Dutolonomi 9:22 - Baibo Busansulushi Bwa Libuku Ili

²² “Mwebo, Mwaami Lesa, Lesa wanu mwakamukalasha alimwi ndimwakalinga kuTabela, kuMasa alimwi akuKibuloti Ataafa.

Dutolonomi 9:22 Marejeleo ya Msalaba

Kulumbaisha 78:17

Sombi bakatolelela kubishisha Lesa, muluyanga bakabukila Lesa wa kwiculu Wiindaawo.

Kulonga 17:2

Paceebo ceeci bene Isilaeli bakatongookela Mose akwaamba ayi, “Tupe maanshi akunwa.” Mose wakabakumbula ayi, “Ino mutootongookelanshi? Mutokweelesheshanshi Mwaami Lesa?”

Kulonga 17:7

Mpeeke musena uyu bakootumba ayi Masa alimwi ayi Meliba, mukwiinga bene Isilaeli bakatongooka alimwi akweelesha Mwaami Lesa ndibakaamba ayi, “Sa Mwaami Lesa ncakwiila uli aswebo nabi tau?”

Shakubelenga 11:34

Mpeeke musena uyo bakootumba ayi Kibuloti Ataafa, nkokwaamba ayi, “Shuumbwe shalunkosha” mukwiinga mpopaapo mpobakafukila beshinkosha.

Shakubelenga 16:46

Mpomunyaawo Mose wakaambila Aloni ayi, “Bwesa cikaye cako cakubikawo mulilo akubikawo makalangasha a pacipaililo. Kuswawaawo ubike tununkila kabotu pakutenta pamakalangasha ayo, akufwambaana kuya mukucita shiyandika pakusalasha bantu abo kweelana amulawo ceebo bukali bwa Mwaami Lesa bwatalika kale. Mwaalu awalo watalika!”

Dutolonomi 33:8

Kumukowa wakwe Lefi wakaamba ayi, “Mwebo noBaami baLesa, amuyubulule kuyanda kwanu kwiinda muli Ulimu aTumimu, kwiinda mubene Lefi basebenshi banu bashomeka. Ncakwiila mwakabasunka kuMasa, akubona ayi balashomeka kumaanshi a kuMeliba.