Dutolonomi 32:39 - Baibo Busansulushi Bwa Libuku Ili

³⁹ “ ‘Nebo neenka, ndime Lesa. Taaku Lesa aumwi kwiinda ndime. Ndacaya akupa buumi, ndacisa akushilika. Taaku weenga wakasha nceensuni kucita.

Dutolonomi 32:39 Marejeleo ya Msalaba

2 Baami 20:5

“Boola kuli Esekiya, mutanjilili wa bantu bangu uye umulwiite ayi, ‘Nebo neMwaami Lesa, Lesa wakwe Defedi mushali wako mukulukulu, ndanyuumfwa mupailo wako akulila kwako. Ntookushilika, lyalo pakwiinda nshiku shotatwe ukaye kuŊanda yangu.

2 Baami 5:7

Ono mwaami wa bene Isilaeli ndyaakabelenga nkalata iyo, wakakwamoona shakufwala shakwe akoolobesha ayi, “Sa nebo ndime Lesa? Sa inga ndacaya akubusha kuswa kubafu? Ceebonshi mwaami wa bene Silya ncaatumina muntu uyu ayi nshilike bulwashi bwakwe bwa manata? Ono mwalibonena ayi ulisunibo pakunsumwita!”

Neyemiya 9:6

Lyalo bene Isilaeli bakapaila ayi, “Mwebo noBaami baLesa, mwebo nweenka ndimwe Baami baLesa. Ndimwe mwakalenga liculu alimwi anyenyeenshi sha mwiculu. Ndimwe mwakalenga cishi ca panshi, lweenge ashoonse shiliimo. Ndimwe mupa buumi kushintu shoonse. Abaanjelo boonse balamulambila.

Jobo 10:13

kakuli shoonse ishi mwakalinga mwashishisa mumoyo wanu. Ono sunu ndindeshiba ayi wakalinga ngomuyeeyo wanu.

Jobo 10:7

Mulishi kwaamba ayi nshicite mulandu alimwi taaku ukonsha kumfuna kuswa mumaansaanu.

Jobo 5:18

Lesa ulacisa akushilika mwiine eenka, ncakwiila ulalengesha shilonda akushilengesha koosha mwiine eenka.

Kulumbaisha 102:27

Sombi mwebo mulaakunoolibo mushobo womwi alimwi myaaka ya buumi bwanu teshi ikamane.

Kulumbaisha 102:28

Baana ba basebenshi banu balaakunookala kwakubula cakulisukama. Bamulunyungu lwabo balaakwikalilila pameenso anu.”

Kulumbaisha 18:31

Mwaami Lesa eenkabo ngoLesa. Taaku shikufuna umwi kulekabo nguwe.

Kulumbaisha 50:22

“Amukutike ono mwebo nomumbikila minsuula, kwaamba ayi ntamunyonyooli, lyalo taaku eshi akamufune!

Kulumbaisha 51:8

Amunsuminishe nyumfwe ciyobeyobe cakusangalala akukondwa. Amusuminishe mubili wangu uyo ngomwapwayoola kubuumba kusangalala cipya.

Kulumbaisha 68:20

Lesa wesu, nguLesa upulusha, Mwaami Lesa Shinkusu shoonse ngoolengesha ayi tukonshe kuyuba lufu.

Kulumbaisha 86:10

Mukwiinga mulicite nkusu alimwi mulacita shikankamika. Ncakwiila mwebo nweenka ndimwe baLesa.

Kulonga 15:26

Wakabaambila ayi, “Na munoonyumfwila amoyo woonse kwiinda mukucita nsheensuni alimwi akukonkela milawo amilasho yangu yoonse, teshi nkamuletelewo malwashi mbuli aayo ngondakaletela bene Ijipiti. Nebo ndime Mwaami Lesa uyo umushilika.”

Kulonga 4:7

Lyalo Mwaami Lesa wakaamba ayi, “Boosha lyaansa mucakufwala alimwi.” Alakwe wakacita bweenkoobo, pakulikushaamo lyakababo kabotu bweenka mbuli mubili wakwe woonse.

Shikushimikila 3:3

Kuli ciindi cakucaya aciindi cakushilika. Kuli ciindi cakumwaya aciindi cakuyaka.

Isaya 19:22

Ee, Mwaami Lesa ulaakutuma mwaalu pabene Ijipiti. Baakwaana, ulaakubashilika. Balaakusandukila kuli nguwe alakwe ulaakukumbula kusenga kwabo akubashilika.

Isaya 30:26

Mweenshi ulaakubala anga ndisuba alyalo lisuba lilaakubala abuumbi akuba amumuni uli anga ngwa nshiku shosanwe ashobilo kuubika pantu pomwi. Ishi shoonse shilaakucitika Mwaami Lesa aakupombela tusani pashilonda sha bantu bakwe isho nshaakabacisa akushishilika.

Isaya 41:4

Ino ono ngani wakacita shintu shoonse ishi? Ngani wakayeeya kucita boobo kuswa kumatalikilo? Ndimeeke neMwaami Lesa. Kumatalikilo ndakalingaako akwalo kumeelelesho ndaakubaako.”

Isaya 43:10

Mwaami Lesa waamba ayi, “Mwebo nobene Isilaeli ndimwe bakamboni bangu. Ndimwe basebenshi bangu abo mbondakasala kwaamba ayi munshiibe, munshoome alimwi akushinisha ayi ndimebo Lesa. Taaku aumwi Lesa wakabaawo kulekabo ndime alimwi taaku lesa umwi weshi akabeeko kunembo.

Isaya 43:12

Amubone, nebo ndakamucenjesha shakunembo. Peculu lya waawo ndakesa mukumucafwa. Taaku lesa mweensu wakacitawo ca mushobo uyu. Mwebo nobeene muli bakamboni bangu kwaamba ayi ndimebo Lesa.

Isaya 43:13

Ncakwiila ndi Lesa kuswabo kale kale. Taaku muntu nabi womwi ukonsha kupusumuka mumaansa angu alimwi ncendacita taaku muntu ukonsha kucisandula.”

Isaya 45:18

Mwaami Lesa wakalenga liculu, ncakwiila lakwe ngoLesa mwiine! Wakalenga acishi ca panshi, kucipanga cakutateenkaana kwaamba ayi cinoolikobo. Taakwe kucilenga ayi cinooli luundubo lulibo bwaashi, sombi kwaamba ayi ube musena bantu ngobeelete kwikalaamo. Uyo wakacita boobo ulaamba ayi, “Nebo ndime Mwaami Lesa alimwi taaku lesa aumwi.

Isaya 45:22

“Anu noonse amusandukile kuli ndime, mupulushikwe, ee, noonse kuswa kweela cishi ca panshi ankoceela. Ndimebo neenka neLesa, ndushinisho taaku aumwi.

Isaya 45:5

“Nebo ndime Mwaami Lesa, taaku aumwi. Ncakwiila taaku lesa aumwi kulekabo ndime. Ndaakukupa nkusu nabi toonshiiwo.

Isaya 46:4

Nebo ndi Lesa wanu alimwi ndanoomulama kushikila misusu yanu yaakutuba kukucembela. Ndakamulenga alimwi ndanoomulama. Ndanoomucafwa alimwi ndanoomufuna.”

Isaya 48:12

Mwaami Lesa waamba ayi, “Amukutike nobene Isilaeli, mwebo nobantu mbondakasala! Nebo ndi Lesa, wakalingaako kumatalikilo weshi akanooliiko akumeelelesho. Nebo neenka ndime Lesa!

Esekelo 37:12

Paceebo ceeco laluka ubalwiite ayi nebo neMwaami Lesa Shinkusu shoonse ndaamba ayi, ‘Ndaakucalula shuumbwe shanu, nkamukusheemo akumuboosha kucishi canu ca Isilaeli.

Esekelo 37:3

Mpomunyaawo Mwaami Lesa wakanjipusha ayi, “Webo omuntu, sa mafuwa aya inga akonsha kuba abuumi alimwi?” Anebo ndakakumbula ayi, “NoBaami baLesa Beshinkusu shoonse, mwebo nweenka ndimwe mweenga mwakumbula mwiipusho uyo.”

Osiya 5:14

Ndaakulwana bene Isilaeli anga ninkalamu, ee, kulwana bene Juda anga ninkalamu icite nkusu abuumbi. Ndaakubakwamoona mutupanshapansha akuya. Ndaakubanyamuna akubatola kwakubula aubafunaako.

Osiya 6:1

Bantu batokwaamba ayi, “Atuboolele kuMwaami Lesa, watukwamoona mutupanshapansha, sombi ulaakutushilika alimwi. Ncakwiila watucisa, sombi ulaakwaanga nsalu pashilonda shesu alimwi.

Mika 5:8

Abo beshibakacaaleewo pabamulunyungu lwakwe Jakobo, pakati ka mishobo iinji ya bantu, balaakuba anga ninkalamu ili pakati ka banyama bamuluundu. Balaakuba anga nkana ka nkalamu pakati ka mbelele ako kafwampila akukwamoona mbelele pakuya bweenda. Sombi taaku weenga wafuna mbelele isho.

Joni 8:24

Ncendamulwiitila ayi, ‘Mulaakufwabo mushibiibi shanu.’ Na mubule kushoma ayi ndime wooyo ngoontoolyaamba, ncakwiila mulaakufwabo mushibiibi shanu.”

Dutolonomi 32:12

Mwaami Lesa eenkabo ngowakabatanjilila, taaku lesa umwi wakabacafwa.

Dutolonomi 4:35

Mwaami Lesa wakamutondesha shintu shoonse ishi kumwishibisha ayi lakwebo eenka ngoLesa alimwi taaku aumwi.

Dutolonomi 7:9

Amwiibaluke kwaamba ayi Mwaami Lesa, Lesa wanu ngoLesa eenkabo alimwi ulashomeka. Ulaakubamba cipangano cakwe akutondesha lusuno lwakwe luli mushobo womwi lyoonse kushikila akumashalane ali cuulu abantu bamusuni alimwi bakonkela milawo yakwe.

Bene Ebulu 1:12

Ulaakushifungafunga anga ncakufwala ca peculu. Shilaakuba shiimbi, mbuli muntu wafuula akufwala shakufwala shimwi. Sombi webo unanoolibo bweenka mboobete, alimwi buumi bwako tabweeli.”

Ciyubululo 1:11

Liswi ilyo lyakanyumfwika ayi, “Shoonse nshootoobona, ushilembe mulibuku akulitumisha kushoonde ishi shili shosanwe ashobilo, nkokwaamba ayi kuEfeso, Simeena, Pegamamu, Tiyatila, Sadisi, Filadelufya alimwi aLawodisiya.”

Ciyubululo 2:8

“Mutanjilili wa kucoonde ca kuSimeena, umulembele ayi, “Aya ngamakani aamba wooyo uli ngoMatalikilo alimwi aMamanino uyo wakafwa akuba abuumi.

1 Samwelo 2:6

Mwaami Lesa ngooleta lufu akupa buumi. Ulatuma bantu kumusena wa bafu akubapilusha kubuumi.