Dutolonomi 33:12 - Baibo Busansulushi Bwa Libuku Ili

¹² Kumukowa wakwe Benjameni wakaamba ayi, “Uyu ngomukowa Mwaami Lesa ngwaasuni akuufuna. Uloolama bushiku boonse, akwikala pakati ka nguwo.”

Dutolonomi 33:12 Marejeleo ya Msalaba

2 Samwelo 12:24

Mpeeke Defedi wakoombulusha Batisheba mukaakwe. Lyalo Defedi wakakumanaakwe. Wakashala mwaana musankwa akumutumba ayi Solomoni. Mwaami Lesa wakasuna mwaana uyo abuumbi.

2 Samwelo 12:25

Paceebo ceeco wakaambila Natani mulaluki ayi aye amupe liina lya Jedidiya, mukwiinga Mwaami Lesa wakamusuna abuumbi.

1 Baami 12:21

Ono Leoboamu ndyaakashika muJelusalemu, wakabunganya bashilumamba bali 180,000 kuswa mumukowa wa bene Juda awa bene Benjameni. Wakalinga kusuni kuya mukulwana mikowa ya bene Isilaeli ya kumatwa kwaamba ayi abooshe bwaami bwakwe pamikowa iyo.

2 Makani 11:1

Ono Leoboamu ndyaakashika muJelusalemu, wakabunganya bashilumamba bali 180,000 kuswa mumukowa wa bene Juda awa bene Benjameni. Wakalinga kusuni kuya mukulwana mikowa ya bene Isilaeli yakumatwa kwaamba ayi abooshe bwaami bwakwe pamikowa iyo.

2 Makani 15:2

Lyalo wakaya mukukumana amwaami Asa. Wakamwaambila ayi, “NoBaami baAsa abantu banu bene Juda abene Benjameni amunkutike! Mwaami Lesa unanooli amwebo kulilabo kamuli anguwe. Na mumuyandoole mulaakumucana, sombi na mwamufutatila alakwe ulaakumufutatila.

Kulumbaisha 132:14

Wakaamba ayi, “Ono muno mweshi nookala kwalyoonse alyoonse. Ee, mweshi nookala pacuuna ca bwaami mukwiinga ndisuniimo.

Kulumbaisha 60:5

Amutulengeshe kukoma kwiinda munkusu shanu, amukumbule mipailo yesu. Ee, kwaamba ayi bantu abo mbomusuni, bafunwe.

Kulumbaisha 91:4

Ulaakumufwekelela mumapapaminwa akwe, ee, mumapapaminwa akwe mweshi mukabe ciyubilo canu. Kushomeka kwakwe kulaakumutabilila anga ndiyawo nabi lubumbu lwa ndabala.

Kulonga 28:12

Kuswawaawo ukaabike pashakupushamo ntambo paefodi kwaamba ayi akanokwiimikanina mikowa ili likumi ayobilo ya bene Isilaeli. Munshila iyo, Aloni ulaakunyamuna meenaabo pashifushi shakwe, ayi nebo neMwaami Lesa nkanoyeeyabo bantu bangu lyoonse.

Isaya 37:22

Mwaami Lesa waamba ayi, ‘Senakelibu, ndabala ya Siyoni itookusebaanya akukuseka. Ndabala ya Jelusalemu itoopukumuna mutwi mbuli mbootoocica.

Isaya 37:35

Ndaakutabilila ndabala inene ino akwiipulusha, ceebo ca bulemu bwangu acakwe Defedi musebenshi wangu.’ ”

Isaya 51:16

Ndakafungulula liculu akuyaka lwiimbi lwa cishi ca panshi. Bene Jelusalemu ndabaambila ayi, ‘Mwebo muli bantu bangu! Ndakamupa milawo yangu alimwi ndamutabilila alyaansa lyangu.’ ”

Jelemiya 12:7

Mwaami Lesa waamba ayi, “Ndafutatila bene Isilaeli. Ndakaaka bantu mbondakasala. Ncakwiila ndaaba bantu aba mboonsuni munkusu sha balwani babo.

Shakubelenga 34:21

Mumukowa wakwe Benjameni nguElidadi mwanaakwe Kisiloni.

Mateyo 23:37

“Webo Jelusalemu, Jelusalemu, noocaya balaluki akuuma mabwe bantu abo Lesa mbwaatuma kuli ndiwe! Liinji liinji ndalinga kusuni kubunganya bantu bako bweenka mbuli nkuku mboifukatila twaana twanjiyo mumapapaminwa, sombi webo wakakaka!

Dutolonomi 12:10

Ono na mukasubuke Mulonga wa Joodani Mwaami Lesa ulaakulengesha ayi mukabwese cishi ico akwikalaamo. Ulaakumulama kubalwani banu, ncakwiila mulaakunookala muluumuno.

Dutolonomi 32:11

bweenka mbuli mumbankwashi mbwaapalanganya ciinswa, akunooshinguluka peculu lya bana bakwe, ulafungulula mapapaminwa akwe ayi ababeleke, akubayumuna pamapapaminwa akwe.

Dutolonomi 33:11

NoBaami baLesa, amucafwe mukowa wabo kusumpuka, akukondwa mushintu shoonse nsheshi banoocita. Amunyonyoole balwani babo kushikila boonse bakaloobe.”

Dutolonomi 4:37

Ceebo ca bamashali banu bakulukulu, wakamusala alimwi kwiinda munkusu shakwe shinene wakamukusha mucishi ca Ijipiti.

Boomboloshi 1:21

Sombi bene Benjameni balo tabakwe kutandaanya bene Jebusi bakalinga kwikala muJelusalemu. Aboobo kushikila asunu bene Jebusi balekala abene Benjameni.

1 Samwelo 10:20

Lyalo Samwelo wakalengesha ayi mukowa womwi awomwi use kunembo. Mpomunyaawo Mwaami Lesa wakasalaawo mukowa wakwe Benjameni.