Esekelo 1:26 - Baibo Busansulushi Bwa Libuku Ili

²⁶ Peculu lya musena ufongomene pakalinga cintu cakalinga kuboneka anga ncuuna ca bwaami cakapangwa kumabwe amakwebo eetwa ayi safaya. Peculu lya cuuna peene ico, pakalinga cakalinga kuboneka anga ngumuntu.

Esekelo 1:26 Marejeleo ya Msalaba

1 Baami 22:19

Mpeeke Mikaya wakatolelela kwaamba ayi, “Ono amunyumfwe makani aya! Ndakabona Mwaami Lesa kaashiite pacuuna ca bwaami kwiculu abaanjelo bakwe boonse kabeemfwi kushinguluka nguwe.

Kulumbaisha 45:6

Bwaami ubo bwakamupa baLesa mbwa lyoonse alyoonse. Mubweene bwanu mulaakweendelesha bantu banu cabululami.

Kulonga 24:10

apo mpobakabona Lesa wa bene Isilaeli. Panshi lya myeendo yakwe, pakalinga cakalinga kuboneka anga ndubansa lwa konkeli ulo lwakalinga kuboneka anga ndiculu.

Isaya 54:11

Mwaami Lesa waamba ayi, “Webo Jelusalemu, ondabala ili mumapensho ayoosha alimwi ootacite shikukuumbulusha. Nebo ndaakuyakulula lwiimbi lwako amabwe abotu amakwebo.

Isaya 6:1

Mumwaaka wakafwitaamo mwaami Usiya, ndakabona Mwaami Lesa kaashite pacuuna cakwe ca bwaami ico cakalinga peculu akusumpulwa. Mungaanjo wakwe wakalinga ulaamfu cakwisula ŋanda yakwe yoonse.

Esekelo 1:22

Peculu lya shilengwa isho pakalinga cintu cakalinga kufungulwitwe ico cakalinga kuboneka anga ngumusena ufongomene uyo wakalinga kubekabeka anga ndibwe lya maanshi likankamika.

Esekelo 1:5

Pakati ka mabeebe pakalinga shilengwa shuumi shakalinga kucite mibili anga nja bantu.

Esekelo 10:1

Ndindakalanga, ndakabona cakalinga kuboneka anga ncuuna ca bwaami cakapangwa amabwe a Safaya. Cakalinga peculu lya musena ufongomene uyo wakalinga peculu lya mitwi ya bakelebu.

Esekelo 43:6

Ono muntu uyo kaaciimfwi lubamba anebo, ndakanyumfwa Mwaami Lesa kaamba kuli ndime kuswa muŊanda yakwe.

Esekelo 43:7

Mpeeke wakandwiita ayi, “Webo omuntu, uyu ngomusena wa cuuna cangu ca bwaami. Ndaakunookala kokuno pakati ka bene Isilaeli akubalela kwa lyoonse alyoonse. Taaku bene Isilaeli nabi bamaami babo beshi bakasebaanye tubili liina lyangu lisalalite mukulambila balesa bamwi nabi kubika mituntu ya bamaami babo kumusena uno.

Esekelo 8:2

Mpeeke ndindakalangilisha kwiculu ndakabona cakalinga kuboneka anga ngumuntu. Kuswa mubukome kuya panshi wakalinga kuboneka anga ngumulilo. Kuswa mubukome bwakwe kuya peculu, ndakabona cakalinga kuboneka anga nceela casalala kukulungula mumulilo.

Danyelo 10:18

Mpeeke munjelo uyo wakancata alimwi, lyalo nkusu shangu shakaboolaamo.

Danyelo 7:14

Mpeeke wakapekwa nkusu, bulemu abwaami kwaamba ayi bamumishobo yoonse, bashikanda shipusenepusene abamumilaka yoonse ayi bamulambile. Bulelo bwakwe teshi bukamaneewo alimwi Bwaami bwakwe teshi bukanyonyoolweewo.

Sekaliya 6:13

Lakwe ngowooyo weshi akeeyakulule akutambula bulemu ubo bweelete kupekwa mwaami alimwi ulaakulela bantu bakwe. Mupailishi ulaakunokwiimikana pafwaafwi acuuna cakwe ca bwaami. Bantu aba bobilo balaakunoosebensela pantu pomwi muluumuno alimwi akunyumfwana.

Mateyo 25:13

Lyalo Jesu wakabaambila ayi, “Paceebo ceeco, kamulibambitebo lyoonse mukwiinga tamubwishi bushiku nabi ciindi MwanaaMuntu ndyeshi akese.

Mateyo 28:18

Lyalo Jesu wakasena pafwaafwi akubaambila ayi, “Ndapeekwa nkusu shoonse kwiculu alimwi apacishi ca panshi.

Bene Ebulu 1:8

Sombi kwalo kuMwanaakwe, Lesa wakaamba ayi, “OLesa, cuuna ca bwaami bwako cilaakunoolikobo lyoonse, alimwi mubweendeleshi bwako muli bululami.

Bene Ebulu 12:2

Atushinkamanebo muli Jesu ceebo lakwe ngomatalikilo alushomo lwesu alimwi ngoolengesha ayi lube lwancinencine. Taakwe kuleka mulimo wakwe ceebo ca lufu lwa pamucilingano, sombi mukwiinga wakusangalala kwakalinga kunembo, taakwe kunyumfwa nsoni ceebo ca lufu lwa mbuli loolu alimwi bulya ulishiite kululyo lwa cuuna ca bwaami cakwe Lesa.

Bene Ebulu 8:1

Makani eene eene ngakwaamba ayi tulicite Mupailishi Munene wa mbuli wooyu, uyo ushiite kululyo lwa cuuna ca bwaami cakwe Lesa Wiindaawo kwiculu.

Joshuwa 5:13

Ono Joshuwa ndyaakalinga pafwaafwi andabala ya Jeliko, wakabona muntu kunembo lyakwe kaacite mupeeni mulyaansa. Joshuwa wakaya kuli nguwe akumwiipusha ayi, “Sa uli kulubasu lwesu nabi kulubasu lwa balwani besu?”

1 Pita 3:22

Jesu Klistu wakaya kwiculu alimwi uli kululyo lwakwe Lesa. Uko utokweendelesha baanjelo, beendeleshi alimwi abeshinkusu.

Ciyubululo 1:13

Ono pakati ka nshisho, pakalinga kuboneka anga pali muntu, ufwete cisani cakalinga kushika kumyeendo alimwi alaamba wa golodi pacaamba.

Ciyubululo 14:14

Mpomunyaawo ndakalangilisha akubona likumbi lituba, kapashiite wakalinga kuboneka anga nguMwanaaMuntu. Kumutwi wakalinga kufwete mushini wa golodi, kaacite acicekeshi cikolete kulyaansa.

Ciyubululo 20:11

Mpomunyaawo ndakabona cuuna ca bwaami cituba cinene alimwi awooyo wakalinga kushiiteewo. Cishi ca panshi alimwi aliculu shakacica kuswa kuli nguwe. Mpeeke tashikwe kubonekaawo alimwi.

Ciyubululo 3:21

Uyo eshi akakome ndaakumusuminisha alakwe kwikala pacuuna cangu ca bwaami, bweenka mbondakakoma akwikala lubamba abaTa pacuuna cabo ca bwaami.’

Ciyubululo 5:13

Lyalo ndakanyumfwa shilengwa shoonse sha mwiculu, mucishi ca panshi, panshi lya cishi alimwi amulweenge, shoonse shiliimo shakalinga kwiimba ayi, “Uyo ushiite pacuuna ca bwaami alimwi aMwanaambelele, balumbaishikwe akupekwa bulemu ankusu kwamuyayaya!”