Dutolonomi 4:28 - Baibo Busansulushi Bwa Libuku Ili

²⁸ Uko mulaakunoosebensela balesa bakupanga amaansa, mbuli balesa ba shisamu aba mabwe abo batalashi, batanyumfwi, batalyi nabi kunyumfwa bweema.

Dutolonomi 4:28 Marejeleo ya Msalaba

2 Baami 17:40

Nakubi boobo bantu abo tabakwe kunyumfwa, bakatolelela amicito yabo ikulukulu.

Isaya 26:14

Ono bulya balifwite, ncakwiila tabacibete boomi. Teshi bakabukeewo musongo ceebo mwebo mwabapa mulandu akubanyonyoola. Ndushinisho taaku eshi akabeebalukeewo tubili.

Isaya 44:11

Muntu uyo abaabo bali mbuli nguwe balaakulenshekwa nsoni. Abo bacibwene shakupangapanga mbantubo bweenka mbuli bamwi boonse. Balaakulenshekwa boowa akukankamanishikwa kunene abuumbi.

Isaya 44:12

Amubone shikufula sheela ulabwesa ceela comwi akucibika pamulilo. Lyalo mwiine ankusu shakwe ulatola nsando mwiculu akutalika kucuuma kwaamba ayi cibumbwabumbwa ico cibe mbwaasuni. Mukuya cisebensa ulanyumfwa nsala, nyotwa alimwi ulalema.

Isaya 44:9

Anu boonse bapanga shibumbwabumbwa taaku mbobabete ashalo shintu nshibabikaako maano tashicite mpindu. Bantu abo banyamuka akushimikila pali nshisho balitulookite meenso. Ncakwiila kubula lushibo kwabo kwabasebaanya.

Isaya 45:20

Mwaami Lesa waamba ayi, “Amuyoboloke akwisa. Ee, amuyoboloke mwebo nomwakalobokela pakati ka mishobo imwi. Batacite lushibo mbaabo banyamuna balesa ba shisamu, ee, abo bapaila kubalesa batakoonshi kubapulusha.

Isaya 46:7

Balamubika pacifushi akumunyamuna. Lyalo balamwiimika pamusena wakwe, kwiimikana cakutakonsha kusena pamusena apo mpwaabikwa. Na muntu wapaila kuli nguwe, taakoonshi kukumbula nabi kupulusha muntu uyo kuswa kushintu shiyoosha.

Jelemiya 10:3

Kwishibila kwa bantu aba taaku mbokubete. Balatema cisamu muluundu ico shikubesa ncaabesa ambeso yakwe.

Jelemiya 10:5

Shibumbwabumbwa isho shilibo anga ncakukongeshaako mumuunda wa banamunwa. Tashaambi alimwi shilanyamunwabo ceebo tasheendi. Mutashiloondi, sobwe. Teshi shikamupenshewo nabi kumucitilawo shintu shibotu.”

Jelemiya 10:9

Shibumbwabumbwa shabo balashinanika silifa uswa kuTashishi agolodi uswa kuUfasi. Camana kupangwa kubaabo bacibwene kubesa akufula, balacifwalika shisani shiboneka anga ndiculu alimwi ashifubelafubela. Shisani isho shoonse shilatungwa kubacibwene kutunga.

Jelemiya 16:13

Aboobo ndaakumutandaanya mucishi ici akumutandila mucishi ico mwebo nabi bamashali banu bakulukulu ncebatakwe kwishiba. Uko nkweshi mukasebensele balesa bamwi malumwi amashiku ceebo teshi nkamufwitewo nkumbu.’ ”

Esekelo 20:32

Mwebo nobeene mulisuni kuba mbuli mishobo imwi, ee, mbuli bantu ba mushishi shimwi abo balambila shisamu amabwe. Sombi miyeeyo yanu iyo teshi ikacitikewo, sobwe.’

Esekelo 20:39

“Nebo neMwaami Lesa Shinkusu shoonse ndaamba ayi, ‘Mwebo nobene Isilaeli noonse, kamuya mukasebensele shibumbwabumbwa shanu! Sombi pesule mulaakunyumfwila alimwi teshi mukacobolewo tubili liina lyangu lisalalite mukupa shipo kushibumbwabumbwa shanu.

Milimo ya Batumwi 19:26

Mutoobona akulinyumfwila nobeene shintu shitoocita wooyu Paulo. Utokwaamba ayi balesa babumbwa abantu teshi balesa, sobwe. Aboobo walengesha ayi bantu baanji batalike kushoma musheesho nshaatokwaamba muno muEfeso alimwi amucishi coonse ca Esha.

Milimo ya Batumwi 7:42

Sombi Lesa wakabafutatila akubaleka ayi banoolambila nyenyeenshi sha mwiculu, kweelana ambuli mbomulembetwe mulibuku lya balaluki bakulukulu ayi, ‘Mwebo nobene Isilaeli! Sa ndime mwakalinga kubengela milambu akupa shipo kwamyaaka makumi one muluyanga? Sobwe.

Dutolonomi 28:36

“Mpomunyaawo Mwaami Lesa ulaakutola ndimwe alimwi amwaami wanu kucishi cimwi, ico mwebo nabi bamashali banu bakulukulu ncebatana kubonaawo. Nkomunya uko mulaakunoolambila balesa bapangwa kushisamu alimwi akumabwe.

Dutolonomi 28:64

“Lyalo Mwaami Lesa ulaakumupalanganishisha pakati ka mishobo imwi yoonse, kuswa kweela cishi ankoceela. Nkomunya uko mulaakutalika kulambila balesa bakubesa kushisamu akumabwe, abo mwebo abashali banu bakulukulu mbomutana kulambilaawo.

Dutolonomi 29:17

Mwakabona shibumbwabumbwa shabo shilensha nsoni isho shakapangwa kushisamu, mabwe, silifa alimwi agolodi.

Ciyubululo 9:20

Ono bantu boonse abo bakacaala, abo batakwe kucaikwa amyaalu yotatwe iyi, tabakwe kusanduka kuswa kushintu isho nshebakalipangila beene. Tabakwe kucileka kulambila bashikaswa, shibumbwabumbwa sha golodi, sha silifa, sha bulonse, sha mabwe alimwi asha shisamu. Shintu ishi tashiboni, kunyumfwa nabi kweenda.

1 Samwelo 26:19

Ono nkambo nobaami bangu amukutike makani angu nemusebenshi wanu. Na nguMwaami Lesa walengesha ayi mumbukile, aatambule mulambu. Sombi na mbantu, Mwaami Lesa aabashingane! Mukwiinga bantanda kuswa mucishi ca Mwaami Lesa akundekela mumusena mweenga ndalambilabo balesa beensu.