Dutolonomi 5:33 - Baibo Busansulushi Bwa Libuku Ili

³³ Mukeekonkele yoonse kwaamba ayi shintu shinoomweendela kabotu, alimwi kwaamba ayi mutolelele kunooli boomi mucishi ico ncemutooya mukubwesa.

Dutolonomi 5:33 Marejeleo ya Msalaba

1 Baami 3:14

Ono na awebo unoonyumfwila akukonkela kwiisha kwangu amilawo bweenka bwakalinga kucita iso Defedi, ndaakukupa buumi bulaamfu.”

2 Baami 17:37

Mulyeelete kukonkela milasho amilawo lyoonse iyo njendakamulembela. Mutanoolambila balesa bamwi.

1 Makani 28:8

“Ono bulya nobantu ba Mwaami Lesa, pameenso akwe Lesa wesu alikoto lyanu ili nobene Isilaeli, ntoomukonkomesha ayi munookonkela milasho yoonse iyo Mwaami Lesa, Lesa wesu njaakatupa kwaamba ayi cishi ici cibotu cikatolelele kunooli caanu alimwi mukacishiile abamulunyungu lwanu ayi ncabo kwalyoonse alyoonse.”

Kulumbaisha 119:6

Na mbike maano kumilawo yanu yoonse, ingayi teshi nkalenshekwe nsoni.

Kulumbaisha 37:11

Sombi balibombya balaakwikala mucishi cakashomeshekwa, kwikala cakusangalala muluumuno akuswitilila.

Kulumbaisha 37:22

Ceebo abo bapetwe coolwe kuMwaami Lesa balaakupekwa cishi. Sombi abo Mwaami Lesa mbwaakashingana balaakutandwaamo.

Kulumbaisha 37:29

Baluleme balaakubwesa cishi ayi ncabo. Balaakunookalaamo kwamuyayaya.

Kulumbaisha 37:34

Amube alulangilo muMwaami Lesa akukonkela milawo yakwe. Ulaakumusumpula kwiinda mukumupa cishi. Balo bamucita shibi mulaakubabona kabatandwaamo.

Kulumbaisha 37:9

Ceebo bamucita shibi balaakunyonyoolwa. Sombi abo balangila lucafwo kuswa kuMwaami Lesa balaakubwesa cishi.

Kulonga 20:12

“Lemeka baiso abanyoko kwaamba ayi ukekale nshiku shiinji mucishi ico nebo neMwaami Lesa nceshi nkakupe.

Tushimpi 3:1

Omwanaangu utanoolubaako nsheenkwiisha. Kolama milawo yangu mumoyo wako.

Jelemiya 42:6

Tacicite mulandu na ngamakani asangalasha nabi atasangalashi. Swebo tulaakunyumfwila Mwaami Lesa, Lesa wesu uyo ngotwamutumaako ayi mutupailileeko. Ceebo shintu shoonse shilaakutweendela kabotu na tukanyumfwile Mwaami Lesa, Lesa wesu.”

Jelemiya 7:23

Sombi ndakabapa amulawo wakwaamba ayi kabanyumfwila ingaawo nkabe Lesa wabo abalo bakabe bantu bangu. Beende munshila shangu isho nshendakaambila kwaamba ayi shintu shinoobeendela kabotu.

Esekelo 20:19

Nebo ndime Mwaami Lesa, Lesa wanu, amukonkele milasho yangu alimwi akubona kwaamba ayi mutoolama kabotu milawo yangu.

Luka 1:6

Boonse bobilo bakalinga bantu baluleme pameenso akwe Lesa, abo bakalinga kukonkela Milawo asheesho shoonse Lesa nshaakalinga kuyanda ayi bacite.

Bene Loma 2:7

Abo batolelela kucita shiluleme, kuyandoola bulemu kuli Lesa, shoolwe alimwi abuumi butamaani, Lesa ulaakubapa buumi ubo.

Bene Efeso 6:3

Kushomesha uku nkwakwaamba ayi, “Na mwacita boobo, mulaakuba acoolwe mushintu shoonse alimwi akwikala myaaka iinji mucishi.”

Dutolonomi 10:12

“Ono nobene Isilaeli, amukutike Mwaami Lesa ncaasuni ayi mwebo mucite. Ulisuni ayi munoomulemeka akucita shoonse nshaamba. Mumusuune, mumusebensele amyoyo yanu yoonse

Dutolonomi 11:9

Mulaakwikala ciindi cilaamfu mucishi muli bubile abulongo bubotu ico Mwaami Lesa ncaakashomesha kupa bamashali banu bakulukulu abamulunyungu lwabo.

Dutolonomi 12:25

Na mukanookonkela mulawo uyu, Mwaami Lesa ulaakukondwa alimwi shintu shoonse shilaakunoomweendela kabotu pantu pomwi abamulunyungu lwanu.

Dutolonomi 12:28

Anu shoonse nshendamulwiita mulyeelete kushikonkela amyoyo yanu yoonse, mpeeke shintu shoonse shilaakunoomweendela kabotu pantu pomwi abamulunyungu lwanu lyoonse alyoonse, mukwiinga mulaakunoocita ciluleme alimwi cikondelesha Mwaami Lesa, Lesa wanu.

Dutolonomi 22:7

Twaana twalo inga watubwesa, sombi kuteelesha kubwesa nyina kwaamba ayi shintu shinookweendela kabotu akwikala nshiku shiinji.

Dutolonomi 29:8

Twakabwesa cishi cabo akwaabanya mukowa wa bene Lubeni wakwe Gadi alimwi amusa wa mukowa wakwe Manase.

Dutolonomi 30:16

Ceebo ndamulwiita ayi musune Mwaami Lesa, Lesa wanu, kweenda munshila shakwe akukonkela milawo, milasho yakwe alimwi akwiisha kwakwe kumwi koonse. Na mukacite boobo, Mwaami Lesa, Lesa wanu ulaakumufusha akumupa coolwe mucishi ico ncemutooya mukubwesa akwikalaamo.

Dutolonomi 4:1

Lyalo Mose wakaambila bantu ayi, “Kamukonkela milawo yoonse iyo njentoomwiisha, mulaakuba abuumi alimwi mulaakwikala mucishi ico ncaatoomupa Mwaami Lesa, Lesa wa bamashali banu bakulukulu.

Dutolonomi 4:40

Amukonkele milawo yoonse njendamupa sunu. Lyalo shintu shoonse shilaakumweendela kabotu kushikila akubamulunyungu lwanu. Alimwi mulaakutolelela kwikala mucishi ico Mwaami Lesa, Lesa wanu ncatoomupa ayi cibe caanu muyayaya.”

Dutolonomi 5:16

“ ‘Lemeka baiso abanyoko kweelana ambondakaamba nebo neMwaami Lesa, Lesa wanu ayi shintu shoonse shikakweendele kabotu alimwi ayi ukekale nshiku shiinji mucishi ico nebo neMwaami Lesa nceshi nkakupe.

Dutolonomi 5:29

Na lyoonse banooyeeya bobulya alimwi kabandemeka akukonkela milawo yangu yoonse, shintu shoonse inga kashibeendela kabotu pantu pomwi abamulunyungu lwabo, lyoonse alyoonse.

Dutolonomi 6:1

“Iyi njemilawo amilasho iyo Mwaami Lesa, Lesa wanu njaakandwiita ayi mwiishe. Mukanooikonkela mucishi ico ncemuli pafwaafwi kwinjila akubwesa.

Dutolonomi 6:3

Nobene Isilaeli, amwiikutike alimwi munooikonkela! Lyalo shintu shoonse shinanoomweendela kabotu alimwi mulaakuba mushobo unene akwikala mucishi ca bulongo bubotu, bweenka bwakashomesha Mwaami Lesa, Lesa wa bamashali banu bakulukulu.

Dutolonomi 8:1

“Amukonkele cakushomeka milawo yoonse njendamupa sunu kwaamba ayi munooli boomi, mufule alimwi mukabwese cishi ico Mwaami Lesa ncaakashomesha kubamashali banu bakulukulu.

1 Timoti 4:8

Kwiisha mubili kuyuma kulacafwa paniini, sombi kwiisha kwikala kweelana akuyanda kwakwe Lesa kulacafwa munshila shoonse, ceebo kulalengesha kuba abuumi bubotu bulya alimwi aciindi citoosa.