Dutolonomi 8:15 - Baibo Busansulushi Bwa Libuku Ili

¹⁵ Wakamutanjilila muluyanga lunene alimwi luyoosha lulya, muli nsoka shicite buyoka bucaya alimwi antalaŋongo. Mulya taamu maanshi, sombi wakalengesha maanshi kukunka kuswa mulibwe ceebo ca ndimwe.

Dutolonomi 8:15 Marejeleo ya Msalaba

Kulumbaisha 105:41

Wakacalula mwaandami, lyalo maanshi akaswa. Akakunka anga ngumulonga kuya muluyanga.

Kulumbaisha 114:8

Wakasandula myaandami kuba tushiba twa maanshi. Wakalinga mwaandami uyumu nta ngwaakasandula kuba tuntupu twa maanshi.

Kulumbaisha 136:16

Wakatanjilila bantu bakwe muluyanga, ee, mukwiinga lusuno lwakwe ndwamuyayaya.

Isaya 30:6

Ono maswi aamba pabanyama ba kuNegefu ngaaya: “Beshikwiimikanina baleenda mucishi ciyoosha, umo muli nkalamu, mpili ansooka shimwi shuuluka. Balanyamuna shintu shabo shamakwebo pambongolo. Balalundika maboni abo pamisana ya ngamela kutolela mushobo utakoonshi kubacafwa.

Isaya 35:7

Museese ulungula ulaakwaaluka mashiba a maanshi. Cishi cifwite nyotwa ya maanshi cilaakuba tuntupu tubila maanshi. Mumisena umo mwakalinga kwikalaawo bamwaaba, mulaakumena bwiisu alimwi amatete.

Isaya 43:19

Amubone, ntoocita cintu cipya! Cintu ico citoocitika kale alimwi mulicibwene. Ntoopanga nshila muluyanga alimwi ntoobikaamo atulonga.

Jelemiya 2:6

Tabakwe kwiipushawo ayi, ‘Ino uli kuli Mwaami Lesa uyo wakatukusha muIjipiti akutwiinsha mucishi citacite ashimenaamo. Ncakwiila ncishi camayanga ashicengo sha mabwe ee, cishi ciyumu nta alimwi camunshinshe, muteendi nabi kwikala bantu.’

Osiya 13:5

Ndakamulama kabotu muluyanga, ee, mulya mucishi muli lumwi luyoosha.

Shakubelenga 20:11

Kuswawaawo Mose wakatambika nkoli mwiculu akuuma mumwaandami mankanda obilo. Mpeeke maanshi aanji abuumbi akakunka kuswa mumo, alimwi bantu boonse bakanwa pantu pomwi ashifubwa shabo.

Shakubelenga 21:6

Lyalo Mwaami Lesa wakabatumina nsoka shikali, alimwi bene Isilaeli baanji bakalumwa akufwa.

1 Bene Kolinto 10:4

akunwa cakunwa comwi ca mushimu ceebo bakalinga kunwa maanshi akalinga kuswa mumwaandami wa mushimu ngobakalinga kweendaawo. Mwaandami uyo wakalinga nguKlistu.

Dutolonomi 1:19

“Twakacita ico Mwaami Lesa, Lesa wesu ncaakatwaambila. Twakaswaawo paKalundu ka Sinayi akwiinda muluyanga lunene, luyoosha ndumwakabona nobeene kuya kucishi ca tulundu ca bene Amoli. Nditwakashika kuKadeshi Baniya,

Dutolonomi 32:13

“Ngowakalengesha ayi beendeleshe cishi coonse ca tulundu akubapa shakulya sha muluundu. Wakabapa buuci kuswa mumabwe, shisamu sha maolifi shakakomena mubulongo bwa mabwe.