Dutolonomi 5:29 - Baibo Busansulushi Bwa Libuku Ili

²⁹ Na lyoonse banooyeeya bobulya alimwi kabandemeka akukonkela milawo yangu yoonse, shintu shoonse inga kashibeendela kabotu pantu pomwi abamulunyungu lwabo, lyoonse alyoonse.

Dutolonomi 5:29 Marejeleo ya Msalaba

1 Makani 29:18

Ono noBaami baLesa, baLesa bakwe Abulaamu, Isaki alimwi aJakobo bamashali besu bakulukulu, lyoonse amulame kuyandishisha kuli mumyoyo yabo uku akulengesha ayi batolelele kushomeka kuli ndimwe.

Kulumbaisha 106:3

Balicite coolwe bakonkela milawo ya Mwaami Lesa, abo bacita shiluleme lyoonse.

Kulumbaisha 19:11

Kulancenjesha nemusebenshi wanu. Ndatambula cilambu cinene kwiinda mukukukonkela.

Kulumbaisha 19:12

Taaku ukonsha kubona shilubo shakwe shoonse. Anu amundekelele nkambo kushibiibi shitaboneki.

Kulumbaisha 78:7

Aboobo balaakucinka manungo muli Lesa, alimwi teshi bakalubeeko milimo yakwe, sombi balaakukonkela milawo yakwe.

Kulumbaisha 81:16

Sombi mwebo inga ndamulisha shinkwa ubotu abuumbi. Ee, inga ndamulisha buuci buswa mumwaandami kushikila mukakute.”

Isaya 3:10

Amulwiite baluleme ayi balo shintu shilaakunoobeendela kabotu. Ceebo balaakusangalala mumilimo ya maansaabo beene.

Isaya 48:18

“Nebakanyumfwila akukonkela milawo yangu, naakwiinga luumuno lulakunkabo anga ngamaanshi mukalonga. Ncakwiila bululami nibwalinga kusefooka anga ngamaaba a mulweenge mbwaacita muloombe.

Jelemiya 42:6

Tacicite mulandu na ngamakani asangalasha nabi atasangalashi. Swebo tulaakunyumfwila Mwaami Lesa, Lesa wesu uyo ngotwamutumaako ayi mutupailileeko. Ceebo shintu shoonse shilaakutweendela kabotu na tukanyumfwile Mwaami Lesa, Lesa wesu.”

Jelemiya 44:4

Mankanda aanji ndakalinga kutuma basebenshi bangu balaluki mukubaambila ayi, ‘Mutanoocita shintu ishi shilensha bunya isho nshempatite!’

Mateyo 23:37

“Webo Jelusalemu, Jelusalemu, noocaya balaluki akuuma mabwe bantu abo Lesa mbwaatuma kuli ndiwe! Liinji liinji ndalinga kusuni kubunganya bantu bako bweenka mbuli nkuku mboifukatila twaana twanjiyo mumapapaminwa, sombi webo wakakaka!

Luka 11:28

Sombi Jesu wakakumbula ayi, “Ee, sombi bacite coolwe cinene mbaabo banyumfwa maswi akwe Lesa akucita mbwaamba!”

Luka 19:42

Wakaamba ayi, “Awebo naakwiinga kooshi sheesho shintu sheenga shakuletela luumuno. Sombi mukubula coolwe shakashisikwa kuli ndiwe.

Joni 15:14

Na kamukonkela kwiisha kwangu, nkokwaamba ayi muli babyaanji.

2 Bene Kolinto 5:20

Mbulya ono, tutokwiimikanina Klistu. Nceceeco Lesa utoosengesha bantu boonse kwiinda muli ndiswe. Aboobo twamusenga muliina lyakwe Jesu kwaamba ayi mube beshicibusa bakwe Lesa.

2 Bene Kolinto 6:1

Kweelana ambotusebensela pantu pomwi aLesa, twamusenga kwaamba ayi nomwakatambula shoolwe sha luse lwakwe Lesa mutakashinyonyoolibo.

Bene Efeso 6:3

Kushomesha uku nkwakwaamba ayi, “Na mwacita boobo, mulaakuba acoolwe mushintu shoonse alimwi akwikala myaaka iinji mucishi.”

Dutolonomi 10:12

“Ono nobene Isilaeli, amukutike Mwaami Lesa ncaasuni ayi mwebo mucite. Ulisuni ayi munoomulemeka akucita shoonse nshaamba. Mumusuune, mumusebensele amyoyo yanu yoonse

Dutolonomi 10:20

Kamunyumfwila Mwaami Lesa, Lesa wanu alimwi kamulambilabo nguwe eenka. Kamushomeka akushomesha cakulumbila muliina lyakwebo.

Dutolonomi 11:1

“Amusune Mwaami Lesa, Lesa wanu alimwi kamukonkela milawo amilasho yakwe yoonse.

Dutolonomi 12:25

Na mukanookonkela mulawo uyu, Mwaami Lesa ulaakukondwa alimwi shintu shoonse shilaakunoomweendela kabotu pantu pomwi abamulunyungu lwanu.

Dutolonomi 12:28

Anu shoonse nshendamulwiita mulyeelete kushikonkela amyoyo yanu yoonse, mpeeke shintu shoonse shilaakunoomweendela kabotu pantu pomwi abamulunyungu lwanu lyoonse alyoonse, mukwiinga mulaakunoocita ciluleme alimwi cikondelesha Mwaami Lesa, Lesa wanu.

Dutolonomi 19:13

Tamweelete kumunyumfwila nkumbu, sobwe. Mboboobo mbweshi mukanookusha bubi bwakucaya bantu batacite mulandu mucishi ca Isilaeli, kwaamba ayi shoonse shikanoomweendela kabotu.

Dutolonomi 22:7

Twaana twalo inga watubwesa, sombi kuteelesha kubwesa nyina kwaamba ayi shintu shinookweendela kabotu akwikala nshiku shiinji.

Dutolonomi 4:10

shabushiku ndimwakeemikana kunembo lya Mwaami Lesa, Lesa wanu paKalundu ka Sinayi palya ndyaakaambila ndime ayi, ‘Bunganya bantu abo. Ndisuni ayi banyumfwe mbweshi ŋambe kwaamba ayi beeye kunyumfwila kulilabo kabacili boomi alimwi ayi bakeeishe abana babo kucita bweenka ubo.’

Dutolonomi 4:2

Kutanungaawo nabi kukushaawo pamilawo njeentoomupa. Amukonkele milawo ya Mwaami Lesa, Lesa wanu yoonse njendamwaambila.

Dutolonomi 4:40

Amukonkele milawo yoonse njendamupa sunu. Lyalo shintu shoonse shilaakumweendela kabotu kushikila akubamulunyungu lwanu. Alimwi mulaakutolelela kwikala mucishi ico Mwaami Lesa, Lesa wanu ncatoomupa ayi cibe caanu muyayaya.”

Dutolonomi 5:16

“ ‘Lemeka baiso abanyoko kweelana ambondakaamba nebo neMwaami Lesa, Lesa wanu ayi shintu shoonse shikakweendele kabotu alimwi ayi ukekale nshiku shiinji mucishi ico nebo neMwaami Lesa nceshi nkakupe.

Dutolonomi 5:30

Koya ubaambile ayi baye kumisumba yabo.

Dutolonomi 5:33

Mukeekonkele yoonse kwaamba ayi shintu shinoomweendela kabotu, alimwi kwaamba ayi mutolelele kunooli boomi mucishi ico ncemutooya mukubwesa.

Dutolonomi 6:17

Mulyeelete kushinisha kwaamba ayi mulaakunookonkela milawo amilasho yoonse njaamupa.

Dutolonomi 6:18

Amucite cintu Mwaami Lesa ncaamba ayi cililuleme alimwi ncibotu. Lyalo shintu shoonse shinanoomweendelabo kabotu. Mulaakukonsha kubwesa cishi ca bulongo bubotu ico Mwaami Lesa ncaakashomesha bamashali banu bakulukulu,

Dutolonomi 6:3

Nobene Isilaeli, amwiikutike alimwi munooikonkela! Lyalo shintu shoonse shinanoomweendela kabotu alimwi mulaakuba mushobo unene akwikala mucishi ca bulongo bubotu, bweenka bwakashomesha Mwaami Lesa, Lesa wa bamashali banu bakulukulu.

Dutolonomi 8:6

Ono aboobo amucite kweelana aMwaami Lesa mbwaamwaambila, nkokwaamba ayi kwikala kweelana amilawo yakwe akumulemeka.

Bene Ebulu 12:25

Paceebo ceeco, amucenjele kwaamba ayi mutakaki kunyumfwila wooyo utokwaamba amwebo. Boonse abo bakakaka kunyumfwila wooyo wakabacenjeshaako pacishi ca panshi pano kwiinda mumakani akwe Lesa, tabakwe kupuluka. Ono na twakaaka kunyumfwila wooyo utokwaamba kuswa kwiculu, ncakwiila aswebo teshi tukapulukeewo.

Jemusi 1:25

Milawo yakwe Lesa ililuleme alimwi ilapa lwaanguluko. Uyo woonse wiilangilisha cakuyanda kwiiya akutolelela kucita bweenka ubo alimwi cakutaluba sheesho nshaanyumfwa, sombi kushikonkela, Lesa ulaakumupa coolwe mushintu shoonse nshaacita.

Ciyubululo 22:14

Balicite coolwe abo bacapa shakufwala shabo kwaamba ayi bakasuminishikwe kulya shisepo sha kucisamu cipa buumi alimwi akwinjila mundabala inene iyo.

Lute 3:1

Mpeeke mukuya kwa nshiku, Naomi wakaambila Lute ayi, “Omwanaangu mbuyani na ndakuyandweetawo shikukweeba kwaamba ayi shintu shinookweendela kabotu?