Dutolonomi 8:16 - Baibo Busansulushi Bwa Libuku Ili

¹⁶ Muluyanga wakamupa mana kwaamba ayi mulye, cakulya citana kulyaawo bamashali banu bakulukulu. Wakatuma makatasho pali ndimwe ayi amweeleshe, kwaamba ayi kumeelelesho akamuboteshele shintu shoonse.

Dutolonomi 8:16 Marejeleo ya Msalaba

Matalikilo 22:1

Mukuya kwanshiku Lesa wakeelesha lushomo lwakwe Abulaamu. Wakamwiita ayi, “Abulaamu!” Alakwe wakakumbula ayi, “Nkambo!”

2 Makani 32:31

Beshikwiimikanina bamaami ba bene Babiloni ndibakesa mukwiipusha shacitondesho ca nkusu sha kwiculu ico cakacitika mucishi, Lesa wakamulekabo ayi acite mbwaasuni kwaamba ayi abone na inga watolelela kushomeka.

Jobo 42:12

Mwaami Lesa wakapa Jobo coolwe cinene abuumbi munshiku shakwe shakweelaako kwiinda munshiku shitaanshi sha buumi bwakwe. Wakaba ambelele shili 14,000, ngamela shili 6,000, basune bali 2,000 alimwi ambongolo shili 1,000.

Kulumbaisha 119:68

Mwebo muli babotu anshemucita nshibotu, amunjiishe milasho yanu.

Kulonga 15:25

Lakwe Mose wakapaila abuumbi kuMwaami Lesa, mpeeke Mwaami Lesa wakamubonesha kasamu, lyalo Mose wakakawaala mumaanshi mpomunyaawo maanshi akaba kabotu. Apo Mwaami Lesa wakabapa mulawo amulasho alimwi apo peenka wakabeelesha.

Kulonga 16:15

Bene Isilaeli ndibakatubona, tabakwe kutwishiba, aboobo bakatalika kwiipushanya ayi, “Anu utu ntuunshi?” Mose wakabalwiita ayi, “Uyu ngoshinkwa Mwaami Lesa ngwaamupa.

Kulonga 16:31

Mpeeke bene Isilaeli bakalinga kwiita shakulya ishi ayi mana. Shakalinga kuboneka anga ninseke shiniini shituba. Ono pakulya shakalinga kunyumfwika anga ncimaande cakapangwa abuuci.

Kulonga 16:4

Mpeeke Mwaami Lesa wakaambila Mose ayi, “Ono ntoomuloshesha shakulya kuswa kwiculu ayi noonse mukwane. Bantu boonse balyeelete kuya mukubwesa shakulya lyoonse isho nsheenga bakumana pabushiku ubo. Munshila yeeyi, inga ndabeelesha akwishiba na inga bakonkela milasho yangu.

Kulonga 20:20

Mose wakabakumbula ayi, “Mutaloondi, mukwiinga Lesa wesabo mukumweelesha akulengesha ayi mutolelele kumunyumfwila kwaamba ayi mutakabishi.”

Tushimpi 17:3

Silifa uleeleshelwa munongo inene pamulilo, mumunyumbi muleeleshelwa golodi, sombi moyo wa muntu uleeleshekwa aMwaami Lesa.

Danyelo 11:35

Bamwi pakati ka basongo balaakupenga, kwaamba ayi baboteshekwe cakumaninina akulengeshekwa kubula kampenda kushikila kumeelelesho, ee, kuciindi ico cakabamba mwaami Lesa.

Bene Loma 8:28

Tulishi kwaamba ayi Lesa shintu shoonse ulasheensha kabotu kubaabo bamusuni, nkokwaamba ayi abo bantu mbwaakeeta kweelana akubamba kwakwe.

2 Bene Kolinto 4:17

Aya mapensho oobu ngotutoobona teshi a ciindi cilaamfu, sombi alaakutuletela bulemu bwiindaawo abuumbi alimwi butamaani ubo buteelanishikwi amapensho oonse

Dutolonomi 13:3

mutakamunyumfwili napaceyi. Mulyeelete kwishiba ayi Mwaami Lesa, Lesa wanu utoosebensesha muntu uyo kwaamba ayi amweeleshe akubona na ncakwiila mulimusuni amyoyo yanu yoonse alimwi abuumi bwanu boonse.

Dutolonomi 8:2

Amwiibaluke mwaami Lesa, Lesa wanu mbwaakamutanjilila mulweendo loonse lwa muluyanga lwa myaaka makumi one iyo yeenda. Wakalinga kumutumina makatasho mukumweelesha kwaamba ayi abone mpomwiimfwi alimwi na inga mwacikonsha kukonkela milawo yakwe.

Dutolonomi 8:3

Wakamukolesha nsala sombi wakamupa mana, cakulya ico mwebo abamashali banu bakulukulu ncemutana kulyaawo kale. Ici wakacicita kwaamba ayi amwiishe ayi cakulya ceenka teshi nceenga capa buumi muntu sombi amaswi oonse Mwaami Lesa ngaamba.

Jemusi 1:12

Ulicite coolwe uyo utolelela kushoma na weeleshekwa mukwiinga na wakoma masunko, ulaakutambula mushini wa buumi butamaani uyo Lesa ngwaakashomesha baabo bamusuni.

1 Pita 1:7

kwaamba ayi lushomo ndomucite lweeleshekwe akuboneka ayi ndwaalushinisho. Mukwiinga bweenka golodi, ukonsha kunyonyoolwa, mboweeleshekwa mumulilo alushomo ndomucite, ulo lwiinda pagolodi, mbolucitwa mumasunko. Lyalo Lesa ulaakumulumbaisha akumupa bulemu pabushiku Jesu Klistu aakuyubululwa.