Dutolonomi 33:2 - Baibo Busansulushi Bwa Libuku Ili

² Wakaamba ayi, “Mwaami Lesa wakaswa kuKalundu ka Sinayi. Wakaboneka anga ndisuba kuEdomu akumunikila bantu bakwe kuswa kuKalundu ka Palani. Wakesa abaanjelo bali shuulu likumi, kululyo lwakwe kwakalinga kunyaka mulilo.

Dutolonomi 33:2 Marejeleo ya Msalaba

1 Baami 11:18

Bakanyamuka kuswa kucishi ca Midyani kuya mukushika kuPalani, uko nkobakakumanya basankwa mbobakayaabo. Lyalo bakeenda kuya mukushika kuIjipiti akuya mukubonana aFalawo mwaami wa kuIjipiti. Mpeeke mwaami uyo wakapa Adadi musena wakwikalaamo, ŋanda alimwi ashakulya.

Kulumbaisha 50:2

Bulemu bwakwe Lesa bulabala kuswa muSiyoni, ndabala inene iyo ibotu cakushika peela kubota.

Kulumbaisha 68:17

Mwaami Lesa wakashika kumusena wakwe usalalite kuswa kuSinayi. Wakesa ashikoci sha maaki sha nkondo shili shuulu ashuulu.

Kulumbaisha 68:18

Ndimwakatanta kalundu mwakatolelela abakacatwa munkondo. Mwakatambula shipo kuswa kubantu, nabi kuswa kubaabo baashu kwaamba ayi mwebo noBaami baLesa mwikale kooko.

Kulonga 23:20

“Amubone, ndaakutuma munjelo kunembo lyanu kwaamba ayi akamulaame mulweendo, alimwi akumushisha kumusena ngondakamubambila.

Danyelo 4:13

“Ono kaanciyeeya pacili anga nciloto ico, ndakabona shinkombe usalalite keesa kuswa kwiculu.

Abakuku 3:3

Lesa wakesa kuswa kuEdomu, Lesa usalalite wakesa kuswa kuKalundu ka Palani. Bulemu bwakwe bwakafwekelesha liculu alimwi bamucishi ca panshi boonse bakamulumbaisha.

Shakubelenga 10:12

Mpeeke bene Isilaeli bakatalika lweendo lwabo lwakuswa muluyanga lwa Sinayi. Kuswawaawo likumbi lyakesa mukwiimikana muluyanga lwa Palani.

Milimo ya Batumwi 7:53

Mwebo ndimwe mwakatambula Milawo yakwe Lesa iyo yakaleta baanjelo mucishi ca panshi, sombi tamukwe kwiikonkela.”

2 Bene Kolinto 3:7

Milawo ilembetwe yakabesekwa libala alibala pamabwe alya, alimwi pakupekwa kuli Mose bulemu bwakwe Lesa bwakaboneka. Ciwa cakwe Mose cakamweka kubulemu ubo. Ono nakubi kwaamba ayi bwakalinga kuya cishimingana, bene Isilaeli tabakwe kutolelela kulangilisha Mose paciwa. Na Milawo, iyo ileta lufu, yakesa abulemu bwa mushobo uyo,

2 Bene Kolinto 3:9

Na mulimo wa loombolosho akupa mulandu yakesa abulemu, cilaakweela kuli pamulimo uyo uleta bululami?

Bene Galatiya 3:10

Paceebo ceeco, boonse abo basuni kululamikwa pameenso akwe Lesa kwiinda mukukonkela Milawo, balishinganishitwe. Mukwiinga Malembo akwe Lesa alaamba ayi, “Uyo woonse utaciti shoonse shilembetwe muMilawo yakwe ulishinganishitwe kuli Lesa.”

Bene Galatiya 3:19

Ino Milawo yakalinga kucite mulimonshi? Lesa wakabika Milawo kwaamba ayi bantu beshibe shibiibi shabo kushikila luseke ulo lwa mulunyungu lwakwe Abulaamu lwakaambwa mucipangano ndilwakesa. Lesa wakapa bantu Milawo kwiinda mubaanjelo bakwe alimwi amuntu uyo shikwiimikana pakati.

Bene Galatiya 4:24

Makani aya ali anga ncikoshanyo. Banakashi bobilo aba baleemikanina shipangano shobilo. Umwi ulaswa kuKalundu ka Sinayi, nkokwaamba ayi nguAga alimwi bana bakwe mbasha.

Dutolonomi 5:22

“Iyi njemilawo Mwaami Lesa njaakamupa mwebo noonse ndimwakalinga kubungene kukalundu. Ono ndyaakaamba aliswi lya peculu kuswa mumulilo amakumbi ashiya mbi, wakapabo milawo yeenka iyi cakuteendilishaawo aimwi. Lyalo wakeelemba pamabwe obilo apampamene akwaapa ndime.

2 Bene Tesalonika 1:7

alimwi ulaakulengesha mapensho anu amapensho esu kumana. Lesa ulaakucita boobo na Mwaami Jesu akaboneke kaaswa kwiculu abaanjelo bakwe bacite nkusu shiinji.

Bene Ebulu 12:20

mukwiinga bakaloonda mulawo wakwaamba ayi, “Kulilabo nabi munyama weshi akumye kukalundu aka, ulyeelete kuumwa mabwe kushikila afwe.”

Bene Ebulu 2:2

Makani Lesa ngaakaamba kwiinda mubaanjelo, akatondeshekwa ayi ngancinencine. Aboobo uyo woonse utakwe kucita kweelana amakani ayo, Lesa wakamupa mulandu weelete.

Judi 1:14

Mbobaaba mbwaakalaluka Enoki, wasanu abobilo mubushalwe kuswa kuli Adamu, ndyakaamba ayi, “Amubone, Mwaami ulaakwisa abaanjelo bakwe basalalite bali shuulu ashuulu.

Ciyubululo 5:11

Kuswawaawo, ndakalangilisha alimwi, akubona baanjelo bali shuulu ashuulu shitabelengwi. Bakalinga kushingulukite cuuna ca bwaami, shilengwa shuumi shili shone alimwi abamaloba abo.