Esekelo 11:21 - Baibo Busansulushi Bwa Libuku Ili

²¹ Sombi abo balyaabite mukulambila shikoshanyo shifundoosha kumoyo ashibumbwabumbwa shilensha bunya, ndaakubapa mulandu kweelana anshebakacita. Nebo neMwaami Lesa Shinkusu shoonse ndaamba.”

Esekelo 11:21 Marejeleo ya Msalaba

Shikushimikila 11:9

Ocikula bwangu, kosangalala koocili mwanike. Moyo wako kaukupa kusangalala koocili cikula bwangu. Kokonkela ciyanda moyo wako alimwi acili coonse meenso ako ncaabona. Sombi koshiba ayi shintu shoonse ishi Lesa ulaakukoombolosha.

Jelemiya 1:16

Ndaakupa mulandu bantu bangu ceebo ca bubi bwabo bwakunsuula mukunootentela balesa babo tununkila kabotu amukulambila shakapanga maansaabo beene.

Jelemiya 16:11

Lyalo ukabakumbule ayi, ‘Nceebo ca bamashali banu bakulukulu bakansuula akukonkela balesa bamwi, bakabasebensela akubalambila. Bakamfutatila alimwi tabakwe kunyumfwila kwiisha kwangu.

Jelemiya 16:18

Ndaakubalengesha kupekwa milandu yobilo ceebo ca shibiibi abubi bwabo. Balengesha cishi cangu kutanoosalalite ashibumbwabumbwa shabo shitayooyi anga njimituntu. Ncakwiila bacisusha balesa bakubeca.”

Jelemiya 17:9

“Moyo wa muntu ngubeshi abuumbi kwiinda pashintu shimwi shoonse alimwi ulicite bulwashi butashilikiki. Anu ngani weenga wakonsha kuushiba?

Jelemiya 2:20

Mwaami Lesa utokwaamba ayi, “Nobene Isilaeli mwakakakabo kale kale bweendeleshi bwangu. Mwakakaka kunyumfwila akunambila. Peculu lyatulundu tulaamfu amunshaashisamu shoonse shicite shimfule shibotu mwakalinga kucita bufuule mukulambila balesa bamwi.

Esekelo 11:18

“Balaakuboolela mucishi cabo, bakakusheemo shikoshanyo shoonse shifundoosha kumoyo shiliimo alimwi ashibumbwabumbwa shilensha bunya.

Esekelo 14:3

“Webo omuntu, bantu aba batalika kulambila shibumbwabumbwa nabi balishi ayi shilaakuba mfumpu kunembo lyabo. Sa batooyeeya ayi inga ndabakumbula?

Esekelo 16:43

“ ‘Ono mukwiinga tamukwe kwiibaluka nshiku sha bucikula bwangu bwako, sombi wakankalasha mukucita shintu shoonse ishi. Ndushinisho ndaakukupa mulandu pasheesho nshewakacita. Ceebonshi wakeelikawo bufuule pasheesho shoonse shilensha bunya nshewakalinga kucita? Nebo neMwaami Shinkusu shoonse ndaamba.’ ”

Esekelo 20:16

Ndakacita boobo ceebo bakaka milawo yangu, tabakwe kukonkela milasho yangu, bakabisha bushiku bwangu bomwi abomwi bwakookesha bwa Cibelu mukwiinga bakabika myoyo yabo kushibumbwabumbwa shabo.

Esekelo 20:31

Ono abobulya mucipa shipo nshemunya akulibisha nobeene kushibumbwabumbwa nshemunya mukubenga bana banu kuli nshisho mumulilo. Ino sa inga ndamusuminisha ayi mwise mukunjipusha kuyanda kwangu mwebo nobene Isilaeli? Kweelana ambocibete lushinisho ayi ndi muumi, teshi musuminisheewo kunjipusha nabi comwi. Nebo neMwaami Lesa Shinkusu shoonse ndaamba.

Esekelo 20:38

Abo boonse baashu batanyumfwili ndaakubakusha pakati kanu. Nakubi kwaamba ayi ndaakubakusha mucishi mobekala, sombi teshi bakenjileemo mucishi ca Isilaeli. Lyalo ndyeshi mukeshibe ayi ndi Mwaami Lesa.’

Esekelo 22:31

Paceebo ceeco ndaakubatila bukali bwangu buyoosha akubanyonyoola kuceeselela ca bukali bwangu ceebo ca sheesho nshebakacita beene beenka. Nebo neMwaami Lesa Shinkusu shoonse ndaamba.’ ”

Esekelo 7:3

“ ‘Nobene Isilaeli meelelesho ono amushikila ceebo ntooyanda kumuletela bukali bwangu. Ndaakumoombolosha kweelana amicito yanu akumupa mulandu pashintu shilensha bunya nshemwakacita.

Esekelo 7:4

Teshi nkamufwite nkumbu nabi kumulangabo, sobwe. Ndushinisho ndaakumupa mulandu kweelana amicito yanu alimwi ashintu shilensha bunya nshemwakacita. Lyalo ndyeshi mukeshibe ayi nebo ndi Mwaami Lesa.’

Esekelo 7:8

“ ‘Ono cakufwambaana ntoomulengesha kunyumfwa cilemeneshi coonse ca bukali bwangu. Ndaakumoombolosha kweelana amicito yanu akumupa mulandu pashintu shilensha bunya nshemwakacita.

Esekelo 9:10

Aboobo teshi nkabafwitewo nkumbu nabi kubalangabo, sobwe. Sombi ndaakubacitila bweenka mbobakacitila bamwi.”

Bene Ebulu 10:38

Bantu bangu abo baluleme balaakunshoma akuba abuumi. Sombi na umwi akaboole pesule, teshi nkakoondwe muli nguwe.”

Judi 1:19

Bantu aba mbobapansaanya babyaabo. Balakonkelabo shintu sha mucishi ca panshi nshebeshi alimwi tabacite Mushimu Usalashi.