Dutolonomi 32:21 - Baibo Busansulushi Bwa Libuku Ili

²¹ Bakanengesha kunyumfwa busuba ceebo cakulambila citeshi Lesa. Bakankalasha ceebo cakulambila shibumbwabumbwa shitaaku mboshibete. Aboobo ndaakubalengesha busuba mukupa bulemu mushobo utacite ankooya. Ndaakubakalasha mukusuna bantu batacite lushibo.

Dutolonomi 32:21 Marejeleo ya Msalaba

1 Baami 14:22

Bene Juda bakabishisha Mwaami Lesa akusonkomona bukali bwakwe kwiinda bwakacita bamashali babo bakulukulu.

1 Baami 14:9

Webo weendaawo kucita shibiibi pabaabo bakalela webo kootana kuba mwaami. Wankaaka alimwi wasonkomona bukali bwangu kwiinda mukupanga shibumbwabumbwa, balesa ba golodi ayi unoolambila.

1 Baami 16:13

Baasha amwanaakwe Ela bakasonkomona bukali bwa Mwaami Lesa, Lesa wa bene Isilaeli mukwiinga wakulambila shibumbwabumbwa alimwi akulengesha bene Isilaeli kubisha.

1 Baami 16:26

Bweenka bwakacita Jeloboamu mwanaakwe Nebati uyo wakalinga mutaanshi pali nguwe, wakasonkomona bukali bwa Mwaami Lesa, Lesa wa bene Isilaeli mukubisha lakwe mwiine akulengesha bantu bene Isilaeli kubisha abalo. Ncakwiila wakatanjilila bantu mukulambila shibumbwabumbwa isho shitaaku mboshibete.

2 Baami 17:11

Pamisena yoonse yakulambililaako ya patulundu bakalinga kutentelaawo tununkila kabotu mukukonkela kwishibila kwa bantu abo Mwaami Lesa mbwaakatanda mucishi cabo. Aboobo bakasonkomona bukali bwa Mwaami Lesa ceebo ca micito yabo ibiibi.

2 Baami 17:15

Bakakaka milasho yakwe yoonse acipangano ico ncaakapanga abamashali babo bakulukulu alimwi akucenjesha uko nkwaakabapa. Bakalinga kulambila shibumbwabumbwa shitacite ncito abalo bakaba bantu batacite ncito. Bakakonkela bwikaalo bwa bantu bakalinga kubashingulukite nabi Mwaami Lesa wakabaambila ayi, “Mutanoocita isho nshebacita.”

2 Baami 21:6

Wakabenga mwanaakwe musankwa ayi ngumulambu wakutenta. Wakalinga kusonda, kucita buloshi alimwi wakalinga kucebusha akwiipusha kubeshikwaamba abafu. Paceebo ceeco wakabisha abuumbi kuMwaami Lesa akusonkomona bukali bwakwe.

2 Baami 22:17

Bakankaka alimwi bakalinga kubenga milambu kubalesa bamwi, ono bulya basonkomona bukali bwangu ceebo ca shintu nshebakacita. Bukali bwangu pandabala ya Jelusalemu mbunene abuumbi alimwi teshi bukamaane.

Kulumbaisha 31:6

Mwebo mulipatite bantu babika myoyo yabo kubalesa bakubeca. Sombi nebo ndincinkite manungo muli ndimwe noBaami baLesa.

Kulumbaisha 78:58

Bakakalasha Lesa ceebo ca misena yakulambililaamo balesa ba baswamashi. Bakamulengesha kufutatika moyo ceebo ca shibumbwabumbwa shabo.

Isaya 65:3

Balatolelela kunkalasha cakutalisendaawo mukuya mukubenga milambu mumyuunda yakapekwa kubalesa babo akutenta tununkila kabotu pashipaililo sha bakunsengwe.

Jelemiya 10:8

Boonse tabacite maano alimwi mbaluya. Anu inga beeyanshi kushibumbwabumbwa isho shakapangwabo kushisamu?

Jelemiya 14:22

Sa shibumbwabumbwa shilicite nkusu shakuleta mfula? Sa liculu lyeenka inga lyakonsha kulosha mfula yatepetepe? Sobwe, ndimwebo, Nobaami baLesa, baLesa besu. Aboobo kulangila kwesu kulibo kuli ndimwe ceebo ndimwebo nweenka nomucita shoonse ishi.

Jelemiya 18:15

Nakubi boobo bantu bangu nebo banduba. Balatentela shibumbwabumbwa shitacite ncito tununkila kabotu. Shibumbwabumbwa isho shakabalengesha kulisuntula munshila shabo akuleka kweendela munshila shikulukulu. Shalo shakabalengesha kweendela mutushilambali amunshila shitana kweepwa.

Jelemiya 2:11

Sa kuliwo mushobo wakakakaawo lesa wa nguwo? Nakubi boobo teshi balesa bancinencine. Sombi bantu bangu bakaka Lesa wabo kwaamba ayi bakonkele balesa bataaku mbobabete.

Jelemiya 5:7

Ono Mwaami Lesa weepusha ayi, “Ino inga ndalekelela buyani shibiibi shanu? Bana banu bakansuula akutalika kulambila balesa bateshi bancinencine. Ndakalinga kubapa shoonse nshebakalinga kusuni, sombi bakatolelela kucita bufuule akusowa ciindi cabo mumaanda a bafuule.

Jelemiya 7:18

Baana batootepa nkuni. Bamashali babo batookunka mulilo. Abalo banakashi batookanda fulaulo akupanga shinkwa wa mise wakupa lesa umwi mwanakashi wiitwa ayi Mwaami mwanakashi wa Kwiculu. Batoopa shipo sha shakunwa balesa bamwi kwaamba ayi bankalashe.

Jelemiya 8:19

Nyumfwa kulila kwa bantu bangu kuswa kucishi cakulaale. “Sa Mwaami Lesa taabete muSiyoni? Sa Mwaami wa njiyo taabete mumo?” Mwaami Lesa, Mwaami wabo wakumbula ayi, “Ceebonshi basonkomona bukali bwangu mukulambila shibumbwabumbwa akufukamina balesa beensu abo batacite ncito?”

Esekelo 8:3

Wakatandabika cakalinga kuboneka anga ndyaansa akunyamwita kumisusu. Mpomunyaawo mucili anga nciloto ico, Mushimu wakwe Lesa wakanyamuna kuntola pakati ka liculu acishi ca panshi akuntola kuJelusalemu. Wakantola kumulyango wa mwinjililo wa kumatwa wa lubansa lwa mukati lwa Ŋanda yakwe Lesa. Kumulyango uko kwakalinga kwiimfwi cibumbwabumbwa cakalinga kukalasha Mwaami Lesa.

Osiya 1:10

“Nakubi boobo bene Isilaeli balaakufulabo anga ngumuseese wa kuloombe lwa lweenga, ee, utakoonshi kupimwa nabi kubelengwa. Bulya ntokwaamba ayi, ‘Tamubete bantu bangu,’ sombi bushiku bulaakushika ndyeshi nkaambe ayi, ‘Mwebo muli bantu bangu nebo neLesa muumi.’

Jona 2:8

“Abo balambila shibumbwabumbwa shitacite ncito, baleendwa nkumbu sheelete kuba shinebo.

Milimo ya Batumwi 11:15

Ndindakatalika kubalwiita, Mushimu Usalashi wakesa pali mbabo bweenka mbowakesa pali ndiswe kumatalikilo.

Milimo ya Batumwi 14:15

“Mutoocitilanshi bobulya? Swebo tuli bantubo bweenka mbuli ndimwe. Twakesa mukumushimikila Makani Abotu kwaamba ayi musanduke kuswa kushintu sha mushobo wooyu shitaaku mboshibete, akusandukila kuli Lesa muumi uyo wakalenga liculu, cishi ca panshi alweenge alimwi ashintu shoonse shili muli nshisho.

Bene Loma 10:19

Ono ndeepusha alimwi ayi, “Sa bene Isilaeli tabakwe kwishiba Makani Abotu ayo?” Ncakwiila bakalinga kwishi. Mose mwiine ngomutaanshi kukumbula ayi Lesa ulaamba ayi, “Ndaakulengesha ayi mukanyumfwile munyono mushobo uteshi wancinencine. Ndaakumukalasha ceebo ca bantu mbomwaamba ayi mbaluya.”

Bene Loma 9:25

Kweelana abwaamba Lesa mulibuku lyakalemba Osiya mulaluki mukulukulu ayi, “Abo batakalinga bantu bangu ndaakubeeta ayi, ‘Bantu bangu.’ Amushobo uyo ngoontakwe kusuna ndaakuusuna.

1 Bene Kolinto 10:22

Sa tutooyanda kukalasha Mwaami? Nabi sa tulicite nkusu kwiinda nguwe?

Dutolonomi 32:16

Bakakalasha Mwaami Lesa ceebo cakulambila balesa bamwi, wakabakalalila ceebo ca shibumbwabumbwa shabo shimulensha bunya.

Dutolonomi 32:17

Bakabenga milambu kubalesa abo bateshi bancinencine, balesa mbobatakalinga kwishi, balesa bapya, abo bamashali babo mbobatakwe kulemekaawo.

1 Samwelo 12:21

Mutakonkeli shibumbwabumbwa shitacite mpindu. Tashikoonshi kumucafwa nabi kumufuna mukwiinga taaku mboshibete.