Dutolonomi 32:36 - Baibo Busansulushi Bwa Libuku Ili

³⁶ Mwaami Lesa ulaakufuna bantu bakwe, na akabone ayi nkusu shabo shamana. Ulaakubanyumfwila nkumbu basebenshi bakwe, na akabone ayi tabacite wakubacafwa.

Dutolonomi 32:36 Marejeleo ya Msalaba

Kulumbaisha 135:14

Mwaami Lesa ulaakufuninina bantu bakwe akufwita nkumbu basebenshi bakwe.

Kulumbaisha 106:45

Mukubacafwa wakeebaluka cipangano cakwe, alimwi ceebo ca lusuno lwakwe lutamaani wakabooshaamo moyo.

2 Baami 14:26

Ono Mwaami Lesa wakabona mapensho ayoosha a bene Isilaeli boonse. Tekwakalinga nabi womwi wakalinga kukonsha kubacafwa.

1 Baami 14:10

Paceebo ceeci ntooleta mapensho aanji pabamulunyungu lwako akucaya bamulunyungu lwako basankwa boonse banike abamanene. Ndaakutandaanya bamuŋanda yako boonse. Balaakupyeelwa anga ngamafumba.

Boomboloshi 2:18

Anu ciindi coonse Mwaami Lesa ncaakalinga kubapa moomboloshi, Mwaami Lesa wakalinga kumucafwa akufuna bene Isilaeli kubalwani babo ciindi coonse ca buumi bwa moomboloshi uyo. Mwaami Lesa wakalinga kubanyumfwila nkumbu ceebo bakalinga kutongela mumaansa a baabo bakalinga kubapensha akubalyatilila.

Bene Ebulu 10:30

Mukwiinga tulimwishi uyo wakaamba ayi, “Amubaleeke ndime mboosha shishole, ndaakubapa milandu abalo.” Wakaamba alimwi ayi, “Mwaami ulaakoombolosha bantu bakwe.”

Amosi 7:6

Paceebo ceeco Mwaami Lesa wakabooshamo moyo waamba ayi, “Anu acalo ici teshi cicitike.”

Amosi 7:3

Kuswawaawo Mwaami Lesa wakabooshamo moyo akwaamba ayi, “Isho nshewabona teshi shikacitike.”

Jowelo 2:14

Ngani ushi, mpashi inga wamufwita nkumbu. Lyalo ulaakumupa coolwe mukumupa shishango shiinji. Mpeeke mulaakunootola shipo sha fulaulo asha cakunwa kuMwaami Lesa, Lesa wanu.

Jelemiya 31:20

Sa Efuleemu teshi mwanaangu musankwa ngoonsuni abuumbi? Sa teshi ngomwaana unsangalasha? Nakubi kwaamba ayi ndamukalookila, sombi ndamuyeeya. Aboobo moyo wangu ulakumbwa kumubona. Ee, ndamwiibaluka akumufwita nkumbu abuumbi. Nebo neMwaami Lesa ndaamba.

Kulumbaisha 96:13

paciindi Mwaami Lesa aakwisa mukulela cishi. Ulaakunoolela bamucishi ca panshi boonse cabululami alimwi mulushinisho.

Kulumbaisha 90:13

Ino bukali bwanu butootola ciindi cilaamfu buyani? NoBaami baLesa, amube ankuumbu pabasebenshi banu!

Kulumbaisha 50:4

Uleeta liculu acishi ca panshi kuba bakamboni pakoombolosha bantu bakwe.

Kulumbaisha 7:8

Mwebo muloombolosha mishobo yoonse, Amuŋomboloshe kweelana akululama kwangu noBaami baLesa, ee, kweelana akubula kampenda kwangu mwebo noMwiindaawo.

2 Baami 9:8

Bamuŋanda yakwe Aabu boonse balaakumana kufwa. Ncakwiila ndaakucaya baana basankwa boonse bamuŋanda yakwe muIsilaeli, nkokwaamba ayi banike abanene.

1 Baami 21:21

Aboobo Mwaami Lesa wakwaambila ayi, ‘Ndaakuleta shinkunka pali ndiwe. Ndaakukunyonyoola pantu pomwi abana bako basankwa boonse, bamanene abanike.

Bene Lefi 26:43

Sombi cakutaanguna, nkukusha bantu bali mucishi ico kwaamba ayi cookeshe cakumaninina, alimwi ayi balipile mulandu wabo woonse wakukaka milawo alimwi amilasho yangu.

Jelemiya 20:11

Sombi mwebo noBaami baLesa muli kulubasu lwangu anga ngushilumamba wa nkusu ucibwene kulwana. Aboobo bantu aba batoompensha balaakulisuntula, teshi bakankomeewo, sobwe. Balaakwaalilwa akulenshekwa nsoni cakwaamba ayi nsoni shabo teshi shikalubweewo.

Kulonga 32:14

Aboobo Mwaami Lesa wakapilula miyeeyo yakwe, mpeeke wakacileka kuleta makatasho pabantu bakwe ayo ngaakalinga aamba.

Jelemiya 42:10

‘Na mukekaale mucishi cino, Ndaakumuyaka, teshi nkamumwaaye, ndaakumushanga, teshi nkamutumune, sobwe. Ndoongumana abuumbi ceebo ca mapensho ngondakamuletela.

Danyelo 12:7

Munjelo uyo wakalinga kufwete shakufwala sha nsalu iteshimite alimwi uyo wakalinga kwiimfwi peculu lya maanshi wakatambika maansa obilo oonse kwiculu. Lyalo ndakamunyumfwa kaashomesha cakulumbila muliina lyakwe Lesa waLyoonse alyoonse ayi, “Ciindi ico cilaakuba ca myaaka yotatwe amusa. Mapensho eshi akese pabantu bakwe Lesa aakumana, shintu shoonse ishi shilaakwiinda.”

Jowelo 2:18

Ono Mwaami Lesa ulaakubika maano kucishi cakwe. Ncakwiila ulaakunyumfwila nkumbu bantu bakwe.