.

Mika 2:11

“Na mubeshi nabi shikucenjeeka wesa waamba ayi, ‘Ntoomulalukila kutambula waini abwalwa buunji,’ Uyu ulaakuba ngomulaluki bantu aba ngobasuni.

Malaki 3:15

Ono cicitika ncakwaamba ayi balisumpula mbobacite shoolwe. Ndushinisho, bamucita shibi tabeelibo mukusumpuka, sombi balasunka kukomenya moyo kwakwe Lesa kwiinda mukucita shibiibi, nakubi boobo tabapekwi mulandu.”

1 Bene Tesalonika 5:3

Bantu baakutalika kwaamba ayi, “Shintu shoonse shaba kabotu, taaku acakulisukama,” mapensho alensha boowa ndyeshi akabashikile! Alaakwisa cakuteengashila bweenka mbuli mwanakashi mbwaanyumfwa kucisa na mumala mwabuka, ncakwiila taaku eshi akacice.

1 Timoti 4:1

Ncakwiila Mushimu Usalashi ulaamba patuba ayi munshiku shitoosa bamwi balaakushiya lushomo. Balaakutalika kunookonkela mishimu ibeshi akwiisha kwa bashikaswa.

2 Timoti 3:13

Bantu bacita shibiibi abaamba nshebataciti bananoobicilakobo. Bananoobeca bamwi akubecekwa.

1 Joni 2:26

Ntoomulembela makani aya ceebo ca baabo basuni kumucenjeeka.

Ciyubululo 2:20

Sombi ndicite litongooshi pali ndiwe ceebo mwanakashi uyo Jesebelo, ulibanda ayi ngumulaluki wakwe Lesa, ulamulangabo. Kwiinda mukwiisha kwakwe, ulabalengesha kubisha ndyaabanyengelela ayi banoocita bufuule akulya shakulya shakabengwa kushibumbwabumbwa.