Dutolonomi 33:16 - Baibo Busansulushi Bwa Libuku Ili

¹⁶ Cishi cabo acibe ashintu shibotu shoonse. Bakapekwe coolwe ceebo ca bubotu bwa Mwaami Lesa uyo wakaamba mucikupu cakalinga kunyaka. Mukowa wakwe Josefu ncakwiila upekwe coolwe ici mukwiinga wakalinga ngomutanjilili pabamakwabo.

Dutolonomi 33:16 Marejeleo ya Msalaba

Matalikilo 37:28

Lyalo beshimakwebo bamwi bene Midyani ndibakashika pafwaafwi, bamakwabo bakamukwelaamo mumukalo akumuulisha maali asilifa ali makumi obilo kubene Ishimaeli abo bakamutola kuIjipiti.

Matalikilo 37:36

Paciindi ico, muIjipiti, bene Midyani balya bakoolisha Josefu kuli Potifa, womwi pabacinenenene bakwe Falawo, uyo wakalinga munene wa beshikulindilila kuŋanda yakwe Falawo.

Matalikilo 37:8

Mpomunyaawo bamakwabo bakeepusha ayi, “Sa utoyeeya ayi ulaakuba mwaami akulela ndiswe?” Aboobo bakeendaawo kumupata ceebo ca shiloto shakwe alimwi anshaakalinga kwaamba pali mbabo.

Matalikilo 43:32

Josefu wakabikilwa shakulya patebulu yomwi abalo bamakwabo paimwi. Bene Ijipiti bakalinga kulya kooko abalo bakabikilwa beenka ceebo bakalinga kuciyeeyela kutapa bulemu kulya abaEbulu.

Matalikilo 49:26

shoolwe shakuba awiti alimwi amaluba, shoolwe sha tulundu twa kale kale, shintu shikondelesha sha tulundu twa muyayaya. Shoolwe shoonse ishi ashibe pamutwi wakwe Josefu, Ee pankumo ya wooyo wakapatulwa kubamakwabo.

Kulumbaisha 24:1

Cishi ca panshi ashoonse shiliimo nsha Mwaami Lesa. Nkokwaamba ayi cishi pantu pomwi abantu boonse bekaalaamo mbaakwe.

Kulumbaisha 50:12

“Niyalinga nsala yankola, naakwiinga nshisengi ndimwe cakulya mukwiinga cishi ashintu shoonse shili mumo nshaangu.

Kulumbaisha 89:11

Liculu ndyanu ainshi ayalo njanu. Mwakalenga cishi ca panshi coonse asheesho shiliimo.

Kulonga 2:2

uyo wakamushalila mwaana musankwa. Ono mwanakashi uyo ndyaakabona ayi mwaana ngumubotu abuumbi, wakamushisa kwamyeenshi yotatwe.

Jelemiya 8:16

Kufoomashika kwa maaki a balwani besu kutoonyumfwika kuDani, acishi coonse catenkaana pakunyumfwa kulila kwa maaki aya. Balwani besa mukunyonyoola cishi ashintu shoonse shiliimo, ndabala inene abantu boonse bekalaamo.”

Shakubelenga 26:28

Bamumukowa wakwe Josefu uyo wakalinga kucite baana basankwa bobilo Manase alimwi aEfuleemu mbaaba.

Maako 12:26

Ono apalo pamakani akubushikwa kuswa kubafu, sa tamuna kubelengaawo mulibuku ndyaakalemba Mose pamakani a cikupu cakalinga kunyaka? Palya Lesa wakaambila Mose ayi, ‘Nebo ndime Lesa wakwe Abulaamu, Lesa wakwe Isaki alimwi aLesa wakwe Jakobo.’

Luka 2:14

“Bulemu kuli Lesa kwiculu lya maculu, alimwi akube luumuno panshi pali baabo boonse bamukondelesha!”

Milimo ya Batumwi 7:35

“Uyu ngoMose ngubakakaka bene Isilaeli ndibakeepusha ayi, ‘Wakakusala ayi ube mutanjilili wesu alimwi ashikutoombolosha ngani?’ Ngowooyo Lesa ngwaakatuma ayi abe mutanjilili amupulushi, kwiinda mumunjelo uyo wakaboneka kuli nguwe mucikupu cakalinga kunyaka.

1 Bene Kolinto 10:26

Mbuli Malembo akwe Lesa mbwaamba ayi, “Cishi ca panshi ashoonse shiliimo nsha Mwaami Lesa.”

1 Bene Kolinto 10:28

Sombi na umwi muntu wakwaambila ayi, “Cakulya ici cakalinga capekwa kushibumbwabumbwa,” utacili ceebo ca wooyo wakulwiita alimwi acakupenshekwa amoyo.

Bene Ebulu 7:26

Jesu anu ngoMupailishi Munene utucafwa munshila shoonse shiyandika. Ulisalalite alimwi taacite kampenda nabi bubi muli nguwe. Wakapusanishikwa abamucita shibi alimwi wakasumpulwa kwiinda shoonse sha kwiculu.