Dutolonomi 32:24 - Baibo Busansulushi Bwa Libuku Ili

²⁴ Ndaakutuma nsala ashimpwita, balaakufwa kumalwashi ayoosha. Ndaakutuma banyama bamuluundu ayi babacaaye, alimwi ansooka shikali ayi shikabaluume.

Dutolonomi 32:24 Marejeleo ya Msalaba

Matalikilo 3:14

Lyalo Mwaami Lesa wakaambila nsoka ayi, “Ntookushingana paceeci ncewacita. Pakati ka banyama boonse, lishingo ili lilisukemebo ndiwe weenka. Kuswa sunu unanokweendelabo kulifumo, alimwi ulyeelete kulya bulongo mubuumi bwako boonsebo.

Matalikilo 49:15

Ndyaakabona kubota kwa musena wakookesha, akubona ayi ayalo inshi njibotu, wakatyankamika musana ayi abwese mukuli, lyalo camulengesha kusebensa mbuli musha.

Jobo 20:16

Mucita shibi nshaamina shili anga mbuyoka bwa nsoka. Bulaakumucaya anga ngumuntu walumwa nsoka ikali.

Kulumbaisha 120:4

Ulaakumupa mulandu kwiinda mukumuyasa amifwi ikolete ya shilumamba alimwi amakalangasha a mulilo afubela pyu.

Kulumbaisha 91:6

Utaloondi myaalu isa mashiku, nabi shintu shiyoosha shicaya ciindi ca malumwi.

Isaya 65:25

Muciindi ico baumpe balaakunoolyabo pantu pomwi ambelele. Inkalamu shilaakunoolya bwiisu anga niŋombe sombi yalo nsoka ilaakunoolya bulongo ono teshi shikanoolumaawo. Ncakwiila pakalundu kangu kasalalite teshi pakabewo ciluma nabi cinyonyoola.” Mwaami Lesa waamba.

Jelemiya 14:18

Na ndaya muluundu ndabona bakacaikwa munkondo. Na ndaya mundabala, ndabona batoofwa kunsala. Balo balaluki abapailishi balacita ncito yabo cakuteshiba ancebatoocita.’ ”

Jelemiya 15:3

“Nebo neMwaami Lesa ndaakubatumina shintu shiyoosha shone. Ndaakubatumina nkondo ayi bacaikwe, bakabwa ayi babakweelaanye, bayuni ayi batalike kubalya alimwi abanyama bamuluundu ayi balye sheshi shikacaaleeko.

Jelemiya 16:4

Balaakufwa kumalwashi ayoosha. Teshi bakalilweewo nabi kubikwa. Sombi mibili yabo ilaakubabo anga ngamatombe apantantaala peculu lya nshi. Balaakuloba kunkondo akunsala. Lyalo mituntu yabo ilaakuba cakulya ca bayuni abanyama bamuluundu.

Jelemiya 8:17

Mwaami Lesa waamba ayi, “Amucenjele, ntoomutumina nsoka shicaya pakati kanu ee, nsoka isho shitakoonshi kufubwa. Ncakwiila shalo shilaakumulumoola.”

Malilo 5:10

Cikanda cesu citoolungula anga mumunyumbi. Ncakwiila nsala yalengesha mibili yesu kupya.

Esekelo 14:15

“Nabi na ndatuma banyama bamuluundu mucishi ico mukucaya bantu boonse akucilengesha kubula wikalaamo alimwi awiindaamo ceebo ca banyama,

Esekelo 14:21

Mwaami Lesa Shinkusu shoonse waamba ayi, “Ino cilaakuba buyani ndaakutuma mapensho one eendaawo kubica pandabala ya Jelusalemu, nkokwaamba ayi ndaakutuma nkondo, nsala, banyama bamuluundu amwaalu kucaya bantu ba mumo alimwi ashifubwa shabo?

Esekelo 5:17

Ndaakutuma nsala abanyama bamuluundu pali ndimwe mukucaya bana banu. Ndaakutuma mwaalu, kutila bulowa ankoondo mukumucaya. Nebo neMwaami Lesa ndaamba.’ ”

Bene Lefi 26:22

Lyalo ndaakutuma banyama bakali pakati kanu abo beshi bakacaye bana banu, kunyonyoola shifubwa shanu, akushiyawobo baniini pakati kanu cakwaamba ayi munshila shanu shoonse mulaakunoobula abeshikwiindaamo.

Amosi 9:3

Nabi bakayube paKalundu ka Kamelo, ndaakubayandoola kushikila nkabacaate. Nabi bakayube panshi peene palweenge lulaamfu, ndaakwaambila shinshimwe ayi abaluume.

Mika 7:17

Balaakunoomyanguta bulongo anga ninsoka, ee, anga shilongolo shikalaba panshi. Balaakunoosa kabatutuma mushiyubilo shabo. Balaakusandukila kuli ndime neMwaami Lesa, Lesa wanu ceebo ca boowa alimwi balaakunooloonda ndimwe.”

Abakuku 3:5

Kunembo lyakwe kwakalinga mwaalu, pesule lyakwe pakalinga bulwashi buyoosha.

Dutolonomi 28:22

Mwaami Lesa ulaakumuletela malwashi ayambukila, shuute acimpwita. Ulaakutuma cilanga alimwi amuuwo ulungula ayi shinyonyoole shishango shanu. Anu myaalu iyi teshi ikamulekeewo kushikila mukamane kufwa.

Dutolonomi 28:48

mulaakusebensela balwani abo Mwaami Lesa mbweshi akatume ayi bamulwaane. Mulaakubula cakulya, maanshi alimwi ashakufwala, taaku cintu nabi comwi nceshi mukabaaco. Mwaami Lesa ulaakumupensha abuumbi kushikila akamunyonyoole.

Dutolonomi 28:53

“Ono ceebo ca mapensho balwani banu ngweshi bakalete paciindi cakulwana mumandabalaanu, mulaakutalika kulya bana banu, mibili ya baana basankwa abanakashi abo Mwaami Lesa, Lesa wanu mbwaakamupa.