Esekelo 12:16 - Baibo Busansulushi Bwa Libuku Ili

¹⁶ Ndaakupulushawo bamwi baniini kuswa kunkondo, nsala akumwaalu kwaamba ayi ciindi baakunooli pakati ka mishobo imwi bakanokwiibaluka shintu shilensha bunya shoonse isho nshebakalinga kucita. Lyalo ndyeshi bakeshibe ayi nebo ndi Mwaami Lesa.”

Esekelo 12:16 Marejeleo ya Msalaba

Matalikilo 13:16

Ndaakukupa baana baanji cakwaamba ayi taaku eshi akakonshe kubabelenga. Nkokwaamba ayi na muntu wakonsha kubelenga museese, inga wakonsha kubelenga abamulunyungu lwako.

Kulumbaisha 59:12

Abacatwe mukulisumpula kwabo ceebo ca shibiibi shiswa mumilomo yabo, ee, maswi abiibi ayo ngobeshi kwaamba. Ceebo ca mashingo ngobaamba akubeca kwabo

Isaya 1:9

Mwaami Lesa naatakwe kuleka bantu bamwi ayi bapuluke, naakwiinga Jelusalemu cino ciindi ulinyonyookete cakumaninina bweenka mbuli Sodoma aGomola.

Isaya 10:19

Shisamu shakwe sheshi shikacaale shilaakubabo shiniini cakwaamba ayi nabi mwanike ulaakukonsha kushibelenga.

Isaya 10:22

Ncakwiila nabi bene Isilaeli bulya mbaanji, ee, mbaanji anga ngumuseese wa kuloombe lwa lweenge, mbaniinibo beshi bakacaaleewo akuboola. Bamwi baanji babambilwa kunyonyoolwa ceebo beelela kwaamba ayi banyonyoolwe.

Isaya 24:13

Mbweeke ubo mbweshi cikabe kumushobo womwi awomwi mucishi coonse ca panshi. Cilaakuba bweenka mbociba kushisamu sha maolifi na maolifi aloshekwaako ayalo minyansa yoonse yayapwaako kushisamu sha njiyo.

Isaya 6:13

Ono nabi bantu baniini bakacaaleewo, abalo balaakunyonyoolwa. Sombi bweenka bucaala cishiki apo patemwa cisamu ca telebinti nabi ca mubanga, mbweeke ubo imbuto isalalite mbweshi ikacaaleemo anga ncishiki mucishi ici.”

Jelemiya 30:11

Ndi amwebo alimwi ndaakumupulusha. Nabi nkanyonyoole mishobo yoonse mulya mondakamupalanganishisha, mwebo teshi nkamunyonyoole cakumaninina, sobwe. Ndaakumupa mulandu, sombi ndaakumoombolosha cakutamunyengelela. Teshi nkamulekebo kwakutamupa mulandu, sobwe. Nebo neMwaami Lesa ndaamba.”

Jelemiya 4:27

Ono Mwaami Lesa waamba ayi, “Cishi coonse cilaakuba luyanga, sombi teshi nkacinyonyoole cakumaninina.

Esekelo 12:15

“Ndaakumana kubatandila pakati ka mishobo imwi akubapalanganishisha mushishi shimwi, ndyeshi bakeshibe ayi nebo ndi Mwaami Lesa.

Esekelo 12:17

Mpeeke Mwaami Lesa wakaŋambila ayi,

Esekelo 14:21

Mwaami Lesa Shinkusu shoonse waamba ayi, “Ino cilaakuba buyani ndaakutuma mapensho one eendaawo kubica pandabala ya Jelusalemu, nkokwaamba ayi ndaakutuma nkondo, nsala, banyama bamuluundu amwaalu kucaya bantu ba mumo alimwi ashifubwa shabo?

Esekelo 36:20

Koonse uko nkobakalinga kuya pakati ka mishobo imwi, bakasebaanya liina lyangu lisalalite ceebo bantu bakalinga kubaamba ayi, ‘Aba mbobantu ba Mwaami Lesa, nakubi boobo bakatandwa kucishi cakwe.’

Esekelo 36:31

Lyalo mulaakwiibaluka nshila shanu shibiibi amicito yanu ibiibi alimwi mulaakulisenda ceebo ca shibiibi shanu ashintu nshemwakalinga kucita shilensha bunya.

Esekelo 7:15

Pansengwe pali nkondo, mukati muli mwaalu ansala. Abo bali mumishi balaakufwa kunkondo abalo abo bali mundabala inene balaakucaikwa kunsala akumwaalu.

Mateyo 24:22

Nshiku isho sha mapensho neshitakwe kufwimpishikwa, naakwiinga taaku muntu nabi womwi wakacaala kaali muumi. Sombi ceebo ca baabo basalitwe, inshiku isho shilaakufwimpishikwa.

Mateyo 7:14

Sombi mulyango utola kubuumi butamaani ulishaankene alimwi nshila iyaako ilishupite. Aboobo bantu baikonkela mbaniini.

Bene Loma 9:27

Alakwe Isaya mulaluki mukulukulu wakaamba cankusu pabene Isilaeli ayi, “Nakubi kwaamba ayi bene Isilaeli mbaanji anga ngumuseese uli muloombe lwa lweenge, sombi mbaniini beshi bakapulushikwe.