Dutolonomi 33:10 - Baibo Busansulushi Bwa Libuku Ili

¹⁰ Balaakwiisha bana bakwe Jakobo milasho yanu, balaakwiisha bene Isilaeli milawo yanu. Balaakunoopa tununkila kabotu kunembo lyanu alimwi amilambu yakutenta pacipaililo canu.

Dutolonomi 33:10 Marejeleo ya Msalaba

2 Makani 26:18

kuya mukumukasha. Bakamwaambila ayi, “Mwebo baUsiya, tamucite nkusu shakutenta tununkila kabotu kuMwaami Lesa. Sombibo bapailishi bamulunyungu lwakwe Aloni mbobakasalwa kucita mulimo uyo. Amusweemo mumusena usalalite uyo. Mwebo mwakalasha Mwaami Lesa, aboobo Mwaami Lesa teshi akamupeewo coolwe.”

2 Makani 30:22

Esekiya wakaamba maswi akuyumyayumya bene Lefi boonse abo bakaboneka ayi balicite lushibo lwiindaawo lwa mulimo wabo kuMwaami Lesa. Kwanshiku shosanwe ashobilo bakalinga kulya shipansha shabo akubenga milambu ya bwanabwankashi alimwi akulumbaisha Mwaami Lesa, Lesa wa bamashali babo bakulukulu.

Esila 7:10

Ono Esila wakalinga kwiiya Milawo ya Mwaami Lesa akwiicita mubuumi bwakwe boonse. Kuswawaawo wakalinga kwiisha milawo amilasho iyo kubene Isilaeli.

Neyemiya 8:18

Bushiku abushiku bwa kusekelela uko, nkokwaamba ayi kuswa pabushiku butaanshi kushikila kubwakweelaako, Esila wakalinga kubelenga muLibuku lya Milawo yakwe Lesa. Bakasekelela kwanshiku shosanwe ashobilo. Lyalo pabushiku bwasanu ashotatwe bakaba alibungano lyakucala kusekelela uko kweelana aMilawo.

Kulumbaisha 51:19

Lyalo milambu yeelete ilaakumusangalasha. Ee, milambu yesu yakutenta ilaakumusangalasha alimwi bacende balaakubengwa pacipaililo canu.

Esekelo 43:27

Kumeelelesho anshiku isho, kutalikila pabushiku bwasanu ashotatwe kuya kunembo, bapailishi balyeelete kutalika kubenga milambu yakutenta aya bwanabwankashi ya bantu pacipaililo. Lyalo ndaakusangalala pali ndimwe noonse. Nebo neMwaami Lesa Shinkusu shoonse ndaamba.”

Osiya 4:6

Bantu bangu bamana kunyonyoolwa ceebo cakubula kwishiba ndime. Mwebo nobapailishi mwakaaka kwinshiba, aboobo ndamukaka kuba bapailishi bangu Ono ceebo cakwaamba ayi mwaluba milawo yangu anebo ndaakukaka bana banu basankwa kuba bapailishi.

Bene Lefi 1:13

Ulyeelete kusansha shamukati shoonse alimwi amyeendo mumaanshi. Mpeeke mupailishi ulaakutenta mulambu woonse pacipaililo ayi ngumulambu wakutenta. Bweema bwa mulambu uyo bulansangalasha neMwaami Lesa.

Bene Lefi 1:17

Kuswawaawo, ulaakwiicata kumapapaminwa akwiikwamuna ayi ipabuke kwakutatumuna mapapaminwa. Mpeeke mupailishi ulaakwiitenta pacipaililo yoonse ayi ngumulambu wakutenta. Bweema bwa mulambu uyu bulansangalasha neMwaami Lesa.

Bene Lefi 1:9

Muntu uyo ulyeelete kusansha shamukati shoonse alimwi amyeendo mumaanshi. Mpeeke mupailishi ulaakutenta mulambu woonse pacipaililo ayi ngumulambu wakutenta. Bweema bwa mulambu uyo bulansangalasha neMwaami Lesa.

Bene Lefi 10:11

Alimwi mulyeelete kwiisha bene Isilaeli milawo yoonse njendakamupa kwiinda muli Mose.”

Bene Lefi 16:12

ulaakubwesa mupika uswite makalangasha aswa kucipaililo alimwi amapaka obilo atununkila kabotu tupelekete, akushileta muMusena Usalalite Wiindaawo.

Bene Lefi 16:13

Mweenka umo kunembo lyangu neMwaami Lesa, ulaakubika tununkila kabotu pamulilo, mpeeke bwiishi bwa tununkila kabotu bulaakushisa cifwekesho ca Libokoshi lya Cipangano kwaamba ayi atacibooni akufwa.

Agayi 2:11

Wakaamba ayi, “Ipusha bapailishi na mulawo ulaamba ayinshi?

Agayi 2:12

Aŋambe ayi umwi wabwesa nyama isalalite yakabengwa kuswa pacipaililo akwiiyumuna mumungaanjo wakwe. Ino na mungaanjo wakwe wakumya shinkwa uli woonse, shilyo shakatelekwa kale, waini, mafuta a olifi nabi shakulya shimwi shili shoonse, sa inga nyama iyo yalengesha shakulya isho kuba shisalalite?” Mwiipusho ndiwakeepushikwa bapailishi bakakumbula ayi, “Sobwe.”

Shakubelenga 16:40

kweelana aMwaami Lesa mbwaakamulwiita kwiinda muli Mose. Ici cakaba cicenjesho kubene Isilaeli boonse ayi taaku muntu uteshi wamulunyungu lwakwe Aloni weelete kwisa kucipaililo mukutentela Mwaami Lesa tununkila kabotu pakutenta. Na wacita boobo, inga wanyonyoolwa bweenka bwakanyonyooka Kola abaabo bakalinga kumukonkela.

Shakubelenga 16:46

Mpomunyaawo Mose wakaambila Aloni ayi, “Bwesa cikaye cako cakubikawo mulilo akubikawo makalangasha a pacipaililo. Kuswawaawo ubike tununkila kabotu pakutenta pamakalangasha ayo, akufwambaana kuya mukucita shiyandika pakusalasha bantu abo kweelana amulawo ceebo bukali bwa Mwaami Lesa bwatalika kale. Mwaalu awalo watalika!”

Dutolonomi 24:8

“Kumakani a manata, mulyeelete kucita shoonse isho bapailishi bene Lefi nsheenga bamulwiita. Mulyeelete kukonkela milasho yoonse iyo njendabalwiita.

Dutolonomi 27:14

“Ono bene Lefi balaakoolobesha maswi aya ayi,

Dutolonomi 33:11

NoBaami baLesa, amucafwe mukowa wabo kusumpuka, akukondwa mushintu shoonse nsheshi banoocita. Amunyonyoole balwani babo kushikila boonse bakaloobe.”

Bene Ebulu 7:25

Nceceeco bulya anshiiku shoonse, ulakonsha kupulushisha baabo besa kuli Lesa kwiinda muli nguwe mukwiinga ngumuumi lyoonse kwaamba ayi anoobasengelaako kuli Lesa.

Bene Ebulu 9:24

Mukwiinga Klistu taakwe kwinjila muMusena Usalalite wakayaka bantu, ulibo cikoshanyo ca wooyo wa kwiculu. Sombi wakenjila mwiculu mwiine mwiine uko nkwaatwiimikaninaako kuli Lesa.

1 Samwelo 2:28

Ndakasala bamuŋanda yakwe pakati ka mikowa yoonse ya bene Isilaeli, kuba bapailishi bangu, beshikusebensela kucipaililo, kutenta tununkila kabotu akufwala cakufwala ciitwa ayi efodi pameenso angu. Ndakabapa ankusu shakucaasha cipansha ca mulambu womwi awomwi wa bene Isilaeli watentwa pacipaililo.