Dutolonomi 6:13 - Baibo Busansulushi Bwa Libuku Ili

¹³ Mukanoolemeka Mwaami Lesa, Lesa wanu. Mukanoolambilabo nguwe eenka akunooshomesha shintu cakulumbila muliina lyakwe.

Dutolonomi 6:13 Marejeleo ya Msalaba

Matalikilo 24:3

Ndisuni kwaamba ayi ushomeshe cakulumbila muliina lya Mwaami Lesa, Lesa wa kwiculu acishi ca panshi ayi teshi ukeebele mwanaangu pabanakashi ba momuno muKenani.

2 Baami 17:36

Kamunyumfwila ndime neMwaami Lesa, nendakamukusha muIjipiti ankusu shiinji abulemu. Mulyeelete kumfukamina akubenga milambu yanu kuli ndime.

Kulumbaisha 15:4

Ngooyo unyansha muntu uyo Lesa ngwaakaka, sombi ulemeka baabo banyumfwila Mwaami Lesa. Muntu uyo ucita nshaakashomesha cakulumbila, nakubi kwaamba ayi lakwe mwiine cilamucisa.

Kulumbaisha 63:11

Lakwe mwaami ulaakusangalala muli Lesa. Abalo abo bashomesha cakulumbila muliina lyakwe balaakumulumbaisha. Sombi milomo ya bantu babeshi ilaakucalwa.

Kulonga 20:7

“Utasebenseshi liina lyangu mushintu shitaluleme, mukwiinga nebo neMwaami Lesa, Lesa wanu ndaakupa mulandu muntu woonse weshi akabule kusebensesha kabotu liina lyangu.

Kulonga 23:25

Na munoonambila neMwaami Lesa, Lesa wanu, ndaakumupa coolwe ca shakulya aca maanshi alimwi ndaakukusha malwashi oonse pali ndimwe.

Isaya 45:23

Ndashomesha cakulumbila muliina lyangu nemwiine. Mulomo wangu waamba cakushinisha, kwaamba maswi eshi akabule kusandulwaawo akwaamba ayi, ‘Linungo lya muntu woonse lilaakufukama kunembo lyangu alimwi mulomo wa muntu womwi awomwi ulaakunoolumbila muliina lyangu.’

Isaya 48:1

Amukutike makani aya mwebo nobamulunyungu lwakwe Jakobo. Amukutike mwebo nomwaambwa ayi bene Isilaeli, mwebo nobamulunyungu lwakwe Juda, ee, mwebo nomusebensesha liina lya Mwaami Lesa pakushomesha cakulumbila. Amukutike mwebo nomupaila muliina lyakwe Lesa wa bene Isilaeli, sombi kuteshi mulushinisho nabi mukululama.

Isaya 65:16

Lyalo woonse weshi akasenge coolwe mucishi ico, ulaakucita boobo muliina lyangu, nebo neLesa utabeci. Alakwe uyo weshi akashomeshe cakulumbila mucishi ico, ulaakulumbila muliina lyangu, nebo neLesa utabeci. Ceebo mapensho oonse akulukulu alaakulubwa alimwi teshi akabonekeewo tubili mumeenso angu.”

Jelemiya 12:16

Na bakeshibe kabotu nshila sha bantu bangu akushomesha cakulumbila muliina lyangu ayi, ‘Bweenka mbocibete lushinisho ayi Mwaami Lesa ngumuumi,’ ee, bweenka mbobakalinga beeisha bantu bangu kushomesha cakulumbila muliina lyakwe Baali, ingayi balaakwikala pantu pomwi abantu bangu.

Jelemiya 4:2

na kamulumbila cakushomeka, cabululami ee, cakubula kampenda ayi, ‘Bweenka mbocibete lushinisho ayi Mwaami Lesa ngumuumi,’ mishobo yoonse ilaakupekwa coolwe kuswa kuli ndime neMwaami Lesa. Ncakwiila boonse balaakunoosangalalila muli ndime.”

Jelemiya 5:2

“Nabi balaamba ayi, ‘Bweenka mbocibete lushinisho ayi Mwaami Lesa ngumuumi,’ sombi bacilumbilabo shabubeshi.”

Jelemiya 5:7

Ono Mwaami Lesa weepusha ayi, “Ino inga ndalekelela buyani shibiibi shanu? Bana banu bakansuula akutalika kulambila balesa bateshi bancinencine. Ndakalinga kubapa shoonse nshebakalinga kusuni, sombi bakatolelela kucita bufuule akusowa ciindi cabo mumaanda a bafuule.

Bene Lefi 19:12

Mutanoolumbila muliina lyangu na ulishi ayi teshi ukacite cintu ico, ceebo na wacita boobo, nkucobola liina lyangu. Nebo ndime Mwaami Lesa wanu.

Mateyo 4:10

Lyalo Jesu wakamwaambila ayi, “Swaawo apa Satana! Ceebo kulilembetwe ayi, ‘Ulyeelete kulambila Mwaami Lesa, Lesa wako alimwi akusebenselabo nguwe.’ ”

Mateyo 5:33

“Mwakanyumfwa alimwi mbobakaambilwa bakulukulu ayi, ‘Utalumbili cakubeca, sombi ucite kweelana ambowalumbila kuMwaami Lesa, Lesa wako.’

Luka 4:8

Sombi Jesu wakamukumbula ayi, “Cililembetwe muMalembo akwe Lesa ayi, ‘Ulyeelete kulambila Mwaami Lesa wako alimwi akusebenselabo nguwe.’ ”

Dutolonomi 10:12

“Ono nobene Isilaeli, amukutike Mwaami Lesa ncaasuni ayi mwebo mucite. Ulisuni ayi munoomulemeka akucita shoonse nshaamba. Mumusuune, mumusebensele amyoyo yanu yoonse

Dutolonomi 10:20

Kamunyumfwila Mwaami Lesa, Lesa wanu alimwi kamulambilabo nguwe eenka. Kamushomeka akushomesha cakulumbila muliina lyakwebo.

Dutolonomi 13:4

Amukonkele Mwaami Lesa, Lesa wanu eenka akumulemeka, mumunyumfwile akulama milawo yakwe. Kamumulambila akushomeka kuli nguwe.

Dutolonomi 13:5

Sombi mukacaye shikusansulula shiloto amulaluki uli woonse weenga wamulwiita ayi mwaashukile Mwaami Lesa, Lesa wanu uyo wakamukusha mucishi ca Ijipiti umo momwakalinga basha. Munshila iyo walinga kusuni kumukusha kubuumi ubo bwakamulwiita Mwaami Lesa ayi mwikale. Ncakwiila ulyeelete kucaikwa kwaamba ayi mukushe bubi ubu pakati kanu.

Dutolonomi 5:11

“ ‘Utasebenseshi liina lyangu mushintu shitaluleme, mukwiinga nebo neMwaami Lesa, Lesa wanu ndaakupa mulandu muntu woonse weshi akabule kusebensesha kabotu liina lyangu.

Dutolonomi 5:29

Na lyoonse banooyeeya bobulya alimwi kabandemeka akukonkela milawo yangu yoonse, shintu shoonse inga kashibeendela kabotu pantu pomwi abamulunyungu lwabo, lyoonse alyoonse.

Dutolonomi 6:2

Kulilabo kamucili boomi mwebo abamulunyungu lwanu mulyeelete kulemeka Mwaami Lesa, Lesa wanu akukonkela milasho amilawo yakwe yoonse njeentoomupa, kwaamba ayi mukekaale mucishi ico kwa ciindi cilaamfu.

Joshuwa 2:12

Pacecino ciindi, ndamusenga ayi mushomeshe cakulumbila muliina lya Mwaami Lesa ayi mulaakunyumfwila nkumbu bamakwesu bweenka mbondamucitila, alimwi mumpe cishibilo cakwaamba ayi

Joshuwa 23:7

kwaamba ayi mutakonkeli shicita mishobo imwi iyo njemucili ayo. Tamweelete kwaamba meena a balesa babo, kwaasebensesha pakushomesha cakulumbila, kubalambila nabi kubafukamina.

Joshuwa 24:14

Lyalo Joshuwa wakatolelela ayi, “Anu ono kamulemeka Mwaami Lesa akumusebensela cakushomeka munshila shoonse. Amusowe balesa bakalinga kulambila bamashali banu bakulukulu muMesopotamya amuIjipiti. Lyalo musebenselebo Mwaami Lesa.

1 Samwelo 20:3

Sombi Defedi wakaamba ayi, “Baiso balishi kwaamba ayi webo ulanyumfwana bumbi anebo. Aboobo bayeeya kutakushibisha muyeeyo ngobacite mukwiinga balishi ayi inga cakupa buumba. Ono ntooshomesha cakulumbila ayi, ‘Bweenka mbocibete lushinisho ayi Lesa ngumuumi anebo lufu lulibo muliimfwa.’ ”

1 Samwelo 7:3

Mpeeke Samwelo wakaambila bantu ayi, “Na musandukile kuMwaami Lesa amyoyo yoonse, mutoosowa balesa beensu ashikoshanyo shakwe Ashitaloti lesa mwanakashi. Amulyaabe cakumaninina kuMwaami Lesa akulambilabo nguwe eenka. Lyalo ulaakumufuna kuswa munkusu sha bene Filisiti.”