Esekelo 10:4 - Baibo Busansulushi Bwa Libuku Ili

⁴ Lyalo mumuni utowa uyo utondesha bulemu bwa Mwaami Lesa wakanyamuka akuya mwiculu kuswa pabakelebu kumwinjililo wa Ŋanda yakwe Lesa. Likumbi lyakesusha Ŋanda iyi. Alwalo lubansa lwa njiyo loonse lwakesulabo mumuni wa bulemu ubo.

Esekelo 10:4 Marejeleo ya Msalaba

Kulonga 40:34

Mpeeke likumbi lyakafwekelesha Tente ya Cipangano akwiisusha bulemu bwa Mwaami Lesa.

Kulonga 40:35

Paceebo ceeci Mose wakaalilwa kwinjila muTente ya Cipangano mukwiinga likumbi lyakaselukila peenka apo paTente akwiisusha abulemu bwa Mwaami Lesa.

Isaya 6:1

Mumwaaka wakafwitaamo mwaami Usiya, ndakabona Mwaami Lesa kaashite pacuuna cakwe ca bwaami ico cakalinga peculu akusumpulwa. Mungaanjo wakwe wakalinga ulaamfu cakwisula ŋanda yakwe yoonse.

Esekelo 1:28

Ono bweenka buboneka nkongolo mumakumbi pabushiku bwa mfula, mbweeke ubo bulemu bumushingulukite mbobwakalinga. Anu uyo ngowakalinga mumuni utowa uyo utondesha bulemu bwa Mwaami Lesa. Ndindakabubona, ndakafukama cakushisha ciwa panshi. Mpomunyaawo ndakanyumfwa liswi lyakalinga kwaamba kuli ndime.

Esekelo 10:18

Lyalo mumuni utowa uyo utondesha bulemu bwa Mwaami Lesa wakashiya mwinjililo wa Ŋanda yakwe Lesa akwiimikana peculu lya bakelebu.

Esekelo 43:2

uko nkondakabona mumuni utowa uyo utondesha bulemu bwakwe Lesa wa bene Isilaeli koosa kuswa kwicwe. Liswi lyakwe lyakalingabo anga nkupoota kwa maanshi atookunka. Cishi ca panshi cakabeka kumumuni utowa uyo wakalinga kwisa.

Esekelo 43:5

Mpomunyaawo Mushimu wa Mwaami Lesa wakanyamuna akuntola mulubansa lwa mukati lwa Ŋanda yakwe. Mpeeke bulemu ubo bwa Mwaami Lesa bwakesula muŊanda yakwe.

Esekelo 44:4

Kuswawaawo muntu uyo wakanyinsha kumwinjililo wa kumatwa kuya kunembo lya Ŋanda yakwe Lesa. Mpeeke ndakalangilisha akubona Ŋanda ya Mwaami Lesa yesula mumuni utowa utondesha bulemu bwa Mwaami Lesa. Aboobo ndakaliwaala panshi akushishaawo ciwa.

Esekelo 9:3

Lyalo mumuni utowa uyo utondesha bulemu bwakwe Lesa wa bene Isilaeli wakanyamuka akuya mwiculu kuswa pabakelebu apo mpowakalinga kwikala akuya mukushika kumwinjililo wa Ŋanda yakwe Lesa. Mpomunyaawo Mwaami Lesa wakeeta muntu uyo wakalinga kufwete shakufwala sha nsalu iteshimite uyo wakalinga kucite shilembesho palubasu

Agayi 2:9

Bulemu bwa Ŋanda yangu iyi bulaakwiinda bulemu bwa Ŋanda itaanshi. Lyalo mumusena uyu ndaakupa bantu bangu luumuno. Nebo neMwaami Lesa Shinkusu shoonse ndaamba.’ ”

Shakubelenga 16:19

Ono Kola ndyaakamana kubunganya bantu abo bakalinga kumukonkela pamulyango waTente ya Cipangano kabalangene aMose alimwi aAloni, bulemu bwa Mwaami Lesa bwakaboneka kubantu boonse bakalinga kubungene.

Ciyubululo 15:8

Lyalo Ŋanda yakwe Lesa yakesula bwiishi buswa kubulemu bwakwe Lesa alimwi ankusu shakwe. Taaku nabi womwi wakakonsha kwinjila muŊanda yakwe Lesa kushikila ndiyakamana myaalu ili yosanwe ayobilo yakaleta baanjelo bosanwe abobilo abo.