Esekelo 12:11 - Baibo Busansulushi Bwa Libuku Ili

¹¹ Ubalwiite ayi ncewacita caba citondesho kuli mbabo. Ubalwiite ayi bweenka mbowacita, abalo mbweshi bakacite. Balaakutolwa mushishi sha busha.

Esekelo 12:11 Marejeleo ya Msalaba

2 Baami 25:11

Kuswawaawo Nebusaladani wakatola busha kuBabiloni bantu boonse bakacaala mundabala pantu pomwi abaabo bakalinga kucishi shakupangapanga abantu abo bakalinga baya kulubasu lwa bene Babiloni.

2 Baami 25:7

Mpeeke bakacaya bana bakwe Sedekiya boonse kaalangilisha. Kuswawaawo Nebukadinesa wakaamba ayi Sedekiya akushikwe meenso. Lyalo bakamwaanga ncetani sha bulonse akumutola kuBabiloni.

Jelemiya 10:17

Amulongele buboni bwanu kwaamba ayi muswe mucishi canu mwebo nomushiite mundabala ishingulukitwe.

Jelemiya 15:2

Ono na bakwiipushe ayi, ‘Ino tuye kuli?’ ubalwiite ayi, ‘Mwaami Lesa waamba ayi, abo beelete kufwa lufu ŋanda, balaakufwa. Abo beelete kufwa kunkondo, balaakufwa munkondo. Abo beelete kufwa kunsala, balaakufwa kunsala. Abo beelete kutolwa mubusha, balaakuya mubusha.’

Jelemiya 52:15

Kuswawaawo Nebusaladani wakatola busha kuBabiloni bantu boonse bakacaala mundabala pantu pomwi abaabo bakalinga kucishi shakupangapanga abantu abo bakalinga baya kulubasu lwa bene Babiloni.

Esekelo 12:3

“Paceebo ceeco webo omuntu, longela shintu shako anga ngumuntu utooya mubusha. Ono lumwi lubala, boonse kabakubwene, ukanyamuke kuswa kooko nkoobete akuya kumusena umwi. Mpashi inga beshiba nakubi kwaamba ayi mbantu baashu.

Esekelo 12:6

Ushibike pacifushi kabakubwene akushitola ciindi camumuntu ngulya. Ono ukalifwekeleshe kumeenso ayi utakeshibi nkootooya ceebo webo ndaakulengesha kuba cakucenjesheshako mushobo wa bene Isilaeli.”

Esekelo 4:1

Mpomunyaawo Lesa wakaŋambila ayi, “Webo omuntu, bwesa lucelwa ulubike kunembo lyako akutalaawo ndabala ya Jelusalemu.

Esekelo 4:3

Kuswawaawo ubwese cikaye ca nshimbi ucibike ciboneke anga ndubumbu lwa nshimbi luli pakati lyako andabala. Lyalo ulange nkweshi cinoobetele. Ndabala iyo itooshingulukwa. Webo ndiwe weshi wiishinguluke. Ici citooba citondesho kumushobo wa bene Isilaeli.

Sekaliya 3:8

“ ‘Ono kutika omupailishi munene Joshuwa pantu pomwi abapailishinyoko abo bashiite kunembo lyako. Bapailishi abo batokwiimikanina shintu shitoosa kunembo. Ndaakuleta musebenshi wangu wiitwa ayi Musampi.