Dutolonomi 4:10 - Baibo Busansulushi Bwa Libuku Ili

¹⁰ shabushiku ndimwakeemikana kunembo lya Mwaami Lesa, Lesa wanu paKalundu ka Sinayi palya ndyaakaambila ndime ayi, ‘Bunganya bantu abo. Ndisuni ayi banyumfwe mbweshi ŋambe kwaamba ayi beeye kunyumfwila kulilabo kabacili boomi alimwi ayi bakeeishe abana babo kucita bweenka ubo.’

Dutolonomi 4:10 Marejeleo ya Msalaba

Matalikilo 18:19

Ndamusala kwaamba ayi aambile bana bakwe abamulunyungu lwakwe ayi banyumfwile akucita shiluleme. Mukucita boobo, ndaakumucitila shoonse nshindakamulasha.”

Kulumbaisha 145:4

Lishalane lilaakunoolwiita lishalane limwi shamilimo yanu iyoosha, ncakwiila alaakunokwaamba pamicito yanu yankusu.

Kulonga 19:1

Pabushiku butaanshi mumweenshi watatu kuswa paciindi ico bene Isilaeli ndibakaswa mucishi ca Ijipiti, bakashika muluyanga lwa Sinayi.

Kulonga 19:11

akulibambila isona. Ceebo ubo bushiku ndaakwisa pakalundu ka Sinayi kwaamba ayi bantu boonse bakamboone.

Kulonga 19:16

Ingayi macuunsa pabushiku bwatatu, kwakaba cilulumo alimwi akubeka, Mpeeke pakalundu pakesa likumbi litikeme alimwi kwakanyumfwika alupeenga lwakalila cankusu. Boonse bantu mumisumba bakatutuma abuumbi.

Kulonga 19:9

Mpeeke Mwaami Lesa wakaambila Mose alimwi ayi, “Ndaakwisa kuli ndiwe mulikumbi litikeme kwaamba ayi bantu bakanyumfwe ndyeshi nkanokwaamba awebo akulengesha ayi bantu bakatalike kukushoma kuswa apo peenka.” Lyalo Mose wakalwiita Mwaami Lesa maswi akaamba bantu,

Kulonga 20:18

Ono bantu ndibakanyumfwa cilulumo alimwi akulila kwa lupeenga, akubona kubeka kwa mfula alimwi abwiishi bwakalinga pakalundu, bakatutuma kuboowa. Mpeeke bakeemikanabo palaale.

Kulonga 20:20

Mose wakabakumbula ayi, “Mutaloondi, mukwiinga Lesa wesabo mukumweelesha akulengesha ayi mutolelele kumunyumfwila kwaamba ayi mutakabishi.”

Shikushimikila 12:13

Ono shoonse shanyumfwikwa. Anu meelelesho amakani oonse ngaaya: Kolemeka Lesa akukonkela milawo yakwe yoonse mukwiinga uyu ngomulimo woonse wakapekwa muntu.

Isaya 38:19

Anu boomi, ee, boomi mbobamulumbaisha bweenka mboontoomulumbaisha bulya. Bamashali balaambila bana babo shakushomeka kwanu.

Luka 1:50

Nkumbu shakwe shili pali boonse abo bamulemeka kuswa kulishalane limwi kushikila kulishalane limwi.

Dutolonomi 11:19

Mwaiishe kubana banu. Kamwaabandika kumishaanu nabi kumwibo, pakookesha nabi pakusebensa.

Dutolonomi 12:1

“Ono njeeyi milasho amilawo njemweelete kunookonkela lyoonsebo mwaakunookala mucishi ico Mwaami Lesa, Lesa wa bamashali banu bakulukulu ncaatoomupa.

Dutolonomi 14:23

Kuswawaawo mukaye kumusena womwi uyo Mwaami Lesa, Lesa wanu ngweshi akasaale ayi nkokwakumulambilila. Nkomunya uko, mukalye shipansha shanu shalikumi sha shili anga ngamaila, waini, mafuta a olifi, kubikaawo abaana ba ŋombe aba mbelele bakwiiya. Mukanoocita boobo kwaamba ayi mukeeye kulemeka Mwaami Lesa, Lesa wanu lyoonse.

Dutolonomi 17:19

Libuku ili lilyeeletebo kunooli muliimfwa lyakwe akanoolibelenga lyoonse mubuumi bwakwe, kwaamba ayi akeeye kulemeka Mwaami Lesa, Lesa wakwe alimwi akukonkela cakushomeka milawo amilasho yoonse iyi.

Dutolonomi 4:9

Amucenjele! Amushinishe ayi teshi mukaluube kulilabo kamucili boomi, isho nshemwakabona ameenso anu nobeene. Mukaambileeko bana banu abashikulu banu

Dutolonomi 5:2

PaKalundu ka Sinayi Mwaami Lesa, Lesa wesu wakapanga cipangano,

Dutolonomi 5:29

Na lyoonse banooyeeya bobulya alimwi kabandemeka akukonkela milawo yangu yoonse, shintu shoonse inga kashibeendela kabotu pantu pomwi abamulunyungu lwabo, lyoonse alyoonse.

Dutolonomi 6:2

Kulilabo kamucili boomi mwebo abamulunyungu lwanu mulyeelete kulemeka Mwaami Lesa, Lesa wanu akukonkela milasho amilawo yakwe yoonse njeentoomupa, kwaamba ayi mukekaale mucishi ico kwa ciindi cilaamfu.

Dutolonomi 6:7

Amuyiishe bana banu. Kamwiindulukaamo ndyemuli kumishaanu nabi kumwibo, pakookesha nabi pakusebensa.

Bene Ebulu 12:25

Paceebo ceeco, amucenjele kwaamba ayi mutakaki kunyumfwila wooyo utokwaamba amwebo. Boonse abo bakakaka kunyumfwila wooyo wakabacenjeshaako pacishi ca panshi pano kwiinda mumakani akwe Lesa, tabakwe kupuluka. Ono na twakaaka kunyumfwila wooyo utokwaamba kuswa kwiculu, ncakwiila aswebo teshi tukapulukeewo.

Ciyubululo 19:5

Lyalo kucuuna ca bwaami kwakanyumfwika liswi lyakwaamba ayi, “Atulumbaishe Lesa, mwebo nobasebenshi bakwe alimwi abantu boonse, balemekwa alimwi abantubo, noonse nomumulemeka!”

1 Samwelo 12:24

Ono kamunyumfwila Mwaami Lesa akumusebensela cakushomeka alimwi acamoyo woonse. Amwiibaluke shintu shikankamanisha isho nshaakamucitila.