Dutolonomi 30:3 - Baibo Busansulushi Bwa Libuku Ili

³ lyalo Mwaami Lesa, Lesa wanu ulaakumunyumfwila nkumbu. Ulaakumukusha kuswa mumishobo iyo njaakapalanganya akumulengesha ayi mube ashoolwe alimwi.

Dutolonomi 30:3 Marejeleo ya Msalaba

Matalikilo 28:15

Ibaluka kwaamba ayi ndanooli awebo akukulama kuli koonse nkweshi ukaye. Alimwi ndaakukuboosha mucishi cino. Teshi nkakushiyeewo kushikila nkacite shoonse nshindakulasha.”

Matalikilo 48:21

Lyalo Jakobo wakaambila Josefu ayi, “Ndi pafwaafwi kufwa. Nacibi boobo Lesa unanooli awebo akukuboosha kucishi ca bamashali bako bakulukulu.

1 Makani 16:35

Kamwaamba kuli nguwe ayi, “NoBaami baLesa, baLesa besu amutufuneeko. Mutubunganye kuswa kumishobo iimbi, kwaamba ayi tulumbe liina lyanu lisalalite akumulumbaisha abuumbi.”

Neyemiya 1:9

Sombi na mukasandukile kuli ndime akukonkela milawo yangu, ndaakumuboosha mumusena ngondakasala ayi noolambililwa nabi bantu banu bamwi bali mushishi sha busha shili kulaamfu.’

Jobo 42:10

Pesule Jobo ndyaakamana kupaililako babye, Mwaami Lesa wakamupa coolwe akumulengesha kubila alimwi. Wakamupa buboni busotoka pasheesho nshaakalinga kucite kataanshi.

Kulumbaisha 107:3

Nkokwaamba ayi abo mbwaakayobolola kuswa kushishi sha baswamashi, ncakwiila kuswa kwicwe akumbo, kumatwa akumalenge.

Kulumbaisha 147:2

Mwaami Lesa utooboosha Jelusalemu mbwaakalinga. Utooyobolola bene Isilaeli bakalinga mushishi shabusha.

Isaya 27:12

Pabushiku ubo, Mwaami Lesa ulaakubunganya bantu bakwe womwi awomwi kuswa kuMulonga wa Yufuletisi tibili akunyinsa ya Ijipiti bweenka muntu mbwaapupulusha witi ayi upansaane abuungu.

Isaya 43:5

Mutabi aboowa, ndi amwebo! Ndaakuleta bamulunyungu lwanu kuswa kushishi sha kwicwe alimwi ndaakuyobolola boonse bali kushishi sha kumbo.

Isaya 54:7

“Ee, kwaciindi ciniini ndakalinga ndamusuula, sombi ndaakumuboosha ankuumbu shiinji abuumbi.

Isaya 56:8

Mwaami Lesa Shinkusu shoonse ee, uyo wakayobolola bene Isilaeli bakalinga mubusha waamba ayi, “Ndaakuyobolola abamwi peculu lya baabo bakesa kale.”

Jelemiya 12:14

Mwaami Lesa waamba ayi, “Ndicite makani akwaamba kubaabo bashingulukite cishi ca Isilaeli abo bakanyonyoola cishi ncendakapa bantu bangu. Ndaakubatupula kuswa mushishi shabo akutupulawo bene Juda pakati kabo.

Jelemiya 23:3

Nebo nemwiine ndaakuyobolola litanga ilyo lyakacaalawo kuswa mushishi shoonse nshendakashipalanganishishaamo akushiboosha kumafulo a nshisho uko nkweshi shikashalane akufula.

Jelemiya 29:14

Ncakwiila mulaakuncana alimwi ndaakumuboosha mucishi canu. Ndaakumubunganya kuswa kumishobo yoonse akumisena uko nkondakamupalanganishisha akumuboosha kucishi uko nkondakamukusha akumutuma mubusha. Nebo neMwaami Lesa ndaamba.’

Jelemiya 31:10

“Amunyumfwe maswi angu neMwaami Lesa, mwebo nomishobo ya bantu. Amwaambilishe maswi aya kushishi sha muloombe lwa lweenge ayi, ‘Ndakapalanganya bantu bangu, sombi ndaakubabunganya alimwi. Ndaakubalama bweenka mweembeshi mbwaalama litanga lyakwe lya mbelele.’

Malilo 3:22

Ceebo ca lusuno lwa Mwaami Lesa lutamaani, teshi tukalobeewo mukwiinga lakwe lusuno lwakwe ndwamuyayaya.

Malilo 3:32

Nakubi kwaamba ayi waleta mapensho, pesule ulaakufwa nkumbu ceebo lusuno lwakwe lutamaani ndunene.

Esekelo 11:17

“Paceebo ceeco ubalwiite ayi nebo neMwaami Lesa Shinkusu shoonse ndaamba ayi, ‘Ndaakumubunganya kuswa pakati ka mishobo ya mucishi ca panshi coonse iyo njendakamupalanganishishaako. Ndaakuboosha cishi ca Isilaeli mumaansaanu.’

Esekelo 36:24

“ ‘Ndaakumukusha mushishi sha mishobo imwi akumuboosha mucishi cine mishaanu.

Esekelo 39:28

Lyalo ndyeshi bakeshibe ayi nebo ndi Mwaami Lesa, Lesa wabo. Nakubi kwaamba ayi ndakabatuma mubusha pakati ka mishobo imwi, ndaakubabunganya akubaleta mucishi cabo cakutashiyaawo nabi womwi.

Mika 7:19

Mulaakutunyumfwila nkumbu alimwi. Mulaakulyata shibiibi shesu amyeendo yanu akuwaala shilubo shesu panshi peene palweenge.

Sekaliya 10:9

Nakubi kwaamba ayi ndakabapalanganishisha pakati ka mishobo imwi, kweenka kushishi shakulaale uko balaakunjibaluka. Balo abana babo balaakunoolibo boomi alimwi balaakuboola kumishaabo.

Bene Loma 11:23

Abalo baJuda na basanduka kuswa kushibiibi shabo akutalika kushoma Lesa alimwi, inga wababooshaako kucisamu. Ceebo Lesa ulacikonsha kucita boobo.

Bene Loma 11:26

Anu mboboobo Lesa mbweshi akapulushe bene Isilaeli boonse. Bweenka bwaamba Malembo akwe Lesa ayi, “Mupulushi ulaakuswa kuSiyoni, alimwi ulaakulekelela bubi boonse bwa bene Isilaeli.

Bene Loma 11:31

Mbweeke ubo mukwiinga Lesa wakamunyumfwila nkumbu, baJuda tabatoonyumfwila Lesa kwaamba ayi abalo inga wabanyumfwila nkumbu.

Dutolonomi 13:17

Ono mutakeeleshi kubwesa cintu nabi comwi pasheesho shakaambwa ayi shilyeelete kunyonyoolwa. Lyalo Mwaami Lesa ndyeshi akamulekelele akumunyumfwila nkumbu. Ulaakumunyumfwila nkumbu akumulengesha ayi mukafuule abuumbi, kweelana ambwaakalasha bamashali banu bakulukulu,

Dutolonomi 4:27

Mwaami Lesa ulaakumupalanganishila mumishobo imwi umo baniinibo pakati kanu mweshi bakapulukile.