25 Mandabala a nguwo akacaalwe ashisasa sha nshimbi asha bulonse, alimwi keekala muluumuno kwa buumi bwakwe boonse.
“Mumusena wakwe Asha mulaakunooswa shakulya shibotu abuumbi. Ulaakunoolima shakulya sheelete mwaami.
Mwaami Lesa ulalama cishi coonse akupa nkusu kubaabo bashomeka kuli nguwe. Ono mwebo mwaciita cintu cabuluya, paceebo ceeco kuswa sunu munanoolwanabo lyoonse.”
Ciindi ndindakamulilila, mwebo mwakankumbula. Mwakanjumya moyo akunkalika caamba.
Lakwe ngooyumya mpingilo sha kuminjililo yako, akupa coolwe bantu bekala mumo.
Lakwe ngoopa nkusu kubabo bakopoka, alimwi ngoofushisha nkusu abo balefukite.
Sombi bacinkite manungo muMwaami Lesa, balaakunoopekwa nkusu shipya paciindi aciindi. Balaakunooya cuulukoolukabo anga ngumumbankwashi. Balaakunoocica, sombi teshi bakanookopokaawo. Balaakunokweendaana, sombi teshi bakanoowisukaawo kukulema.
Anu aboobo mutaloondi mukwiinga ndi amwebo. Mutoongumani ceebo ndime Lesa wanu. Ndaakumupa nkusu akumucafwa alimwi ndaakumufuna alyaansa lyalulyo liluleme.
Sombi baishi bakaambila basebenshi babo ayi, ‘Amufwambaane! Amulete cakufwala cibotu afwale. Mumufwalike ninga kumunwe ansapato.
Masunko amushikila taapusene amasunko ashikila bantu bamwi boonse. Sombi Lesa ulashomeka alimwi inga taamulekeli mumasunko ngomutakoonshi kukoma. Sombi na mwasuunkwa, Lesa ulamupa nshila yakuleyelamo masunko ayo kwaamba ayi mwaakoome.
Cakweelaako ncakwaamba ayi, nobamakwesu amuyume muMwaami Lesa kwiinda munkusu shakwe shiindaawo.
Kulibambila kwanu kwa kushimikila Makani Abotu a luumuno kube anga ninsapato nshemufwala.
Teshi maswi atacite ncito, sombi mbobuumi bwanu. Kamwaakonkela, lyalo mulaakwikala nshiku shiinji mucishi ico cili kwitala lya Joodani ncemutooya mukwikalaamo.”
Amukonkele milawo yoonse njendamupa sunu. Lyalo shintu shoonse shilaakumweendela kabotu kushikila akubamulunyungu lwanu. Alimwi mulaakutolelela kwikala mucishi ico Mwaami Lesa, Lesa wanu ncatoomupa ayi cibe caanu muyayaya.”
Uko nsala teshi ikamukoleewo tubili nabi kubula cimwi cintu. Mabwe ancico alicite nshimbi alimwi inga kamukaba mukuba kuswa mutulundu tuliimo.
Ndakonsha kucita shintu shoonse mukwiinga Klistu ngoompa nkusu.
Lesa amuyuumye kwiinda munkusu shakwe shiinji kwaamba ayi mutolelele mukutaboola pesule amukukomenya moyo. Cakusangalala
Asunu bulya, nebo ndi muyumubo bweenka mbondakalinga Mose ndyaakantuma, alimwi ndibo wandangala nabi kuya kunkondo bweenka mbondakalinga kataanshi.