Dutolonomi 32:17 - Baibo Busansulushi Bwa Libuku Ili

¹⁷ Bakabenga milambu kubalesa abo bateshi bancinencine, balesa mbobatakalinga kwishi, balesa bapya, abo bamashali babo mbobatakwe kulemekaawo.

Dutolonomi 32:17 Marejeleo ya Msalaba

Kulonga 32:8

Baswa kale munshila iyo njendakabalwiita ayi banookonkela. Basungulula golodi akupanga mucende mwaana wa golodi. Bamulambila alimwi akubenga milambu kuli nguwe. Batokwaamba ayi, ‘Nobene Isilaeli, uyu ngolesa wesu, uyo wakatukusha muIjipiti!’ ”

Isaya 44:8

Mutatutumi alimwi mutaloondi. Sa cikani ici nshikwe kucaambilishila limwi kale kaleelyo? Mwebo muli bakamboni bangu. Sa kuliiwo Lesa umwi kulekabo ndime? Ndushinisho taaku Lesa nabi womwi uli mbuli Mwaandami umwi ngoonshi nebo.”

Jelemiya 10:15

Taakuuwo mbobabete, balyeelete kusuulwa. Ciindi cakoomboloshekwa kwabo caakushikila, balaakumana kuloba.

Jelemiya 19:4

Ndaakucita boobo mukwiinga bakansuula akulengesha musena uyu kuba wa balesa beensu. Bakatentelamo milambu kubalesa abo balo, bamashali babo bakulukulu nabi bamaami bene Juda mbobatakalinga kwishi. Musena uno bausushabo bulowa bwa bantu batacite milandu.

Jelemiya 44:3

ceebo ca shibiibi nshebakacita. Bakasonkomona bukali bwangu mukwiinga bakalinga kutentela balesa bamwi tununkila kabotu akubalambila, ee, balesa abo, balo, webo nabi bamashali bako bakulukulu mbobatakalinga kwishi.

Bene Lefi 17:7

Anu bene Isilaeli tabeelete kutolelela kutashomeka kuli ndime neMwaami Lesa kwiinda mukucaya banyama babo muluundu ayi njimilambu kushibumbwabumbwa shili anga nimpongo. Balyeelete kunoolama mulawo uyu.

Amosi 5:25

“Nobene Isilaeli, sa mwakalinga kumbengelawo milambu mumyaaka makumi one njomwakekala muluyanga?

1 Bene Kolinto 8:4

Ono aboobo pamakani akulya shakulya shipekwa kushibumbwabumbwa, tulishi ayi shibumbwabumbwa tashicite ncito. Alimwi tulishi ayi kulibo Lesa womwi.

Dutolonomi 13:8

kutasumina nabibo kumunyumfwila. Kutamunyumfwila nkumbu nabi kuba aluse kuli nguwe alimwi kutamufunininaawo.

Dutolonomi 28:64

“Lyalo Mwaami Lesa ulaakumupalanganishisha pakati ka mishobo imwi yoonse, kuswa kweela cishi ankoceela. Nkomunya uko mulaakutalika kulambila balesa bakubesa kushisamu akumabwe, abo mwebo abashali banu bakulukulu mbomutana kulambilaawo.

Dutolonomi 32:21

Bakanengesha kunyumfwa busuba ceebo cakulambila citeshi Lesa. Bakankalasha ceebo cakulambila shibumbwabumbwa shitaaku mboshibete. Aboobo ndaakubalengesha busuba mukupa bulemu mushobo utacite ankooya. Ndaakubakalasha mukusuna bantu batacite lushibo.

1 Timoti 4:1

Ncakwiila Mushimu Usalashi ulaamba patuba ayi munshiku shitoosa bamwi balaakushiya lushomo. Balaakutalika kunookonkela mishimu ibeshi akwiisha kwa bashikaswa.

Ciyubululo 9:20

Ono bantu boonse abo bakacaala, abo batakwe kucaikwa amyaalu yotatwe iyi, tabakwe kusanduka kuswa kushintu isho nshebakalipangila beene. Tabakwe kucileka kulambila bashikaswa, shibumbwabumbwa sha golodi, sha silifa, sha bulonse, sha mabwe alimwi asha shisamu. Shintu ishi tashiboni, kunyumfwa nabi kweenda.

Boomboloshi 5:8

Ciindi bantu ndibakasala balesa beensu, ayalo nkondo yakabashikila. Tekwakalinga kuboneka lisumo nabi buta pakati ka bantu bali 40,000 ba kuIsilaeli.