Esekelo 1:13 - Baibo Busansulushi Bwa Libuku Ili

¹³ Shilengwa isho shakalinga kubonekabo anga ngamakalangasha a mulilo atoonyaka nabi cimunimwenge. Mulilo wakalinga kweenda kuya kunembo akuboola kwisule pashilengwa isho. Kwakalinga kutuba alimwi kuswa mumulilo uyo mwakalinga kuswa mabeebe.

Esekelo 1:13 Marejeleo ya Msalaba

Matalikilo 15:17

Lisuba ndilyakapila, lyalo pashiya, mupika wa mulilo wakalinga kusunta, acimunimweenge ca mulilo cakalinga kunyaka shakaboneka cakufwambaana akwiinda pakati ka mindando ya shipimpita sha banyama.

Kulumbaisha 104:4

Mulasebensesha muuwo anga mbeshinkombe banu, mulilo ubilima anga mbobasebenshi banu.

Esekelo 1:7

Myeendo ya nshisho yakalinga koololokete. Shoondo sha nshisho shakalinga kuboneka anga nsha moombe alimwi shakalinga kubembela anga ngubulonse wafulwa.

Esekelo 10:2

Mpomunyaawo Mwaami Lesa wakaambila muntu uyo wakalinga kufwete shakufwala sha nsalu iteshimite ayi, “Koya unjile pakati ka mawilo munshaabakelebu. Bwesa makalangasha a mulilo pakati ka bakelebu akwaasansaanya mundabala.” Lyalo wakenjila kaamubwene.

Danyelo 7:9

“Kaanceebela shuuna sha bwaami shakabambwa, lyalo Lesa walyoonse alyoonse wakekala pacuuna comwi. Shakufwala shakwe shakalinga kutuba anga ncaandwa. Misusu yakwe yakalinga kutuba anga mbutonge. Cuuna cakwe ca bwaami cakalinga kubilimabo mulilo aalo mawilo a ncico akalinga kunyaka.

Mateyo 28:3

Wakalinga kuboneka anga nkubeka kwa mfula, ashalo shakufwala shakwe shakalinga kutubabo tuu.

2 Bene Tesalonika 1:7

alimwi ulaakulengesha mapensho anu amapensho esu kumana. Lesa ulaakucita boobo na Mwaami Jesu akaboneke kaaswa kwiculu abaanjelo bakwe bacite nkusu shiinji.

Ciyubululo 10:1

Kuswawaawo, ndakabona aumwi munjelo shinkusu kaaswa kwiculu. Wakalinga kupilite mulikumbi, kumutwi wakwe kwakalinga kushingulukite nkongolo. Ciwa cakwe cakalinga kubala anga ndisuba alimwi myeendo yakwe yakalinga anga njimyaalamyaala ya mulilo.

Ciyubululo 18:1

Kuswawaawo ndakabona munjelo umwi kaaswa kwiculu. Wakalinga kucite nkusu shiinji alimwi cishi coonse ca panshi cakabekabeka ceebo ca mumuni wakubala kwakwe.

Ciyubululo 4:5

Mucuuna momunya umo mwakalinga kuboneka kubeka kwa mfula, kunyumfwika ciyobeyobe alimwi acilulumo. Kunembo lya cuuna kwakalinga kunyaka shimunimweenge shili shosanwe ashobilo. Isho njemishimu ili yosanwe ayobilo yakwe Lesa.