Dutolonomi 33:13 - Baibo Busansulushi Bwa Libuku Ili

¹³ Kumukowa wakwe Josefu wakaamba ayi, “Mwaami Lesa aape cishi cabo coolwe kwiinda mukubapa mfula kuswa kwiculu, akwiinda mukubapa maanshi aswa panshi.

Dutolonomi 33:13 Marejeleo ya Msalaba

Matalikilo 27:27

Ndyaakalinga kwisa cisena, Isaki wakanunsha shakufwala, aboobo wakamupa coolwe. Wakaamba ayi, “Bweema bubotu bwa mwanaangu buli anga mbweema bwa muunda uyo Mwaami Lesa ngwaapa coolwe.

Matalikilo 27:39

Lyalo Isaki wakamwaambila ayi, “Webo teshi ukatambuleewo mume kuswa kwiculu, alimwi teshi ukabeewo amyuunda icite mboleshi.

Matalikilo 48:5

Jakobo wakatolelela akwaamba ayi, “Josefu, bana bako basankwa bobilo mbowakashala kuno kuIjipiti kaantana kwisa, mbaangu. Efuleemu aManase balibo anga mbana bangu basankwa Lubeni aSimyoni.

Matalikilo 48:9

Josefu wakakumbula ayi, “Mbana bangu abo Lesa mbwaakampa muno muIjipiti.” Lyalo Jakobo wakaamba ayi, “Balete kuno ayi mbape coolwe.”

Jobo 29:19

Ndakalinga mbuli cisamu cicite miyanda ili mumaanshi ayalo misampi ya ncico keetontola kumume mashiku.

Kulumbaisha 110:3

Bashilumamba bako balaakulyaaba amyoyo yoonse pabushiku bwa nkondo. Bacikula bwangu balaakwisa kuli ndiwe macuunsacuunsa bweenka mbuli mume patulundu tusalalite.

Kulumbaisha 148:7

Amulumbaishe Mwaami Lesa nobapacishi ca panshi, banyama bamumaanshi anolweenge lulaamfu.

Tushimpi 19:12

Bukali bwa mwaami buli anga nkubuluma kwa nkalamu. Sombi nkumbu shakwe shili anga ngumume kubwiisu.

Tushimpi 3:20

Kwiinda mulushibo lwakwe wakapansaanya maanshi alaamfu akulengesha makumbi kulosha mfula.

Isaya 18:4

Mwaami Lesa wandwiita ayi, “Ndaakulanga panshi kuswa kwiculu mubuumwite akunokweebelabo kaandi mumusena umo moonkala bweenka bubala lisuba na lyashika pakati ka mutwi nabi bweenka buloka mume ciindi cakutebula.

Osiya 14:5

Kubene Isilaeli ndaakuba anga nimfula mucishi citacite maanshi. Balaakusapuka anga ngamaluba. Balaakutola miyanda panshi anga ncisamu ca sida ca kuLebanoni.

Mika 5:7

Abo beshibakacaaleewo pabamulunyungu lwakwe Jakobo, pakati ka mishobo iinji ya bantu, balaakuba anga ngumume uswa kuMwaami Lesa. Balaakuba anga nimfula yatepetepe pabwiisu mukucinka manungo muli Lesa kuteshi mumuntu, sobwe.

Sekaliya 8:12

“Bantu abo balaakunooshanga shakulya muluumuno. Minyansa yabo ilaakucata shisepo, cishi cilaakukusha shishango alyalo liculu lilaakulosha mfula. Ncakwiila ndaakupa shoolwe shoonse ishi kubamumushobo uyu beshi bakacaaleewo.

Dutolonomi 32:2

Kwiisha kwangu kube anga nimfula, amaswi angu aloke anga ngumume, anga nimfula pamweemfu, nabi mfula inene pamimeno.

Dutolonomi 33:14

Cishi cabo acibe acoolwe cakuba ashisepo shipya kulumwi, akuba ashisepo shibotu mwaaka woonse.

Dutolonomi 33:28

Aboobo bene Isilaeli balekala muluumuno, bamulunyungu lwakwe Jakobo tabalokelwi kalongo mucishi muswite shili anga ngamaila awaini, uko mume nkooloka kuswa kwiculu.