Esekelo 12:3 - Baibo Busansulushi Bwa Libuku Ili

³ “Paceebo ceeco webo omuntu, longela shintu shako anga ngumuntu utooya mubusha. Ono lumwi lubala, boonse kabakubwene, ukanyamuke kuswa kooko nkoobete akuya kumusena umwi. Mpashi inga beshiba nakubi kwaamba ayi mbantu baashu.

Esekelo 12:3 Marejeleo ya Msalaba

Kulumbaisha 81:13

Nobantu bangu, nimwankutika, nobene Isilaeli nimwanyumfwila,

Jelemiya 10:17

Amulongele buboni bwanu kwaamba ayi muswe mucishi canu mwebo nomushiite mundabala ishingulukitwe.

Jelemiya 26:3

Mpashi inga banyumfwa basanduka kuswa kunshila shabo shibiibi. Na bacita boobo, inga ndasandula miyeeyo yangu akutabaletela mapensho ayo ngondalinga kuyeeyela kubacita ceebo ca micito yabo ibiibi.”

Jelemiya 27:2

“Bwesa shitolopo ashiceyi upange lijoko akulyaanga munshingo.

Jelemiya 36:3

Mpashi bene Juda baakunyumfwa shamapensho oonse ayo ngoontooyeeyela kubaletela, inga basanduka kuswa kunshila shabo shibiibi. Na bakacite boobo, ndyeshi nkabalekelele bubi bwabo alimwi ashibiibi shabo.”

Jelemiya 36:7

Mpashi inga bapaila kuMwaami Lesa akusanduka kuswa kunshila shabo shibiibi mukwiinga Mwaami Lesa wakaloondesha bantu aba kubukali bwakwe buyoosha abuumbi.”

Jelemiya 7:26

Sombi tamukwe kunyumfwila nabi kubikako maano. Mwakayumya myoyo yanu akubisha kwiinda bamashali banu bakulukulu.’

Esekelo 12:7

Aboobo ndakacita kweelana ambondakaambilwa. Malumwi, ndakalongela shintu shangu anga ngumuntu utooya mubusha. Ono macolesha ndakatulula lubumbu amaansaangu. Mpeeke ndakaswita mpapo pantu pomwi ashintu shangu akushinyamwita pacifushi ciindi camumuntu ngulya boonse kabambwene.

Esekelo 3:26

Ndaakulengesha mulaka wako kucatilila kwiculu kwaamba ayi ukabule bwakubacenjesha bantu aba nakubi kwaamba ayi ngumushobo waashu.

Esekelo 3:27

Sombi ndaakubandika andiwe, ndaakukulengesha kukonsha kwaamba alimwi. Lyalo ulaakubalwiita nebo neMwaami Lesa Shinkusu shoonse nsheshi nkaambe. Uyo woonse weshi akanyumfwile, aakanyumfwile. Alakwe uyo weshi akakake, aakakake ceebo aba mbantu baashu.”

Esekelo 33:11

Balwiite kwaamba ayi, ‘Ndushinisho kweelana ambocibete lushinisho ayi nebo neMwaami Lesa ndi muumi, nebo nshisangalali kubona mucita shibi kaafwa? Sombi ndasangalala kumubona kaasanduka kuswa kunshila shakwe shibiibi akuba abuumi. Amusanduke! Amusanduke kuswa kunshila shanu shibiibi! Ceebonshi mutooyanda kufwa mwebo nobene Isilaeli?’

Esekelo 43:11

Ono na bakanyumfwe nsoni pasheesho shoonse nshebacita, ukabapandulwite mbuli Ŋanda yakwe Lesa mbweeyakitwe. Nkokwaamba ayi mboyakayakwa, milyango yakuswitaako ayakwinjililaako alimwi abubete misena ya maanda oonse. Ubapandulwite milawo amilasho yoonse ya pali njiyo.

Luka 13:34

“Webo Jelusalemu, Jelusalemu, noocaya balaluki akuuma mabwe bantu abo Lesa mbwaatuma kuli ndiwe! Liinji liinji ndalinga kusuni kubunganya bantu bako bweenka mbuli nkuku mboifukatila twaana twa njiyo mumapapaminwa, sombi webo wakakaka!

Luka 20:13

Lyalo mwine muunda uyo wakaamba ayi, ‘Ntoocita buyani? Anu ntootumakobo mwanaangu ngoonsunishi mpashi lakwe balaakumupa bulemu.’

Dutolonomi 32:29

Bakaalilwa kwishiba ncebakakomenwa, tabakoonshi kunyumfwa cakacitika kuli mbabo.

Dutolonomi 5:29

Na lyoonse banooyeeya bobulya alimwi kabandemeka akukonkela milawo yangu yoonse, shintu shoonse inga kashibeendela kabotu pantu pomwi abamulunyungu lwabo, lyoonse alyoonse.

2 Timoti 2:25

muntu ulibombya pakulwiita beshikumupikisha, mukwishiba kwaamba ayi mpashi Lesa inga wabapa ciindi cakusanduka kuswa kushibiibi shabo akwishiba shalushinisho.