Esekelo 11:12 - Baibo Busansulushi Bwa Libuku Ili

¹² Lyalo ndyeshi mukeshibe ayi nebo ndi Mwaami Lesa. Ndaakucita boobo ceebo tamukwe kukonkela milasho nabi kulama milawo yangu, sombi mwakakonkela milawo ya mishobo imushingulukite.’ ”

Esekelo 11:12 Marejeleo ya Msalaba

1 Baami 11:33

Ntoocita boobo mukwiinga Solomoni wansuula alimwi akulambila balesa beensu. Nkokwaamba ayi Ashitaloti lesa mwanakashi wa kuSidoni, Kemoshi lesa wa kuMoabu alimwi aMoleki lesa wa kuAmoni. Solomoni wankaka, wabisha alimwi taakwe kusunga milawo yangu amilasho mbuli bwakalinga kucita Defedi ishi.

2 Baami 16:3

Wakakonkela shakacita bamaami ba bene Isilaeli. Lakwe wakabenga amwanaakwe ayi ngumulambu wakutenta kushibumbwabumbwa mukukonkela kwishibila kulensha bunya kwa baabo Mwaami Lesa mbwaakatanda mucishi cabo.

2 Baami 18:12

Ndabala ya Samaliya yakakomwa mukwiinga bene Isilaeli bakabisha kuMwaami Lesa, Lesa wabo, sombi bakapwaya cipangano ncaakapanga ambabo akukaka milawo yoonse yakabapa Mose, musebenshi wa Mwaami Lesa. Tabakwe kumukutika nabi kumunyumfwila.

2 Baami 21:2

Wakabishisha Mwaami Lesa mukukonkela kwishibila kulensha bunya kwa baabo Mwaami Lesa mbwaakatanda mucishi cabo.

2 Baami 21:22

Wakakaka Mwaami Lesa, Lesa wa bamashali bakwe bakulukulu alimwi taakwe kunyumfwila milawo yakwe.

2 Baami 21:9

Sombi bene Juda tabakwe kunyumfwila Mwaami Lesa. Mpeeke Manase wakabalengesha ayi beendeewo kubisha pabaabo Mwaami Lesa mbwaakatanda mucishi kunembo lyabo.

2 Makani 13:9

Mwakatandaanya bapailishi ba Mwaami Lesa, bamulunyungu lwakwe Aloni pantu pomwi abene Lefi. Mumusena wabo mwakabikaamo bapailishi baanu nobeene bweenka bucita bantu bamumishobo imwi. Uli woonse weenga waleta mucende alimwi ambelele shisankwa shili shosanwe ashobilo mulamupa mulimo wa bupailishi bwa balesa banu abo bateeshi balesa bancinencine.

2 Makani 28:3

Wakalinga kutenta tununkila kabotu muCinyika ca Inomu alimwi wakalinga kubenga abana bakwe ayi njimilambu yakutenta kushibumbwabumbwa. Wakalinga kucita boobo mukukonkela kwishibila kulensha bunya kwa baabo Mwaami Lesa mbwaakatanda mucishi cabo.

2 Makani 36:14

Kwiilika waawo, bamatanjilili boonse ba bapailishi abene Juda bakalinga kuya ciindaawo kutashomeka ceebo cakukonkela micito ilensha bunya ya mishobo imwi. Mukucita boobo, bakalengesha Ŋanda yakwe Lesa, iyo njaakasalasha muJelusalemu, kuba itasalalite kweelana aMilawo.

Esila 9:7

Kuswa muciindi ca bamashali besu bakulukulu kushikila sunu, shibiibi shesu shafula abuumbi. Ceebo ca shibiibi shesu, swebo, bamaami abapailishi besu twakakomwa kubamaami ba mushishi shimwi, tulacaikwa, kwipilwa akutolwa busha. Ncakwiila twasebaana abuumbi bweenka mbotubete asunu.

Neyemiya 9:33

Mwebo muliluleme mukutupa mulandu wa mushobo uyo. Mwakalinga kushomeka, nabi swebo twakalinga kumubishisha.

Neyemiya 9:34

Bamaami besu, bamatanjilili, bapailishi abamashali besu bakulukulu tabakwe kukonkela Milawo yanu. Ncakwiila tabakwe kunyumfwila milasho yanu nabi kunyumfwa kucenjesha kwanu.

Kulumbaisha 78:10

Tabakwe kulama cipangano cakwe Lesa, bakakaka kukonkela milawo yakwe.

Jelemiya 10:2

Lakwe utokwaamba ayi, “Muteeyi nshila sha mishobo imwi. Mutaloondi ceebo ca shitondesho shiboneka mwiculu. Ee, kutaloonda nabi mishobo imwi yatutuma kuboowa.

Jelemiya 6:16

Ono Mwaami Lesa waamba ayi, “Amwiimikane pamampambaanwa amikwakwa mulangelange akwiipusha tushila tukulukulu akubete nshila ibotu. Mweende muli njiyo, lyalo mulaakucana luumuno. Sombi mwakakumbula ayi, ‘Sobwe, teshi tukeendeemo.’

Esekelo 11:21

Sombi abo balyaabite mukulambila shikoshanyo shifundoosha kumoyo ashibumbwabumbwa shilensha bunya, ndaakubapa mulandu kweelana anshebakacita. Nebo neMwaami Lesa Shinkusu shoonse ndaamba.”

Esekelo 18:8

Taakweleteshi maali ayi acaninewo mpindu, sobwe Ulalitalamusha kukucita shibiibi akoombolosha bweelete bantu batoopikishanya.

Esekelo 18:9

Muntu wa mushobo uyo ulakonkela milasho yangu akulama milawo yangu cakushomeka. Muntu uyo uliluleme, ndushinisho ulaakuba abuumi. Nebo neMwaami Lesa Shinkusu shoonse ndaamba.

Esekelo 20:16

Ndakacita boobo ceebo bakaka milawo yangu, tabakwe kukonkela milasho yangu, bakabisha bushiku bwangu bomwi abomwi bwakookesha bwa Cibelu mukwiinga bakabika myoyo yabo kushibumbwabumbwa shabo.

Esekelo 20:21

“ ‘Nakubi boobo lishalane ilyo alyalo lyakangashukila. Tabakwe kukonkela milasho yangu akukaka milawo yangu iyo ipa buumi kumuntu uyo wiinyumfwila. Bakabisha bushiku bomwi abomwi bwakookesha bwa Cibelu. Aboobo ndakalinga kulibambite kubalengesha kunyumfwa cilemeneshi ca bukali bwangu muluyanga.

Esekelo 20:24

Ndakacita boobo ceebo bakaka milawo yangu, tabakwe kukonkela milasho yangu, bakabisha bushiku bwangu bomwi abomwi bwakookesha bwa Cibelu akubika maano kushibumbwabumbwa isho bamashali babo bakulukulu nshebakalinga kulambila.

Esekelo 5:6

Nakubi boobo ceebo cakubisha kwa bamundabala iyo bakaashukila milawo amilasho yangu kwiinda mishobo imwi ashishi isho shibashingulukite. Ncakwiila bakakaka milawo yangu alimwi tabakwe kukonkela milasho yangu.

Esekelo 8:10

Aboobo ndakenjila, ndalangalanga akubona lubumbu loonse kalutalitwe nsoka ashinyama shitasalalite kweelana aMilawo. Mwakalinga kutalitwe ashibumbwabumbwa shoonse bene Isilaeli nshebakalinga kulambila.

Esekelo 8:14

Lyalo wakantola kumulyango wa mwinjililo wa kumatwa wa Ŋanda ya Mwaami Lesa. Uko ndakabona banakashi bakalinga kushiite kabalila lesa wiitwa ayi Tamusi.

Esekelo 8:16

Kuswawaawo wakantola mulubansa lwa mukati lwa Ŋanda ya Mwaami Lesa. Ono kumwinjililo wa Ŋanda iyi pakati ka mwinjililo ushitilishitwe acipaililo, pakalinga basankwa bakalinga mpashi 25. Bakalinga kufutatilite Ŋanda ya Mwaami Lesa kabalangite kwicwe. Bantu abo bakalinga kukoteme kabalambila lisuba lyakalinga kuswa.

Danyelo 9:10

NoBaami baLesa, baLesa besu, tatukwe kumunyumfwila ndimwakatulwiita kwikala kweelana amilawo iyo njemwakatupa kwiinda mubasebenshi banu balaluki.

Bene Lefi 18:3

Tamweelete kukonkela shicita bene Ijipiti uko nkomwakalinga kwikala, nabi shicita bantu ba mucishi ca Kenani umo moontoomutola bulya.

Bene Lefi 26:40

“Sombi bamulunyungu lwanu balaakulyaambilila shibiibi shabo alimwi asha bamashali babo bakulukulu, abo bakankaka, kungalukila,